الشيطان بيحاول يكره الالتزام في عيني بالذات انا ولد وبقول لن شايف صحابي الملتزمين مش اسوياء تلاقيهم بيقولوا غض البصر وممكن يكون هو مش بيغض عادي معروف أنه متدين مثلا بس عارفين عنه أنه عاوز يعيش دور الشيخ وهو مش بيعمل حاجه من الاخر تحسه منافق وخلاص فانا مش عاوز اكون ملتزم منافق ويبدأ يطلعلي الصوره دي ؟؟
ج/
ضحكت جدًا 😅.
يا شوشو شوفلك طريقة تانية توسوس بيها بقى متبقاش تقليد اوي كدا هاه شوفلك طرية تانية 🙂 !
كلام فاضي يا حبيب قلبي ووسوسة من الشيطان بيوسوسلك بيها علشان متلتزمش وعمل معانا كلنا كدا لما قولنا هنلتزم علشان كدا ضحكت جدًا جدًا وكتبت الكلام اللي فوق دا 😁.
بص يا حبيب قلبي أنت ليه عاوز تلتزم ؟؟
ج/ علشان أرضي ربنا وأدخل الجنة وأنجو من عذاب القبر وعذاب النار وكمان أعيش في الدنيا سعيد وفي جنة بطاعة ﷲ والبعد عن المعاصي.
طب يبقى أنت عاوز تلزم علشان نفسك تمام ؟!
ج/تمام، يبقى ملكش دعوة بقى بحد ، أنت عاوز تلتزم علشان نفسك وبس.
ولو هنتفرض إن كلام شوشو اللي وسوسلك بيه صح ✔️.
تمام يا عم هما مُلتزمين ولكن منافقين ومش بيلتزموا ، قوله يا شوشو بالعند فيك بقى أنا هلتزم وهنصح الناس وأعمل باللي بنصح بيه وأبقى مش منافق وأبقى أنا نموذج كويس وأبقى قدوة وصورة كويسة الإلتزام 😋🙂.
ومعلومة :
بص يا حبيب قلب أخووك ، الملتزمين دول أجمل ناس في الدنيا حرفيًا ، أنا اللي أنا فيه دلوقت لما كنت بشوفه زمان كنت بقول أي دا وكنت متعقد من الإلتزام بسبب المسلسلات والأفلام والصورة اللي بيشوهوا بيها الدين ، لكن دلوقت والله عرفت إن الناس دي أجمل ناس في الدنيا وعايشين آجمل حياة في الدنيا وهما في الدنيا أسعد من أهل الآموال والسلطان وغيره بطاعة الله والقرب منه.
وكمان الملتزم دا بني آدم مش ملاك والبشر بيغلطوا فهو وارد إنه يغلط في مرة لأنه بشر ويتوب عادي ، دا مش معنى إنه منافق هو بيتقي الله في السر والعلن ومخلص ولكنه ضعف وغلط لأنه بشر ولم يصر على فعله يعني مش متعمد الذنب ولكنه وقع فيه فيتوب عادي جداً ويكثر من الأعمال الصالحة ويرجع أحسن من الأول ويكون بيتحقق فيه قول ﷲ عز وجل :
﴿وَالَّذينَ إِذا فَعَلوا فاحِشَةً أَو ظَلَموا أَنفُسَهُم ذَكَرُوا اللَّهَ فَاستَغفَروا لِذُنوبِهِم وَمَن يَغفِرُ الذُّنوبَ إِلَّا اللَّهُ وَلَم يُصِرّوا عَلى ما فَعَلوا وَهُم يَعلَمونَأُولئِكَ جَزاؤُهُم مَغفِرَةٌ مِن رَبِّهِم وَجَنّاتٌ تَجري مِن تَحتِهَا الأَنهارُ خالِدينَ فيها وَنِعمَ أَجرُ العامِلينَ﴾
[آل عمران: ١٣٥-١٣٦]
اسمع الدرس دا يا حبيب قلبي 🤝🍯💛:
https://youtu.be/IFFz3TADJQEهدانا الله وإياك لما يحبه ويرضاه.
_
لا حول ولا قوة إلا بالله العلي العظيم.
--------------------------
س2 : ضحكت 😂😂😂😂 شكرا جدا ..ربنا يثبتا ويثبتك يارب 🙏💙 فعلا انا عارف ان سببه الشيطان حتي التفكير الكتير اللي عندي دا بيكون سبله الشيطان وبيلهيني عن الطاعه حتي الافكار دي بتيجي لما بعزم اني اتغير أو اعمل ورد من القرٱن أو التزم باستغفار يومي أو الصلاه او غيره 😂😂💔 عرفت هعمل ايه خلاص هعند معاه واطرده😍
ج/
الشيخ يعقوب (حبيب قلبي 😊💛) كان بيقول قول للشيطان : ملكش دعوة 😂.
الشكر لله وحده.
اللهم آمين اللهم آمين.
اسمع الدرس هيفيدك إن شاء الله ، وإياك أن تتخلى عن طاعاتك بسبب هذه الوساوس.
اوعى تفرح شوشو فينا 🙂.
__لا حول ولا قوة إلا بالله العلي العظيم.
----
س٣:شيخ يعقوب مين ... ؟. سمعت درس قبل كدا بس كنت ناسيه ..بس الفكره مش ف الدرس الفكره اني اعرف أواجه الشيطان ازاي ..وكل ما يجيب الافكار دي اطردها ...مش عارف اقول ايه بس ساعات بضعف 😓
ج/
الشيخ محمد حسين يعقوب ، اللي بيقول :
أنت ما بتصلييييش ليه.؟!
وبيقول المرأة كووونبوووله أبعد عنها لتنفجر في وشك 👀😂.
وتلاميذه :
الشيخ حازم شومان والدكتور محمد الغليظ والشيخ أحمد جلال وباقي المشايخ.
____
واسمعله الدروس دي :
مداخل الشيطان
حوار مع عاصي
كيف تنجو من الشيطان
____
ادفع الوساوس دي ولا تلتفت لها أبدًا واستمر في الطاعات.
وأنصحك تسمع السلسلة دي هتفيدك جدًا :
https://www.youtube.com/playlist?list=PLczRZ1lvZJNHezcozJeiCd2Hz_jwgVeBsسماع الدروس مهم جداً.
ثبتنا الله وإياك على الحق حتى نلقاه.
____
لا حول ولا قوة إلا بالله العلي العظيم.
