ကဗျာ စတိုရီ(poem story)

အလွမ်းတွေထမ်းထားတဲ့ ညနေခင်း

တမ်းတလွမ်းဆွတ်မှုကို အမိုးအကာလိုဖွင့်
ဆေးဖက်မဝင်တဲ့ အလွမ်းတွေကိုလွမ်း
ငါ့အလွမ်း ငါထမ်း ပြန်ခဲ့ရတာပဲမို့လား

မေတ္တာတရားဟာ ငါ့အတွက်
အသွားသာရှိပြီး အပြန်မဲ့တဲ့အကြောင်း
မနက်ဖြန်ဆိုတဲ့ကောင်ကို ပြောကာရင်ဖွင့်မယ်
အလွမ်းပန်းတွေဝေပြီး နာကျင်စရာများတဲ့
ပစ္စုပ္ပန်လို ကောင်ဟာ ငရဲမှာပျော်သတဲ့

ပွင့်မလာတဲ့ တံခါးကိုခေါက်ပြီး
ပြန်မလာတဲ့လမ်းကိုမျှော်လို့
ဝေရစ်ပါလို့ပြောပြီး မေ့ပန်းတွေဝေပြသွားတဲ့
မင်းက အဲဒီရင်ခွင်မှာ ပျော်သတဲ့

မင်းသာလာမယ်ဆို
တံခါး မရှိ ဓားလဲမရှိတဲ့ကောင်ပါ
ခြေစုံရပ်မလာတဲ့ ဖိနပ်လေးတစ်စုံဟာ
ယောကျ်ားစီးကတ္တီပါဖိနပ်လေးနားမှာကပ်ပြီး
ဘုရားပေါ်မှာ ဘာဆုတွေများ တောင်းခဲ့ပြီလဲ

ပါးပဲ နမ်းနမ်း နူတ်ခမ်းပဲ နမ်းနမ်း
မင်းမျက်စိမှိတ်ထားခဲ့တာပဲ မို့လား
မရည်တွတ်နိုင်တဲ့ အကြိမ်ရည်တွေ
အမှတ်တရဆိုတဲ့ တစ်ကြိမ် နှစ်ကြိမ်တွေ
မင်းနူတ်က ချစ်တယ် ဆိုတဲ့စကားသံကြားခွင့်ရရင်
နဖားကြိုးမှာ ငါ့နာမည်နဲ့လို့ ထင်တဲ့ကောင်ပါ

အသံလေးမကြားရတော့သလို
မျက်နာတော်လေးလည်း မမြင်တွေ့ရတော့ဘူး
မင်းခြေလှမ်းတွေလည်း မရည်တွက်နိုင်တော့သလို
San day ကော်ဖီဗူးလေးလဲ လာမပို့နိုင်တော့ဘူး
ဘဝက ဘောင်စီးရင်း ရေငတ်သလို
ငါက မေတ္တာပေးရင်း မေတ္တာငတ်နေရတယ်

ကြယ်တွေပန်ထားတဲ့ ညတွေကလှတယ်
မင်းပန်းပန်ထားတဲ့ ညက ပိုလှတယ်ဆိုတဲ့အကြောင်း
ငါ့ ဒဏ္ဏာရီရဲ့ ၂၇ စာမျက်နာက
ဒီဇင်ဘာ ၂၇ ရက်ရဲ့ ကဗျာမှာရေးထားတယ်
အဲစာအုပ်လဲ ငါ့ဆီပါမလာတော့ဘူး...

မင်းကို သတိတရလွမ်းလာတိုင်း
သာဒီးလူရဲ့ 'အမှတ်တရညနေခင်း' သီချင်းဆိုဖြစ်တယ်

ဒါဟာ ငါ့ရဲ့
အလွမ်းတွေထမ်းထားတဲ့ ညနေခင်း ပါပဲ
လေးလံထိုင်းမိုင်းတယ် ခြောက်သွေ့ခြင်းများတယ်
မျက်ရည်ဝဲတယ် အလွမ်းတွေစိုထိုင်းတယ်
ကြယ်တွေကို ကြည့်တယ် မင်းကိုလွမ်းတယ်

အဲထက်လည်း ပိုတယ်ဆိုတဲ့အကြောင်း
မင်းကို ပြောပြချင်တယ်

မေတ္တာပေးတိုင်း မေတ္တာပြန်ရမယ်ဆိုတဲ့
အထဲ ငါမပါခဲ့ဘူး
ပွင့်မလာတဲ့ တံခါးကို အကြိမ်ကြိမ်ခေါက်မိသူ
ပြန်မလာတဲ့ လမ်းချိုးလေးကို မျှော်နေတက်တဲ့သူ
ကိုယ့်အပေါ်မကြွေတဲ့ ကြယ်လေးကို ငေးနေတက်တဲ့သူ
မပြိုတဲ့တိမ် မရွတဲ့မိုး
မလာတဲ့လမ်း မကြွေတဲ့ကြယ်
ပွင့်မလာတဲ့တံခါး ကိုယ့်အပေါ် မပွင့်ဝေတဲ့ ပန်း
မေတ္တာပေးရင်း မေ့တာသာပြန်ရခဲ့တယ်
ကိုယ့်ရှေ့ရပ်မလာတဲ့ ခြေတစ်စုံ
မင်းဟာ ငါ့အတွက်ဆို ထို့ကဲ့သို့
သီးသန့်ဖြစ်တည်မှုတွေ ပေးအပ်ခဲ့တယ်

အလွမ်းချင်းမတူလို့ လူချင်းလွဲသွားတဲ့ ခရီးတွေပါပဲ

ဆည်းဆာညနေဟာ သိပ်လှပါတယ်
ဆည်းဆာရဲ့ လှပခြင်းဟာ ညရဲ့အကြိုဖြစ်တယ်တဲ့

အဲဒီလို
အဲဒီလိုနဲ့
အဲဒီလိုမျိုး

ဝဋ်ကြွေးလို့ ဆိုချင်ဆို
ရူးတယ်လို့ ဆိုချင်ဆို
တနေဝင် တနေထွက်
ဝင်သက် ထွက်သက်တဆုံး
မင်းကိုငါချစ်တယ်

ဆိုတာထပ်
ချစ်နေတယ်
ချစ်နေသေးတယ်
ချစ်
နေ
တုန်း...ပဲ....။



#ခန့်ထည်
#​နာကျင်ခြင်းအနုပညာ

အပိုင်းအစများ ၂

ဘာပဲပေးပေး ဘာတွေပဲရရ
ဘဝကအနာတရတွေများသား
စိတ်ကိုစိတ်နဲ့သတ်ရင်း
မပေါက်တဲ့ ခရီးတွေနှင်ရင်း
မသွားပဲရောက်တဲ့ သောကမြို့တော်ထဲက မျက်ရည်စများ

#ခန့်ထည်

အမုန်းတစ်သက်တာမှာ
အရှုံးဟာ တစ်ဘဝစာထိပါခဲ့တယ်
ဆောင်းလည်းအမြန်ကုန်စေချင်နေပြီ
နှင်းရေ ဝေးရာကိုသွားနိုင်ပါပြီ။

နေညို။။။

ဆူး

ဆူး ပြန်မချစ်နိုင်တဲ့
လူသားတစ်ဦးဟာ ငါပါလို့
ဆူး ပြောပြစရာမလိုအောင်
ကိုယ်က အလိုက်သိစွာ သိခဲ့ပါတယ်
ချစ်မိတဲ့စိတ်ကိုတော့ တားမရတော့တာ
တောင်းပန်တယ်...

#ခန့်ထည်

တစ်ဦးတစ်ယောက်အတွက်ပေးတဲ့
မေတ္တာတွေဟာ

လျစ်လျူရှုခံရတာများရင်

ပြိုပျက်ရင် ပြိုပျက်
မဟုတ်ရင် မှိုတက်တတ်တယ်။


#ကိုလူချစ်ခင်

သွေးရဲတွေ"

လေယာဉ်ဂျက်သံက ဇင်ယော်ငှက်သံလိုသာယာတာမှမဟုတ်တာ။

ကောင်းကင်ပြာပြာပေါ်မှာကြားရတဲ့အသံတိုင်းက ခုချိန်မှာ နာကျည်းစရာတွေကြီးပဲ။

အဲဒီလိုကာလမှာ တရားလဲမပါက်နိုင်ဘူး။

မထူးမှတော့အရူးထတယ်လို့ထင်လဲ။

တော်လှန်နေပါဦးမယ်။

# လေနု

လတ်မှတ်မပါလို့"

အထူးတန်းမှာမှာထိုင်ပြီး အောက်တန်းကျကျ လော့ဂျစ်တွေကို အရှိန်နဲ့ထွေးထုတ်နေတယ့်လူတွေကို ကြည့်မိတော့ ခေါင်းခန်းထက် ခေါင်တတ်လိုက်စီးမိတာကို ကျတော်၀န်းသာမိသေးတယ်။

ဒီရထားမှာက ကိုယ့်၀န်သူထမ်းပြီးလာတယ့်သူတွေကလဲတစ်ကယ်ရှိတယ် ပေါ့တိပေါ့စ နေတတ်တယ့်အရာရှိတယ့် အရူးကြီး‌ေတွလဲပါပါသေးတယ်။

ဘူတာတစ်ခုမှာရပ်တိုင်းရပ်တိုင်းပေါ့ ကိုယ်ချစ်တယ့်သူပါမလား ကိုယ့်ကိုချစ်တယ့်သူရောပါမလား ငေးမိနေတာကလဲ အကျင့်ပါနေတယ့် အမာရွှတ်ပါပဲ။

ဘာပဲပြောပြောပေါ့။

ဘာပဲပြောပြောပေါ့လေ ခရီးအဆုံးမှာ တစ်ယာက်ထဲထွက်ခွာသွားဖို့တော့ သေချာပါတယ်။

# လေနု

ခင်များတို့ သိလား

သူမက စိတ်အလိုမကျတဲ့အခါ
ကျွန်တော်ကို ပစ်ထားတာက အစ
ချစ်ဖို့ကောင်းတယ်ဆိုတာကိုပေါ့

တကယ် ချစ်ဖို့ကောင်းတယ်

#ခန့်ထည်

မေတ္တာလေး တစ်ခါမျှမိပါတယ်

မေတ္တာလေး တစ်ခါမျှမိပါတယ်

မေတ္တာလေး တစ်ခါမျှခဲ့မိပါတယ်..။

      
                                        - ဗေဒါ

ဟိုးတစ်ချိန်က
မခင်ပျို့အပြုံးက ကျွန်တော့အတွက်အလှဆုံး
အခုတော့ မခင်ပျို့အပြုံးက
ကျွန်တော့ နှလုံးသားကို တိုက်စားနေတဲ့
အပြင်းဆုံးအဆိပ်ပဲ။

နေညို။။

သို့
ဆူး ရေ

လူတစ်ယောက်ကိုရင်ထဲထည့်ကြည့်မှ အထီးကျန်ဆန်တယ်ပြောတော့
နင်ငါကို ရယ်ခဲ့တယ်နော်

နင်အထီးကျန်ဆန်တဲ့အချိန် နင်အနားမှာ ဘယ်သူမှမရှိတဲ့အချိန်
စိတ်အားငယ်စရာတွေ ပြည့်နေမှာပေါ့ဟာ

အားမငယ်နဲ့ ဆူး ရေ နင်မှမှာတွဲထူပေးမဲ့သူနင်တစ်ယောက်လုံး
ရှိပါသေးတယ်ဟာ အားတင်းထားပါ

ပျော်ပျော်နေပါပြောတော့ စိတ်ညစ်နေတာကို
ဟန်ဆောင်ရတာပင်ပန်းတယ်တဲ့ ဟုတ်မှာပေါ့လေ

နင်အိမ်နဲ့အဆင်မပြေတဲ့အခါ အခန်းထဲအောင်းရင်အောင်းနေမှာပေါ့
မှတ်ထားဟ လူတိုင်းက ဟန်ဆောင်မျက်နာဖုံးတွေနဲ့ဟ

နင်လည်းမျက်ဖုံးတက်သင့်ပါတယ်ဟာ
နင်အပြုံးတွေနဲ့ လူတွေကို ကြည်နူးမှုပေးအောင်ပေါ့

နင့်မှာအပေါင်းအသင်းများများစားစားကမရှိဘူးရယ်
အချစ်ဆိုတာကြုံတိုင်း ခံစားရတယ်တဲ့

ဒါတွေဟာတစ်နေ့မှာရယ်စရာတွေဖြစ်လာမှာဘာဟာ
နင့်ကိုတန်ဖိုးထားမဲ့ သူတစ်ယောက်ရှိကိုရှိလာဦးမှာပါ...

နင့်အပြုံးတွေကြောင့် ကမ္ဘာကို
တစ်ထောင့်တစ်နေရာက အလှစဥ်နိုင်ဖို့
နင်ပြုံးပြုံးနေပါ
ဆူး ရေ

♡ ခန့်ထည် ♡

ကိုကို့ညီမလေးနဲမေ‌‌မေအနားကနေ
ဘယ်တော့မှထွက်မသွားဘူး​ေနာ်ဆိုပီး

မနက်ဖြန်ဆို ကိုကိုထွက်သွားတာ(1)လတောင်ပြည့်တော့မယ်.

နေ့စဥ်နဲ့အမျှကျွန်မရင်ကို ပူလောင်စေခဲ့တာ

အရင်လို အပြုံးလေးတွေမြင်ချင်သေးတာပေါ့ကိုကိုရယ်....💔🥀

#cherry

အရာရာတိုင်း ပြောင်းလဲ
နေကြစမြဲပါပဲ
မပြောင်းလဲသော အရာဟာ
သူမ ရဲ့ ဥပေက္ခာတရားတွေပါပဲ

#ခန့်ထည်

ယခုနှစ်မှာ
အထူးသဖြင့်
ငါတို့ နမ်းခွင့်မရသော
ပန်းများ ပွင့်ပါစေ ။

- အောင်ချိမ့်

သူမ ရဲ့ မာယာမပါသော သာမန်ရက်စွဲများ ၂

ချစ်တယ် ဆိုတဲ့စကားလေးကို
ကျိုကျိုကျိုးကျိုးလေး ဖွင့်ဟပြောပြခဲ့ အပြီးမှာ
မာယာမနောတဲ့ မင်းစကားတွေနဲ့
ကျွန်တော့်ကို တိကနဲ့ ပြတ်သားလိုက်တဲ့ အခိုက်အတန့်

ကျွန်တော်က သူမ ကို
ကျွန်တော်တစ်ဦးတည်း ပိုင်တဲ့ နာမည်လေးကို
ကျွန်တော်ကိုယ်တိုင်ပေးပြီး ခေါ်လေရှိတယ်
ဆူးချွန်လေး ပေါ့ ရင်ခုန်မှု မြတ်နိုးမှုနဲ့တော့
ဆူး လို့ စူးစူးနစ်နစ်လေး ခေါ်နေတက်တယ်

သူမ ကို စချစ်မိပြီဆိုကတည်းက
အလွမ်းရဲ့ရလဒ် ဒွန်တွဲပါလာတဲ့
နာကျင်မှုကို ကီးအမြင့်ဆုံးထိ တင်ထားခဲ့လိုက်တယ်

ပျော်ရွှင်ရတာထပ် ပြိုနေရတာများပါတယ်
တနေ့တခြား ဝမ်းနည်းဖို့ကောင်းလာတယ်
ဒီနှစ်ဆောင်းဟာ အဝင်ကြမ်းတယ်

တန်ပိုတွေတဖြေးဖြေး မြင့်တက်လာလေ
နာကျင်မှုတွေ ဒီဂရီမြင့်မြင့်လာလေလေ
အထိအရှ အတို့အစိတ်လေးနဲ့
တခုခုဆို ထိလွယ်ရှလွယ်တဲ့ စိတ်ကြောင့်
သူမ ရဲ့ ပြုံးနေတဲ့ ဖုန်းမျက်နာပြင်က
အပုံလေးနဲ့ စိတ်ကိုတင်းထားရတယ်

တစ်ဖက်သတ်ချစ်ခြင်းဆိုတာ
ကိုယ့်ဒုက္ခကို ခေါ်နေသမျိုးမျိုးတဲ့
အေး.......
ကျွန်တော်က
အဲဒီ စိတ်ဒုက္ခလှလှလေးကို
နာကျင်မှုနဲ့ ချစ်ချစ်ခင်ခင်နေတက်ခဲ့တယ်

ဘဝက ဘောင်စီးရင်း ရေငတ်တယ်
ကျွန်တော်က မေတ္တာပေးရင်း မေတ္တာ ငတ်ခဲ့ရတယ်

သူမ နဲ့ ပတ်သက်ရင်
အရာရာသိမ်ငယ်ခဲ့ရ သူဟာ ကျွန်တော်ပါ
သူမ ကတော့ ဘာမာယာမှ မနောတဲ့
ပြုမှူတွေနဲ့ အရာရာ လှပနေလျက်ပါပဲ

သူမ အနားက ပိုးပန်းကြတဲ့
သူတွေထဲက နောက်ဆုံးနေရာက စရည်ရင်
နံပတ်တစ် ကျောင်းသားဟာ ကျွန်တော်ပါ...

မာယာမပါသော သာမန်ရက်စွဲတွေနဲ့
သူမ ကပြုမူနေထိုင်သလောက်
ကျွန်တော်ကသာ မျှော်လင့်ချက်မရှိတာကို
မျှော်လင့်နေတဲ့ သူရူးတစ်ယောက်ပါ...

ထူးရင်ထူး မထူးရင် ရူးတဲ့
ကျွန်တော်ကတော့ သူမ ကိုရူးတယ်...

ချစ်ခဲ့မိပါပြီလို့ ခံဝန် ဂတိပြုမိခဲ့ ကတည်းက
ကျွန်တော်နှလုံးသားဟာ
ရက်ရာဇာ ကင်းကင်းနဲ့ ပြဿဒါးနေ့ရက်များမှာ
ဒီနှစ်ရဲ့ ဇာတာဟာ ပါပဂြိုလ်မြူးခဲ့ရပါပြီ...

ကျွန်တော့်ရဲ့ ချစ်ခြင်းမေတ္တာတွေဟာ
သူမ အနားကရှိတဲ့သူတွေနဲ့ ဆိုရင်တော့
အရာအားလုံးဟာ အချည်းနီးပါပဲလေ...

မာယာမပါသော မာယာကင်းသော

ကောင် မ လေး ရေ...

ကျွန်တော့် မှာက
ကံဆိုးမှုဟာ သေရာပါသွားခဲ့သလို
ဘယ်ကံကောင်းခြင်းတွေကမှ
ကျွန်တော့်ဆီ အလည်မလာ ခဲ့တာကြာခဲ့ပါပြီကွယ်...

ထိုအရာကိုပဲ
ကျွန်တော် အသည်းပေါက်မတက်
နား
လည်
သွား
ခဲ့
ပါ
ပြီ............။


#ခန့်ထည်