✅ Дўстлик туманида ҳам “Сўнгги қўнғироқ” садолари жаранглади

✅ Дўстлик туманидаги умумтаълим мактабларида “Сўнгги қўнғироқ” тадбирлари “Илмни қадрланг, илмга интилинг!” шиори остида кўтаринки кайфиятда ташкил этилди.

✅ Таълим муассасаларида ўтказилган тантанали тадбирларда секторлар раҳбарлари, вилоят, туман, шаҳар ҳокимлари ўринбосарлари, ташкилот, идора ва муассасалар раҳбарлари иштирок этди.

✅ “Наврўз” маҳалласидаги 6-умумтаълим мактабида ташкил этилган тадбирда Дўстлик тумани ҳокими Шавкат Дарвишев Президентимизнинг умумий ўрта таълим мактабларининг битирувчи ёшларига йўллаган табригини ўқиб эшиттирди.

✅ Шунингдек, туман ҳокими ўқувчиларни ўқув йилини муваффақиятли якунлаётгани билан табриклаб, мустақил ҳаётга илк қадам ташлаётган битирувчи ўғил-қизларга омад тилади.

✅ Таъкидлаш кераки, жорий йилда тумандаги 21 та таълим муассасасини 753 нафар ўқувчи битириб, мустақил ҳаётга қадам қўймоқда. Уларнинг 11 нафари мактабни олтин ва кумуш медаллар билан тугатмоқда.

✅ Бўлиб ўтган тадбирда 6-мактаб ўқувчи ва ўқитувчиларининг ҳам эришган муваффақиятлари алоҳида таъкидланиб, уларга эсдалик совғалари топширилди.

✅ Тадбир сўнгги қўнғироқ садолари жаранги билан якунланди.


🌍 Web sayt | ✈️Do'stlik hayoti| ✅Tuman hokimligi | 💬Facebook| 📹Youtube