بلادي 🥺💔 ..
ياترى يجي يوم وتضحكي..
يجي يوم وتنوري..!؟
يجي يوم وتنبني..!؟
يجي يوم وتسامحينا ..
ياترى يجي يوم وترجع ايامتنا قبل فيك ؟؟:
يجي يوم ونرجعو لي ضحكتنا في شوارعك ..
يجي يوم ونرجعو نضحكو في وجوه بعض ..
يجي يوم ويلتم شملنا ..
ياترى يجي يوم ونرجع نتمشى في شوارعك ..
يلعبو صغارنا كورة في زناقيك ..
يتفرجو ولادنا ع الكورة في قهاويك ..
يجي يوم ونرجع ونصور قدام ماركوس..
يجي يوم ونرجع نجري في بوستة .
يجي يوم ونرجع نوقف قدام الميناء ..
يجي يوم وندور ونوسع خاطري في جرابة وحي الاندلس والسياحية
يجي يوم ونرجع نعلق في زحمة ميزران وشارع الصريم ..
يجي يوم ونرجع نشوف ماضيك يلي في حيوط المدينة القديمة ..
يجي يوم ونخش نتفرج ع متحفك ..
يجي يوم ويفتح سوق الثلاثاء من جديد
يجي يوم ونسافر من مطارك الدولي من جديد ..
يجي يوم ونزرد في المحمية وناخد زيت زيتون في طريقي من مسلاتة وخبزة فرن من ترهونة ..
يجي يوم ونرجع نوقف فوق جبل غريان ولما ننزل نوقف على تندونة ونصور مع وردها
يجي يوم ونرجع نمشي لـِ مصراتة ونزور احبابي فيها ..
يجي يوم ونمشي لـِ سبها ونجرب هواها ..
يجي يوم ونمشي للمرج ونمتع عيني بجمال أراضيها ..
يجي يوم وندير هدا كله ولا يقعد حلم زيه زي اي حلم متححقش فيك ..
ولا مكتوب عليك الهم بس
مكتوب عليك كل يوم تزيدي كسرة وحزن تزيدي دبول ياوردة الجبانة 🥺🖤💔
مكتوب عليك تزفي ولادك في كفون مش في بدالِي
مكتوب عليك كل يوم تنصبي خمسة خيم عزاء في زناقيك مش فرح..
مكتوب عليك قهرتك تكون من ولادك مش من البراني..
مكتوب علينا تسمعينا اصوات صواريخ وقدايف وعياط ونديب وبكي بدل غني وفرح وتزغريط ..
مكتوب علينا نشوفلك بقهرتنا حني ولادك يلي مفروض يبنوك ومش قادرين نديرولك شيء..
مكتوب عليك كل يوم تسمعينا نقولو :{ كرهونا فيها . معش ينقعد فيها . نبي نجلى ونخلاها }
اي بس حني مننلاموش !!
حني يلي من يوم عرفنا وبدينا نفهمو وكل يوم والناس تقدم خطوة وحني نوخرو 100
مشفناش فيك غير, قهر, حزن , ,موت ,خوف, عدم استقرار
معرفناش فيك الا هروب الضيء, قلة سيولة , خنبة , قتل , و حروب حروب حروب .....
مش لائمة 17 فبراير على شيء يمكن تنشكر طلعت الليبين شن !!
ومنلومهمش نفس الوقت 42 سنة متربين ع الاستعباد والدل و يجرو ع القرش ..
كل اللوم على هديكا السنين ..
ونفس الوقت منقدرنش نلومه لو مدارش هكي عمره ماقدر يسيطر عليهم ..
يعني كله انانية في أنانية و حب الدات ..
فرحنا بالثورة وقلنا ح ننفكو من القيود يلي كانت خانقتنا
اتريها ح ننخنقو وتتضايق بينا اكثر من قبل ..
مش قادرة نصدق شيء واحد بسس
لدرجة هادي السياسة حقيرة .. اي مكدبش من سماها لعبة الحقراء
بهي في العشرة سنين هادو مفيش حد استلم منصب وكان خايف ع البلاد !!!!!!
كلهم همهم ينهبو ويعبو جيبوبهم يشرو حياش في لندن و واشنطن وصغارهم يقرو برا وتمت وحنيي ننحرقوو ..
ايي كلهمم بدون ولا اي استثناء كلااب مسعورة يجرو خلف الفلوس وبسس ..
10 سنين حروب عشناهم وشفنا ولادنا, خوتنا ,وصحابنا يموتو وكل يوم كرهناللبلاد يزيد اكثر واكثر
بس متنلامش ..
باهي من ينلام ..
من يردلنا حقنا منهم كلهم ..
خنبو رزق الايتام , خنبو رزق المساكين يلي ماحليتهم شيء ..
اي كلهم استغنو من بعد 2011 ونفس الوقت يلي قبلها كلهم خنبو ومخلو شيء .. اي حد خش لسياسة ولا شد منصب خنب وخنب وخنب ورزقه كله رزق حرااااام اي توكل في صغارك في رزق حرام وعارفة مش فارقة معاك ..
رح يجيكك يوم رااه ..
اما بالنسبة لي قائدين الحروب انتم بروحكم ..
يااااااه قداش في روح في رقابيكم ..
ع قداش حاجة بتتحاسبو ع الخنبة ولا القتل ولا الدمار ولا تجارة المخدرات ولاشن بالزبط !!
تصدقو انا تحشمتلكم كيف بتوقفو قدام ربي يوم غدوا ..
قصدي كيف تقدر ترقد كل ليلة وتحط راسك ع المخدة وانت مداير الحرام كله حتى المخدة يلي تتدمدر عليهاا رزق حرام
ماهو انتم عايشين وناسيين ان اليوم فوق الارض غدوا تحتها ومنعرفش بي اما وجهه بتقابلو ربي !!
يالله الله يزيدككم عداب فوق عدابكم والله لا يخفف عليكم ..
الله لاتسامحكم ولا تكتبلكم خير
الله يلوث حياتكم زي ما لوثو هواء بلادي
الله يحرق قلوبكم زي ما حرقتووو الااف .
الله ينتقم منكم كلكم في جميع الفترات يلي قبل الثورة ويلي بعدها ياارب
للعلم ندعي عليكم في العشرة الاواخر من شهر فضيل حتى هو حرمتونا فرحته زي الناس لا و نزيدكم اذان الفجر يصدح ف الاجواء ..
حسبي الله ونعم الوكيل فيكم ..
ح يجيكم يوم والله يعجل بيه ياارب .
..S O E M A ..✍🏻