Muhammaddiyor Tursunov I blog

Turklar o'zlarining ilk sun'iy yo'ldoshini uchirdi. Menga eng qiziq bo'lgan jihati ushbu raketaning nomi "Fergani" ekanligi. Bilamizki Ahmad al-Farg'oniy yirik mutafakkir va ensiklopedik olim bo'lgan. Uning Nil daryosi o'zanini o'lchaydigan "Miqyos an-Nil" qurilmasi bugungi kungacha Misrda ishlatilib kelinadi.

Boshlash hammaning qo'lidan keladi,
Sodiqlar oxiriga yetadi

@diortursunov

O'zbekistonda yashash bu o'zizni umrbod stressga tiqish degani

Yangi yilning birinchi kuni yo'lda, safarda boshladim. Bu yil safarlarga va sayohatlarga boy bo'ladi deb o'ylayman. Alloh xayrli qilsin

Oxirigacha o'qishga urinib ko'ring!

Biz bolalikni hozirgi davrdan butunlay boshqacha tarzda o‘tkazganmiz. Maktabga ketishda uydan pul olmaslik yoki maktab oshxonasidan ovqat sotib olmaslik biz uchun mutlaqo oddiy hol edi. Bu hech qachon g‘am yoki tushkunlik keltirib chiqarmagan.

Biz aytgan so‘zlarimiz uchun javob berish kerakligini yaxshi bilardik va kerak bo‘lsa, mushtlashishdan ham qochmasdik. Shu bilan birga, zaiflarni himoya qilish har birimiz uchun unutilmas qoida edi.

Hozirgi yoshlar tilga oladigan "motivatsiya", "stress", yoki "dofamin" kabi tushunchalar biz uchun begona edi. Biz ikki g‘ishtni qo‘yib, koptok tepib, butun bir kunni quvnoq o‘tkazardik. Mahallada esa kimdir kimgadir pichoq ko‘tarish u yoqda tursin, hatto noroziligini ham ochiq-oydin aytib o‘tirardi.

Pamperssiz katta bo‘lganimiz haqiqat. Uyda "Kirgiziya" kir yuvish mashinasi bo‘lardi, onam uning ichiga kirsovun to‘g‘rab, kiyimlarimizni qo‘l mehnati bilan yuvar edilar. Sovutgichimizda qozondagi ovqat, so‘ligan sabzilar yoki bir nechta tuxum bo‘lardi.

Lekin biz har safar uni ochib ko‘raverishdan charchamasdik. Bu biz uchun hayotning mazasi edi.
Gilamlarimizni oila bo‘lib yuvardik, murabboni yoki ikrani uyda pishirib, o‘z qo‘llarimiz bilan bankalarga yopardik. Biz quvlashmachoq va berkinmachoq o‘ynab katta bo‘lgan bir avlodmiz.

Shunday ekan, nima uchun hozir bularni eslayapman? Chunki bugungi jamiyatdagi ba’zi holatlar o‘sha davrning insonlari uchun tushunarsizdek ko‘rinadi.

Bugungi yoshlar bilan suhbatlashsangiz, ko‘pincha "depressiya" yoki "stress" haqida gapirishadi. Hali pampersdan chiqmagan bolalar motivatsiyaga muhtoj ekanligi haqida eshitib, hayron qolasiz. Kelinlar esa kun bo‘yi erini "o‘ziga magnit qilib bog‘lash" haqida o‘ylaydi, shuning uchun ajrashishlar soni ortib bormoqda.

Eng achinarlisi, jamiyatdagi ko‘pchilik birov undan baxtliroq ekanidan xafa bo‘ladi. Har kim o‘zini qiyoslab, o‘ziga aziyat bermoqda. Boshqalarning hayotiga havas qilish va o‘zidan norozilik his qilish asta-sekin qadriyatlarimizni zaiflashtiryapti.

Shunday ekan, o‘zimizga savol berish vaqti kelmadimi: jamiyatimizga nima bo‘lyapti? Qadriyatlarimizga qachon qaytamiz? Bizga xayotiy quvonch, chinakam baxt va ma’naviyatni qayta tiklash yo‘li qanday bo‘ladi?

Jamoliddin Muhammadjon

@diortursunov

Hayot uch qismdan iborat:
- Sen qorboboga ishonasan
- Sen qorboboga ishonmaysan
- Sening o'zing qorbobosan

Dunyo yaxshi insonlar sabab go'zal! Shunday insonlar borligi uchun ham gunoh va mas'iyatga to'lgam zamonda dunyomiz bor bo'lib turibdi.

Avtobusda G'ijduvonga ketyapman. Oldimizda qaynona kelin chamasi 2 yoshli farzandlari bilan ketishyapti. Ismi Muhammadyusuf ekan. Juda injiqlik qilib yig'lab ketayotgandi. Ichimda yosh bola bilan balo bormi avtobusga chiqib, hammani boshi og'riydi degan o'yni o'tkazdim.

Shu paytda orqamda ketayotgan aka turib Muhammadyusufni onasining qo'lidan olishdi va o'ynatib, kuldirib ketishmoqda. Aka bolachani qo'llariga olganlarida uning yuziga qaradim. Biram shirin bola ekanki ko'zim quvnadi.

Shu lahzada qilgan xulosalarim shu bo'ldi:

- Har doim samimiy bo'lishim va qalbimda chimdim ham yomon o'y saqlamasligim

- Muammo ko'rganda uni muhokama qilish emas, yechishga harakat qilishim kerak.

- Insonlarni qiyin vaziyatda ko'rsam ular haqida nolishim emas, ularga ko'mak berishim kerak

Zero, hayotimiz yaxshi insonlar bilan go'zal va shu akamizday insonlar oramizdagi qahramonlardir!

@diortursunov

Kecha ona shahrim G'ijduvon bozori hududida joylashgan bozor hudida butun boshli bitta blok yonib ketibdi. Xabarni eshitib juda qattiq larzaga keldim. Allohga shukurki hech kim vafot etmapti, ammo u yerda savdo qiladigan juda ko'plab insonlar hushidan ketgani, mazasi qochgani haqida xabarlarni oldim.

Allohim barchalariga sabri jamil bersin, duolaringizda shu insonlarni eslab o'tinglar azizlar iltimos.

Dekabr oftobi. Isinish uchun uydan chiqdim

"Namozni to'kis ado etinglar. Albatta, namoz mo'minlarga vaqtida farz qilingandir".

Niso Surasi, 103-oyat