Ko'p joylarga qilgan safarlarimizda yerlik aholi bilan qurgan suhbatimizdan va manzaradan qilgan xulosamga ko'ra, butun mamlakat bo'ylab qayerlar tabiiy gazdan uzilgan bo'lsa, o'sha yerlarda deyarli katta daraxtlar va tutzorlar qolmagan. Jumladan, bizning tumanda ham, bizning qishloqlarda ham.

Yoshligimizda yo'llar va ariqlar bo'yi ulkan daraxtlar bilan qoplangan edi. Gazdan uzilganimizdan so'ng hech biri qolmadi. Faqat bog'lar qolgandi, bog'lar ham "intensiv ko'chat ekish maqsadi"da buzib tashlandi. Butun tuman bo'ylab bir necha o'n yillik daraxtlardan iborat chorbog'lar yo'qolib ketdi. Hali yangi bog'lar barpo etilmasdan eskilari yo'q qilindi. Intensiv ko'chatlar ham deyarli ekilmadi.

Bugungi chang bo'ronlarida shu massaviy daraxt kesishlarning ham hissasi borligini ilm-fan inkor etmasa kerak.

Yangi davrda ayrim qishloqlarga gaz qaytdi. Vaziyat ancha yaxshi. Bizning qishloq hali ham gaz qaytishidan umidvor.

@dilmurod_tuymurodov