Telegram-канал "مخبريات" — @biolab2

راح اشرح اليوم عن تحليل السائل المنوي للرجل يعتبر من اهم التحاليل واسمه seminal fluid واختصاره من الطبيب بورقه التحليل يكون اسمه #sfa seminal fluid analysis او #csa complete seminal analysis
شروط التحليل يكون الرجل ممتنع عن الجماع 3 ايام ضبط لا اقل ولا اكثر
لان في غضون هذه الايام يكون نسبه الحيامن #الطبيعيه في الجسم
طريقه التحليل تكون بطلب من المراجع السائل المنوي بواسطه #cup وشرط عليه ان لا تكون النسبه قليله ويجب ان لا تخبط بادرار او ماء او اي سائل اخر ويجب عدم ملامسة السائل داخل الكب وايضا بدون عمل مزج للكب واذا كان التحليل من خارج المختبر التأكد من عدم تعرض العينه لاشعه الشمس
العينه يجب ان تصل للمختبر بغضون ربع ساعه لا اكثر
عند استلام العينه يوضع الكب بحمام مائي جهاز بي ماء ساخن درجه حرارته 37 اسمه water bath
بين كل 5-10 دقائق نتفحص العينه اذا تحولت الى سائل لان هو يجي لزج ف لازم نحوله سائل والوقت الي تحول بي من لزج الى سائل مهم ويحفظ بعد ميتحول سائل نشخصه
التشخيص يكون على خطوتين الاولى نسميهه تحليل بالعين المجرده او نسمي Macro (طبعا كلشي ينكتب بورقه التحليل) الي يكون بالعين المجردة اولا تشوف كميته الي جتي بالكب من المراجع شكد نسبتهه طبعا هي الطبيعيه (5-2) مل تعرفه بالتخمين واذا معرفت تكدر تجيب البايبيت pipette الكبيره وتاخذ منه 1 مل تخلي بغير تيوب وتبدي تحسبه كم مل وشكد يطلعلك تكتبه بورقه التحليل
ثانيا كلنه نكتب الوقت الي تحول بي من لزج الى سائل الطبيعيه يكون (30-20) دقيقه
ثالثا تشوف ال ph مالته الطبيعي يكون قاعدي نسمي Alkaline عن طريق شريط بالمختبر نخلي بالكب الي بي العينه وتتغير لونهه الى ازرق او اخضر اما اذا تحول اللون الى احمر او برتقالي نكول هذا حامضي نسمي Acidic يعني بي خلل
رابعا نشوف لونه الطبيعي يكون ابيض مائل للرمادي اذا كان اصفر يعني التهابات وممكن يكون عنده جراحه (pus cell) او يكون بي دم هذا سببه سيوله دم او غيرهه من امراض
بعدهه ناخذ قطره منه باستخدام اداة بلاستيكية اسمهه الماصة تشبه الاداة مال قطره العين ونخليهه على سلايد (قطعه زجاجيه مستطيله صغيره) ونخلي فوك القطره هذي قطعه زجاجيه مربعه صغيره اسمهه كڤر سلايد ونخلي تحت المجهر ونقراه
طبعا القراءة لازم تكون دقيقه وتكون سريع وتخمنهه بسرعه
طبعا انت لازم تحسب 100 حيوان منوي يعني النسبه تطلع من 100
تحسب الحيوانات المنويه الي تتحرك الفعاله شكد عددهه وتسجله (بعقلك طبعا) وتحسب الحيوانات المنويه الي متتحرك ايضا بعقلك وتحسب الحيوانات الي تكون حركتهه مو طبيعيه يعني يتحرك بطيء او حركه بنفس المكان تحسبهن بعقلك ايضا
وعندك مرات يطلع اشكال غير طبيعيه للحيامن تحسبهم ايضا
وي الحيامن يطلع في السائل الي تسبح بي جراحه نسميهه pus cell تكون دائريه وواضحه سببهه التهابات وغيرهه او يطلع كريات دم حمر تكون ايضا دائريه لكن بيهه نواة وتكون لماعه شوي سببهه اصابه او ورم او سيولة في الدم
طبعا اذا طلعت نسبه الحيوانات المنويه الفعاله المتحركه قليله ونسبه الحيوانات المنويه الغير متحركه كبيره هذا يكون عنده خلل لازم يروح طبيب
مثل ماكلنه نحسبه من 100 يعني نسبه المتحركه طلع 20 والغير متحركه 80 لازم يروح طبيب (طبعا تحسبهم بعينك تحت المجهر) اما اذا العكس ف عادي كلشي مابي
وعدنه الجراحه نسبتهه الطبيعيه تكون من (10-8) اذا حسبتهم وطلعت اكثر نكول عنده التهابات وطبعا كلما تكثر الجراحه كلما تكون الحيوانات المنويه الفعاله اقل
كل (10) جراحه نكول صليب يعني اذا طلعت (20) نكول صليبين
وكريات الدم الحمر (4-2) نسبتهه الطبيعيه اذا كثرت نكول عنده خلل
وكل (4) نكول صليب

397 0 4

Язык сайта

Как привлекать от 1000 пдп ежедневно?

Льешь с ФБ на телеграм?

Надо было вчера

مخبريات

Гео и язык канала

Категория

133