Dapamoga

Віленская дыяспара беларусаў, былых палітвязняў, заклікае вас далучыцца да акцыі ў падтрымку ўзмацнення санкцый!

Першая такая акцыя адбылася ў панядзелак 17 лютага.
У артыкуле Радыё Рацыя можна паглядзець падрабязней >

☝️Акцыя будзе прадоўжывацца кожны дзень да 21 лютага уключна.

Бо зараз той момант, калі ў нас ёсць апошні шанец на нешта паўплываць. Калі вы таксама лічыце, што нельга адмяняць санкцыі, асабліва, з такімі ўмовамі, якія сёння з'явіліся ў СМІ, то далучайцеся.

"Мы супраць адмены санкцыяў у дачыненні да Лукашэнкі. Мы амаль 5 гадоў патрабуем увесці новыя, яшчэ больш жорсткія санкцыі за кожнага палітзняволенага, за кожнага забітага на вуліцах і закатаванага да смерці ў турмах, за кожнага, хто застаўся без уласнага дома. Мы вымушаны маўчаць і хаваць свае твары нават у іншых краінах, таму што яны забіраюць нашу маёмасць, прыходзяць да нас дадому, усё там знішчаюць і скрадаюць грошы, затрымліваюць нашых родных і бацькоў, ставяць іх на калені, збіваюць і адпраўляюць у турмы. Мы супраць паліцэйскай дзяржавы і дыктатуры ў цэнтры Еўропы!".

Арганізатары ў мэтах флэшмобу прапануюць выйсці ў балаклавах - як сімвал таго, што беларусы вымушаны хаваць свае твары нават за мяжой.

🗓 18 - 21 лютага
🕑 12:00
📍 Амбасады ЗША ў Вільні, Akmenų g. 6

Прапануем беларусам замежжа зрабіць таксама мітынгі ў сваіх гарадах!

Далучайся! ❤️

17-га лютага каля амбасады ЗША беларусы, якія былі вымушаны пакінуць краіну праз пераслед, правялі акцыю з патрабаваннем вызвалення палітвязняў і спынення рэпрэсіяў у Беларусі. Мы пагутарылі з яе арганізатарам Аляксандрам Андрушкевічам, які таксама 4,5 месяцы правёў за кратамі.

— Да чаго прымеркаваны ваш пікет?
— Сёння ў ЗША дзяржаўнае свята Дзень прэзідэнтаў. Амерыканцам пашчасціла мець магчымасць абіраць новага прэзідэнта кожныя 4 гады. Нажаль, беларусы пазбаўлены гэтага ўжо 30 гадоў. Мы вітаем прэзідэнта Трампа з яго святам і жадаем дасягнуць яго мэты і зрабіць Амерыку вялікай ізноў. Для гэтага трэба рабіць вялікія справы, адной з якіх можа стаць вызваленне палітвязняў і спыненне тэрору і катаванняў у Беларусі. Доналду Трампу двойчы давялося ў нялёгкай барацьбе змагацца за сваю пасаду і напэўна ён пагадзіцца, што знаходжання аднаго чалавека ва ўладзе 30 гадоў без правядзення сумленных выбараў — гэта несправядліва. Таму мы па-ранейшаму патрабуем новых сумленных выбараў і спынення дыктатуры ў цэнтры Еўропы.

— Што азначаюць чорныя маскі на вашых тварах?
— Гэтым мы хочам паказаць, што нават знаходзячыся за мяжой беларусы не могуць выказваць адкрыта сваё меркаванне і вымушаны скрываць свае твары, бо рэжым адкрыта пагражае нам, канфіскуе нашую маёмасць і пераследуе нашых сваякоў, віна якіх толькі ў тым, што яны нашыя родныя. Падчас апошняга дня так званых выбараў Лукашэнка асабіста агучыў гэтыя пагрозы.

— Ці засталіся ў вас родныя ў Беларусі?
— Так, у мяне засталася маці. Нажаль, мой бацька памёр. Я не змог правесці апошні год яго жыцця побач з ім, бо спачатку быў у турме, а потым вымушаны быў пакінуць краіну, і не змог развітацца з ім і пахаваць. Гэта мой боль, які прымушае мяне працягваць барацьбу. Мая маці папракнула мяне тым, што я працягваю пратэставаць, падстаўляючы іх. Гэта вельмі складаная дылема, але я лічу, што мы павінны працягваць барацьбу, бо рэжым і намагаецца, каб мы ўсе замоўклі. Я мяркую, што агучваючы гэта ў еўрапейскай краіне каля амбасады ЗША, я абяззбройваю рэжым. Таму збіраюся прыходзіць сюды па адрэсе Akmenų g. 6 а 12-й яшчэ 4 дні, з аўторка па чацвер, і заахвочваю далучыцца беларусаў, якія падзяляюць маё меркаванне. Пры неабходнасці я буду стаяць тут столькі, сколькі спатрэбіцца, каб дагрукацца да адміністрацыі Тампа.

— Якія у вас патрабаванні?
— Асабіста я лічу, что нельга адмяняць санкцыі з тымі ўмовамі, якія зараз абмяркоўваюцца ў СМІ. Больш за 4 гады мы патрабавалі ўвесці яшчэ больш жорсткія санкцыі за кожнага палітзняволенага, за кожнага забітага на вуліцах і закатаванага да смерці ў турмах, за кожнага, хто застаўся без уласнага дома. Але так гэтага і не дачакаліся. Прэзідэнт Трамп за адзін дзень змог дабіцца ад уладаў Мексікі таго, чаго хацеў. Таго самага ён можа дабіцца і ад нелегетымнай улады Беларусі. Аднаго дня тарговага эмбарга хапіла б, каб вызваліць усіх палітвязняў без усялякіх умоваў і распачаць перамовы пра транзіт улады паміж Лукашэнкам і Ціханоўскай. У той жа час мы вітаем любыя перамовы з рэжымам дзеля вызвалення палітвязняў, таму што яны пакутуюць і страчваюць сваё здароўе. Але ў нас ёсць два істотных патрабавання. Першае: вызваленне ЎСІХ без выключэння закладнікаў, нават тых, хто зараз не прызнаны палітвязнем, але пераследуецца па палітычна матываваных справах. І другое: спыненне ў Беларусі рэпрэсіяў і пераследу ў дачыненні да апанентаў улады, таму што без гэтага ўгода не мае сэнсу. Толькі пры выкананні гэтых двух патрабаванняў угода можа быць больш-менш справядлівай.

Падзяка ад супрацоўнікаў ААН

Добры дзень. Спадзяюся, у вас усё добра.

Я проста хацела яшчэ раз падзякаваць вам за супрацоўніцтва і паведаміць, што наш даклад апублікаваны. Як ужо абмяркоўвалася раней, ваша асабістая інфармацыя была захавана ў канфідэнцыяльнасці, але яна знайшла адлюстраванне ў розных частках дакладу.

Яшчэ раз вялікі дзякуй за ваша імкненне ўнесці свой уклад у змены ў галіне дэмакратыі, вяршэнства права, правасуддзя і рэалізацыі правоў чалавека ў Беларусі.

Даклад даступны па спасылках:
https://www.ohchr.org/en/hr-bodies/hrc/gie-belarus/index (гл. раздзел «Дакументацыя»)
а таксама
https://www.ohchr.org/sites/default/files/documents/hrbodies/hrcouncil/ohchrbelarus/a-hrc-58-68-aev.pdf.

Звярніце ўвагу, што руская версія дакладу будзе даступная толькі 11 сакавіка.

З павагай,
Н

Пікет у панядзелак а 14-й каля амбасады ЗША.

Зараз той момант, калі ў нас ёсць апошні шанец на нешта паўплываць. Калі вы таксама лічыце, што нельга адмяняць санкцыі, асабліва, з такімі ўмовамі, якія сёння з'явіліся ў СМІ, то далучайцеся.

"Мы супраць адмены санкцыяў у дачыненні да Лукашэнкі. Мы амаль 5 гадоў патрабуем увесці новыя, яшчэ больш жорсткія санкцыі за кожнага палітзняволенага, за кожнага забітага на вуліцах і закатаванага да смерці ў турмах, за кожнага, хто застаўся без уласнага дома. Мы вымушаны маўчаць і хаваць свае твары нават у іншых краінах, таму што яны забіраюць нашу маёмасць, прыходзяць да нас дадому, усё там знішчаюць і скрадаюць грошы, затрымліваюць нашых родных і бацькоў, ставяць іх на калені, збіваюць і адпраўляюць у турмы. Мы супраць паліцэйскай дзяржавы і дыктатуры ў цэнтры Еўропы!".

❗️Заяўка на 15 чалавек, таму, калі ласка, напішыце ў прыват пра свой намер прыйсці - @dotykby

🗓 17 лютага
📍 Akmenų g. 6

Увага!

⚡️ Сённяшняе 16 лютага (нядзельнае) пляценне сетак у Замку

❗️пераносіцца ❗️

на заўтра, 17 лютага, панядзелак!

🤍 Заўтра замкавая супольнасць пляце "на выезде" ў нашых партнёраў - Віленскіх павукоў.

🙏 Наша бязмежная падзяка ім за падтрымку, кансультацыі і матэрыялы для пляцення сетак у Замку.

Разам за нашу і вашу свабоду!
Разам для Украіны!
Kartu už mūsų ir jūsų laisvę!
Kartu už Ukrainą!

🇱🇹❤️🇺🇦

Запрашаем беларусаў далучацца!

🗓 17 лютага
🕐 18:00 - 21:00
📍 Гандлёвы цэнтр CUP,
4 паверх
Upes g. 9

15 лютага ў межах фестывалю "Вершы на асфальце", які пройдзе ў Вільні, адбудзецца канцэрт гурта Syndrom Samazvanca з прэзентацыяй альбома “Radyjo Niamiha”.

Таксама музыкі сыграюць песні з першых двух альбомаў і прэзентуюць некалькі новых твораў. Класіка беларускага року на вершы паэтаў у псіхадэлічным пераасэнсаванні, краўтрок-фольк, псыхпанк і многае іншае.

Запрошаны госць — Віктар Сямашка.

Уваход вольны.

🕑 Пачатак а 18.00
📍 Клуб Paviljonas, Pylimo g. 21B

#вершы_на_асфальце2025