_ دايمًا بحسد الرجال على المساجد
بتروح مكان مش مختلط،
تعرف تمدد وتنام من غير ما حد يقول عليك كلمة أو حتى تحس إنك مكشوف، وتقوم تصلي ورا إمام يعني تركيز زيادة في الآيات، وصُحبة طيبة.

بل وتحس إنك في رحاب الله وآمِن كدا، مش هتركز مع الحياة عامةً ولا هتحس إن فايتك حاجة.

كفاية التركيز في سقف المسجد مثلًا!

لما كنت بروح المسجد للشيخ وأنا طفلة عشان أحفظ قرآن كنت بنبهر بالوسع والرحابة وشكل الأفق

بجد عندهم نعمة مش مقدرينها، إحنا بنصلي في علب تونة!

وهو اه لينا بيوتنا وكل حاجة وهي ملاذنا كنساء بصراحة،

بس بجددد شعور إنك عايز تغير جو ومكان فتنزل الجامع دي لوحدها فرصة مريحة ولو في الشارع وعايز تدخل مكان تستريح شوية.

الموضوع عندهم هايل!
إزاي بتضيّعوها من أيديكم؟

نُقِل.