Diarius

Zanjirni uzma

Bu yil uchun 112 kun sport bilan shug’ullanishni maqsad qildim.

Fevral, mart oyida yakshanbadan boshqa har kuni chiqdim zalga.

Keyin orada to’xtab qoldi.

Oktabrda yana boshladim, har kuni chiqayotgandim, noyabrga kelganda o’sha vaqtga darsga boradigan bo’ldim.

Zarar qilmasa kerak deb o’ylagandim, hozir 1 oydan beri chiqishga qiynalyapman.

Uyqu, charchoq ora orada kayfiyat bo’lmay qolishni boshladi, qayta chiqishni ortga surayapman.

Har bir odat keyingisiga zanjir bo’lar ekan.

Sport bilan shug’ullanish keyin ilm olishga, ilm olish ishga, ishdan keyin charchash hisobiga erta uxlashga, erta uxlash erta uyg’onishga sababchi.

Bu odatlar har kuni bo’lishi ham zanjir, bir kun qoldimi zanjirni tiklash qiyinlashaveradi.

30 yoshgacha siz odatlarni qurasiz, 30 yoshdan keyin odatlar sizni quradi.

Zanjir bu - sistema, alohida bir biriga bog’liq bo’lmagan elementlar emas.

Zanjir uzilsa butun sistema zarar ko’radi.

Xulosa: Zanjirni uzma!

@diarius

Erishishing mumkin bo’lgan eng yuqori natijaga borish yo’li

Har bir ishda boshlang’ich bosqichda turganlar va eng kuchlilar orasida juda katta farq bor.

Lekin bir kun ular ham birinchi bosqichdan o’tishgan.

Bir ishni ushlab mutaxassis bo’lishni tanlaganlar bu yo’lda qiyinchilikni borgan sari oshirib borishadi, o’zlariga yangi “vizov”lar tashashadi.

Bu og’ir vazn ko’tarishga o’xshaydi.

Bittada eng og’irini ko’taraman desang beling sinadi, sekin sekin qo’shib borsang bir kun kelib uni bemalol ko’tarasan.

Qiyinchilik darajasini oshirmoqchi bo’lsang, miyada avtomatik bu imkonsiz degan signal keladi.

Vazzni ozgina oshirib ko’ray, ko’p narsa yutqizmayman deb sinab ko’rishni taklif qil.

Qila olsang keyingi darajalarni oshirishda qiynalmaysan. Sababi qila olganing sari ishonch oshadi.

Faqat bittada eng og’iridan boshlayman deb qila olmasang, qaytib yaqinlashmaydigan bo’lasan.

Shu sababli bosqichma bosqich qiyinchiliklarni darajalarini oshirib bor.

Senda tabiiy ustunlik bo’lgan yo’nalishni tutib to’xtamasang, o’zing qila olishing mumkin bo’lgan eng yuqori nuqtaga chiqasan.

@diarius

Foydali ishlarni qilishga vaqt/energiya yetmayapti

Yaqinda do’stlarimiz bilan bir challenge boshladik, anchadan beri ortga surib yurgan odatni shakllantirish uchun.

Bu odatni allaqachon shakllantirgan do’stimizdan bizni nazorat qilishini iltimos qildik.

Aytilgan vaqtda bajarilmasa jazo bor, qo’shimchasiga bizga qoidalar ham yozib berdi.

Men qoidalarga amal qilmadim (unga jazo yo’q), lekin har kuni jazo bor vazifani qildim.

Qolganlar esa ham qoidaga rioya qilishdi, ham har kuni vazifani vaqtida topshirishdi.

Farqimiz men hali samara ko’rmadim, ular esa qolgan odatlarini ham to’g’irlab olishdi.

Birinchi qoida vaqtni o’g’irlaydigan ko’ngilochar ishlardan uzoq bo’lish edi.

Masalan futbol ko’rish, you tube, instagramdan maqsadsiz foydalanish, kino/serial yoki shunchaki ishga aloqasi yo’q suhbatlardan voz kechish.

Kechadan boshlab men qoidaga amal qilishni boshladim.

30 bet kitob; 1 ta darslikni eshitib, qayd qildim; ishimga doir qolib ketgan vazifalarni yakunladim; challengedagi topshiriq - barchasiga bir kunda ulgurdim.

Uyqu kechikib ketardi, charchab erta uxladim.

Endi qoidani hikmatini tushungandekman:

• Foydasiz vaqt o’g’risi bo’lgan ishlardan voz kechish, o’rnini foydali ishlar bilan to’ldirishga yo’l ochar ekan.

• Foydasiz ishlarga oddiy qarardim, zarari yo’qku deb. 10 minut 1 soatga, 1 soat 5 soatga ulanib ketgani sezilmas ekan.

@diarius

Muallif yoki qurbon

Bir ishni oxiriga yetkazuvchilar bilan yarim yo’lda taslim bo’luvchilar o’rtasida asosan bitta farq bor.

Biri barcha ma’suliyatni o’z zimmasiga olib imkon qidiradi, biri esa faqat kutadi, o’xshamasa aybni boshqa sababdan qidiradi.

Shu oddiy munosabat kichik ishlarda ko’rinadi.

Darsda biri aktiv, biri passiv;

Vazifa berilganda biri kutilmadan yuqori natijaga intiladi, biri qo’l uchida yondashadi;

Natijaga erishmasa biri xulosa olib yana urinadi, biri bu menga emas ekan deb, osonroq ish topishga o’tadi;

Muallif bo’lishni tanlagan inson sabablarni 100% tayin qilishga harakat qiladi.

Qurbon pozitsiyasidagi qahramon esa harakat o’rniga, to’siqlarni ko’rib to’xtaydi.

Mualliflarda ham ko’p holatlarda dangasalik, tushkunlik bo’ladi, ammo u bu holatdan tezda chiqib ketadi.

Sababi ular qurbon bo’lish oson lekin muallif bo’lish har qanday holda samarali ekanligini biladi.

Ishlar o’xshamaganda ham baribir natijaga bir qadam yaqinlashishini biladi va davom etadi.

@diarius

Qilgan rejalarim o’ylaganimdek ketmagani, 6 oy avvalgi qarorlarim noto’g’ri bo’lganligini tushunishimga va ularning sabablarini topishga yordam berdi.

Bu sabablarni yechimini izlash, keyingi 6 oy uchun nisbatan oqil yo’l tanlashimga sabab bo’ldi.

Keyingi 6 oy esa men kutganimdek o’tsa, ularning mevasi keyingi 1 yilda ko’rinadi.

Bir yildan so’ng yoziladigan post yoki o’rganganlarim yoki natijalar deb boshlanadi.

14.10.23

Yo’q deyishni o’rgan

Kitob o’qishga vaqt yo’q;

Odatlarni rivojlantirishda qiynalayapman;

Ertaga ertaroq uxlayman;

Sportni keyingi oydan boshlayman;

Cheksizlik

Eng muhim ishlarni ortga surishda davom etayapsan

Nimaga?

- Vaqt, energiya, pul yetishmayapti

Vaqt, energiya, pul birinchi navbatda eng muhim ishlarga sarflanmasa hech qachon yetmaydi

Ularga ega bo’lish uchun: do’stlar bilan behuda vaqt o’tkazishga; futbol, kino, serial ko’rishga; shunchaki yaxshi ko’ringan yangi “tema”larga; investitsiya emas harajatlarga - yo’q deyishni o’rgan

Vaqt, energiya, pul - cheklangan

Yoki haqiqiy muhim ishlarga, yoki sen muhimliligini oshirib yuborgan ishlarga ketadi

@diarius

+

Olganingdan berganing ko’proq bo’lsin

Hayot almashinuvdan iborat

Almashinuvda eng kamida ikki tomon ham teng qiymat olishi kerak

Bir tomon kelishuvdan kamini bersa ikkinchi tomonning haqqiga hiyonat qilgan bo’ladi

Kutilmani o’rganing, ikkinchi tomonga 30% ko’proq qiymat berish har bir munosabat uzoq muddatli bo’lishini ta’minlaydi

Bu prinsip ishda professional bo’lishga, lavozim va daromad oshishiga;

Do’stlar yaxshi yomon kunlaringizda yoningizda turishiga;

Oilaviy munosabatlarda mehr va qo’llab quvvatlov kuchayishiga;

Ustozlar sizga ko’proq vaqt ajratishi va maxsus ilmlarini ulashishiga;

Hodimlar ishini yanada puxtaroq va kutilganidan ortiq bajarishiga;

Barchasi yig’ilib sizga bo’lgan ishonch va xurmat ortishiga, yangi imkoniyatlar chiqishiga sababchi bo’ladi

@diarius

Negativ vizualizatsiya (salbiy tasavvur)

Hayotda hamma narsa o’z qo’limizda emas

Biz xattoki tasavvur qilmagan stressga tushiruvchi ishlar bo’lishi mumkin

Bunday holatda o’zimizni yoqotib qo’ymaslik uchun nima qilish mumkin?

Qiyinchiliklarga o’zimiz tanlab borishimiz

Turli xil zarbalarga tayyorgarlik ko’rish, hech bo’lmaganda zarbaga chidamliklikni oshiradi va yiqilmaslik ehtimoli ortadi

Eng kutilmagan holatlarni tasavvur qilib, qiyinchillikka qarab yurish dangasalikni, irodasizlikni va ishonchsizlikni kamaytiradi

O’sha holatga yuzaga kelsa inson nisbatan chiqib ketishga tayyor bo’ladi

Komfort zonaga tushib qolganda foydalanish to’g’ri bo’ladi

@diarius

Shovqinni kamaytirib, savollarni ko’paytir

Asosiy vaqtimiz - ish, o’qish va yaqinlarimiz oldidagi ma’suliyatlarni bajarish bilan o’tadi

Uyqu, ovqatlanish va qo’shimcha kundalik ishlarni ham olib tashlasak kuniga o’rtacha 4 soat bo’sh vaqtimiz bor

O’sha vaqtni unumli foydalanishga qarshi kuchli raqobatchilar bor:

Ijtimoiy tarmoq, kino va serial, o’yinlar va do’stlar bilan zerikmaslik uchun vaqt o’tkazish

Hozirgi kunda inson o’zi bilan o’zi suhbatlashishga xalaqit qiluvchi shovqinlar ko’p

Insonning fikrlashi, harakati, odati, dunyoqarashi o’zgarishi uchun unga - muammolar va chuqur tahlil kerak

Chuqur tahlil uchun fokus va vaqt kerak

Shovqin qancha ko’p bo’lsa, shuncha vaqt kam

Shovqin kamayib, tahlil kuchaysa - qarorlar sifati ortadi, foydali harakatlar boshlanadi, natijalar yaxshilanadi

Bir kunda bir soat yolg’iz qolib, fikrlashga ajratilgan vaqt, muhim savollarni keyingi qoldirmasdan javobni hoziroq izlashga sabab bo’ladi

@diarius

Harakat qilsangu, ishlaring o’xshamasa shukr qil

Ba’zida qilayotgan ishingda senga bog’liq bo’lmagan sabablar tufayli ishlar o’xshamasligi mumkin

Shu ish o’xshab ketsa lavoziming, daromading, obro’ing oshishi mumkin edi

Qancha kutilmalar baland bo’lsa, o’xshamaganda shuncha kayfiyat tushadi

Lekin bu aslida ogohlantirish yoki ne’mat bo’lsachi?

Ikki holatda ishlar yaxshi ketadi
1. Niyat, buyurilgan amallar go’zal va ishning sababi ham imkoni boricha to’la to’kis
2. Sabab to’la to’kis lekin niyat ham boshqa amallar ham noto’g’ri

Birinchisida mukofot berildi

Ikkinchisida o’z holingga tashlab qo’yilganing uchun o’xshadi, toki yaxshi niyat va amalsiz ham hammasi yaxshiku degan fikrda davom etishing uchun

Ish o’xshamasa qilgan niyat, amalingda yoki tayin qilgan sababingda nuqson bor, hikmat izla

Sinov - sog’lig’ing, yaqinlaring yoki nochorlik ko’rinishida kelmagani uchun shukr qil

Yoki ishlaring yaxshi ketib, o’z holingga tashlab qo’yilmaganingga shukr qil

Hikmatni anglab davom et

@diarius

Baribir o’rganadi

Ba’zi tadbirkorlar va mutaxassislar doimo kitob, kurslar o’qishadi, bilimga chanqoq

Ba’zilari esa bilim emas tajriba muhim degan fikrda. Bilimga vaqt, e’tibor va pul sarflamasa ham natija bor

Aslida ikkalasi ham yangi bilim o’rganmoqda faqat ikki xil usulda:

1. Birovning o’rganganidan o’rganish. Kitob, kurs har bir info kontent ma’lum bir tajribaga asoslangan

Foydasi: Risk kamroq
Kamchiligi: Ma’lumot bu natija emas. Natijaga ta’sir qiluvchi faktorlar har bir keysda har xil

2. O’zi qilib o’rganish. Bilim shaxsiy tajribaga asoslangan.

Foydasi: Harakat bo’lgani uchun yoki o’xshaydi, yoki yangi bilim oladi, shunga asoslanib keyingi urinish yaxshilanadi
Kamchligi: Xato qimmatga tushishi mumkin. Yaxshiroq imkoniyatlar ko’rilmagani uchun uzoqqa bormasligi mumkin

Ikkalasini birdek olib ketgan odamlar o’yindagi “chit kod”dan foydalangan bo’ladi

Bir odam bir umr yashab tushunib yetgan xulosasini, yillab to’plagan bilim va tajribalarini o’rganish pul, vaqt, energiya tejaydi

Undan ham muhimi imkoniyat kelganda unga tayyor bo’lishga yordam beradi

Noyob imkoniyatlarni ushlab qolish kerak, ular har doim ham kelavermaydi

Qarshi argument yoki qo’shimchalar bo’lsa izohga yozing, yoqqan bo’lsa ulashing)

@shamshod_insights

Noodatiy natijalar - ustma ust qurilgan ko'nikmalar evaziga keladi

Dunyo murakkab - bir natija hosil bo'lishi uchun bizga ko'ringan 10 lab, ko'rinmagan 1000 lab sabablar bor

Har bir zamonda - o'sha davrda deyarli imkonsiz ishlarni qilgan shaxslar bor

Ular tabiiy shundaymi? Boshqalarda imkon yo'qmi?

Har bir shaxs DNK sida turli o'zgachalik, sifatlar bor

Lekin buni o'zi yetarli emas

Hayot davomida qo'shish kerak bo'lgan sifatlar ko'p

Kimdir tabiiy kirishuvchan

Lekin hali boshqaruvda kuchli emas, risk olishga qo'rqadi, ilmga chanqoq emas

Tabiiy kirishuvchan bo'lsa ham o'z sohasida yuqori natijalarga chiqa olmaydi

Qolgan ko'nikmalar rivojlanmagan

Yuqoridagi 3 ta ko'nikmani rivojlantirsa o'z sohasida yetakchi bo'lishi ehtimoli ortadi

Bu ko'nikmalar ustma ust yig'ilaversa - natijalari noodatiy (rare) bo'lib boraveradi

©️Alex Hormozi

Tanish-bilishni qanday ko’paytiraman?

Netvorkingni kuchaytirish uchun yordam beruvchi usullar bilan bo’lishgan edim, endi navbat o’zim qanday shakllantirganimga

Men uchun ikkita asosiy qoida bor:
1. Yangi odamlar bilan tanishishga yopiq bo’lmaslik (introvertlikdan chiqish) - payti kelganda insonlar bilan tanishish va eng muhimi ularni faoliyati, sohaviy fikr almashish, shaxsiy rivojlanishga doir savollar berish

2. O’zing hohlagan muhitga qo’shilishga harakat qilish - ijtimoiy tarmoqlarda doimo rivojlanuvchi insonlarga obuna bo’lgan bo’lsang va sen qo’shilmoqchi bo’lgan muhit bo’lsa, aloqaga chiqib ko’rish

1-qo’shilgan komyunitim, Book Hunters club, kitob o’qishga qiziquvchilar uchun tashkil etilgan klub edi, keyinchalik Teammate (shaxsiy va sohaviy rivojlanish), Quant club (shaxsiy brend va TOP mutaxassis bo’lish) va IDM (Islamic Marketing) bo’ldi

Boshida qiyin bo’ladi, hali seni hech kim tanimaydi va ikkilanadi taklif qilishga. Agar qaysidir komyunitida tanishing bo’lsa, taklif qilib ko’rishini so’ra (bir necha martta bo’lsa ham)

Teammate ga 4 oy o’tib qo’shilganman

Ishdagi tajribam orqali ham ko’p tanishlar orttirganman va ustozlar ham)

Yoki shunchaki kim bilandir tanishmoqchi bo’lsang, mavzuni ayt va kofe ishlashga taklif qilib ko’r

Bir sohada rivojlan, ijtimoiy faol bo’l va rivojlanayotgan do’stlaring bilan birga bo’lishga harakat qil

Shunda sen beradigan qiymat aniq bo’ladi va tanish bilishlar ko’p bo’ladi

Bu kelajakda senga adolatsiz ustunliklar beradi (unfair advantage)

Keyingi post unfair advantage haqida bo’ladi

@shamshod_insights

Izlagan imkon topar

Biror bir ishni qilishni hohlasak, miya uni qilishga yechim qidiradi

Algoritmlar tuziladi, urinib ko’radi, o’xshamasa yangi reja tuzilib harakat davom etadi

Uyga vazifa tayyorlashda, kitob o’qishda, til o’rganishda, mehnat qilishda, berilgan vazifani yakunlashda ortga surish - bu harakatni qilishni aslida yetarlicha hohlamaslikdan kelib chiqadi

Bu ishlarni qilish muhim, foydali bo’lsayu lekin dangasalik bo’lsa, ikta yechim bor:
1. Muhimlilikni anglash, eng yaxshi va yomon oqibatlarni tahmin qilish (push&pull)
2. Qisqa g’alabalarga erishish, qiziqarli o’yinga aylantirish (gamification)

Birinchi yechimni qilish uchun yolg’iz qolib o’ziga savollar berish va javoblarni topish kerak

Ikkinchisi uchun o’yin qoidalarini ishlab chiqish va qiziqarli rag’batlantirish yo’lini test qilib ko’rish kerak

Yechim qidirilmayapti yoki yechim topildi lekin, qo’llanilmayotgan bo’lsa, demak, aslida hohish kuchli emas ekan

Aks holda imkon topilardi

@shamshod_insights

Sifat o'zi nima?

Sizlarda ham biror bir mahsulot sotib olishda nima sababli narxi bunaqa deb so'rasangiz bizda sifatli deb javob berishadimi?

Eng qizig'i shu javobni deyarli hamma beradi

O'zi sifat nima? Nega hamma sifatli mahsulot qilish kerakligini biladiyu, lekin 90% mahsulotlar sifatsiz?

Sifat hamma uchun har xil

Demak ma'lum toifadagi odamlar uchun sifatni aniqlab olib, uni yaratish, ishlab chiqish kerak

Sifat bu davomiy o'sib, o'zgarib boradigan ko'rsatkich

1 oy mahsulot ustida ishlab, 1 yil uni qanday sotishni o'ylab topish emas, 1 yil sifatli mahsulot ustida ishlab 1 oy qanday sotishni ustida ishlash samaraliroq natija beradi

Daromadni orqasidan siz emas, sizning orqangizdan daromad quvishi uchun qiymat yaratishga e'tibor qarating

@shamshod_insights

Fitr sadaqasi

Moli nisobga yetgan, zakot vojib bo’lgan musulmon uchun fitr sadaqasi ham berish kerak bo’ladi

Bir oiladagi har bir vakil nomidan faqir, boquvchisini yo’qotgan oilaga beriladi

Ehson Ramazon hayiti oldidan haqdorga yetkazilishi kerak, hayitdan so’ng hisobga o’tmaydi

Ramazon hayiti musulmonlar hayotidagi eng quvonchli kunlardan biridir

Lekin kam ta’minlangan yetimlar bu kunda qanday xursandchilik qilsin, ularda hohlasalar ham imkoniyat yo’qku?!

Fitr sadaqasining mohiyati esa shu xursanchilik kunda faqir, yetimlar va miskinlar ajralib qolmasligi, ular ham barcha bilan teng ravishda xursandchilik bilan nishonlashlarini ta’minlashda ekan

Shariat barcha ahkomlarni inson va jamiyat manfaati uchun belgilagan

Xuddi shu kabi aslida barcha buyruqlarda ham yuksak aql bilan buyurilgan mohiyatlar bor

Islom naqadar g’ozal

Bir mohiyatni tushundik, endi amal qilib, o’z hissamizni qo’shsak bo’ldi