Новогодний квиз от TGStat Academy

Ответь на 10 вопросов и получи гарантированный подарок

Большой курс от TGStat Academy

Начни зарабатывать в Telegram в 2025 году

Кот научит как «ловить рыбу»

Видение, конкретика, неожиданные подходы.

Статистика Избранное

Dilgavharim

Гео и язык канала: не указан, не указан

Категория: не указана

Qalbda chechak urayotgan sof tuyg'ular

Связанные каналы

Гео и язык канала

не указан, не указан

Категория

не указана

Статистика

Избранное

Фильтр публикаций

Скрывать удаленные

Скрывать репосты

Dilgavharim

29 Apr 2021, 18:00

Do‘rmonga tashrif

Ilk qadam qo‘ygandan issiq bag‘ringga
Bilmam, nimang bilan tanga berding jon?!
Hislarim ummondek bo‘lgan har chog‘da
Men sening taftingga tashnaman, Do‘rmon.

Ostonangga kirib borgan kundanoq
Osmon shivirlaydi to‘kib ko‘zyoshin.
Barchasi shodlikning sasidir, balki,
Yana bir go‘dakning silaysan boshin.

Dam o‘tib, samodan yomg‘irdan keyin,
Tushib kelayotir oppoq, oq parcha.
Hamid Olimjonning sadolari bu,
Sutdek oq orzuga yo‘g‘rilar archa.

Ming bor eshitmoqdan, Bir ko‘rmoq afzal,
Quchog‘ing muhabbat yog‘dusiga kon.
Bir borib, mehringni sezgan kundanoq,
Men sening taftingga tashnaman, Do‘rmon.

Maysalar, gullarni silab, siypalab,
Bog‘laringda mayin shamolday yelgum.
Tashrifi olamni yashnatadigan
Endi Bahor bo‘lib bag‘ringga kelgum.

Endi Bahor bo‘lib bag‘ringga kelgum!

✍Gulsanam Bahriddinova

@gavharidil

18 0 0

Dilgavharim

26 Apr 2021, 14:39

13:51

Видео недоступно для предпросмотра

Смотреть в Telegram

Hamid Olimjon va Zulfiya ijod maktabining 11-sinf o‘quvchisi, Jizzax viloyat "Oltin fond" a'zosi Bahriddinova Gulsanam Jizzax viloyat teleradiokompaniyasi "Assalom Jizzax" ko‘rsatuvining bu galgi mehmoni...

@gavharidil

44 0 3

Dilgavharim

25 Apr 2021, 19:32

Sevmoq uchun....m4a

Kel, yulduzlar to‘shalgan yo‘ldan
Yetaklasin bizni muhabbat.
G'amlaringni chiqar ko‘ngildan,
Shod kunlarni eslaylik faqat.

🌸🍃🌸🍃🌸🍃🌸🍃🌸🍃🌸🥰

@gavharidil

53 0 2

Dilgavharim

20 Apr 2021, 10:02

Eng go‘zal she‘rim

Fayziyob kun... Quyosh tikka kelganda,
Shafaqrang yurakdan to‘kiladi she‘r.
Ona qishloq, noming aytganda tilim,
Sohir damlar esga tushar birma-bir.

Umrim aziz qilgan Bolalik kunlar
Sening-la yozilgan xotirlarimga.
Bog‘dagi gullar-u daraxtlaringning
Tomiri tutashgan tomirlarimga.

Tuproqdosh tog‘laring turar purviqor,
Undagi go‘zallik tamom boshqacha.
Xalqing mehri daryo, har bir insoni
O‘zgacha, yettidan yetmish yoshgacha.

Qir-adirlar aro kezaman sarxush,
Ko‘ksimga tegadi ash'or havosi.
Farah baxsh etguvchi muzayyan tongda
She'rimga kuy bo‘lar bulbul navosi.

Ilhom farishtasi qalbga yo‘l ochib,
Yurakni o'ynatar o‘shal daqiqa.
Yoziqlarim ichra eng go‘zali bu-
Men ulg‘aygan o‘sha qishloq haqida.

✍Gulsanam Bahriddinova
Jizzax shahridagi Hamid Olimjon va Zulfiya nomidagi ijod maktabi o‘quvchisi

Kanalimiz: @Uzmu_ijodkorlari
@gavharidil

102 0 1

Dilgavharim

31 Mar 2021, 16:24

Bolalik! Baxt ekan, asli chinakam,
Eslasam, ko‘nglimda hadsiz tuyg‘ular:
Onam bergan o‘sha totli kulchadek,
Xotiralar...
Hammasi shirin tuyilar.

Ko‘zlarim shod edi, har yeganimda
Og‘zimga to‘ldirib konfetchalarni.
Har lahza zir qatnab, xo'rozqand deya
Bezor qilgan edim bufetchilarni.

Arg‘imchoq uchardim, qushlardek yengil,
Butun quvonchimni sochib samoga.
Oyim chaqirganda ko‘chadan kirmay,
O‘ynardim qo‘shilib Xayrinisoga.

Dilga nedir bo‘ldi kun o‘tgan sayin,
Beg‘ubor chiroyin yo‘qotgan, go‘yo.
Xuddiki, bir uxlab turgan onimda,
Bola qalbim tortib olgandek dunyo.

✍Gulsanam Bahriddinova
@gavharidil

271 0 3

Dilgavharim

26 Mar 2021, 19:36

Ba'zilar bor...
Yuragi faqatgina qon haydashga yaraydigan hissiz buyum misoli...

Qaniydi...
Osmon yomg‘ir kabi adolat va haqiqatni bir kungina yog'dirsa...
Shunda u tomchilar yerga singib ketgani kabi sening qalbingga
ham singib ketarmidi?!

©Gulsanam

@gavharidil

178 0 0

Dilgavharim

26 Mar 2021, 19:33

Asliy murod

"Yosh burgut uchmoqda ko‘kda shiddatkor,
Kumush bulutlarning to‘zg‘itib parin".
Ko‘zlari qadalgan samoga tikka,
Parvozi lol etar butun Yer sharin.

Qanotin qoqmoqda Yuksaklik sari,
Tin bilmas yetay deb asliy murodga.
Mudom kuch bermoqda unga bir maqsad:
O'zni kashf etish-chun kelgan hayotga!

✍Gulsanam Bahriddinova

@gavharidil

143 0 0

Dilgavharim

26 Mar 2021, 19:29

Tundagi o‘ylar

,,Yolg‘iz turib yulduzlarga boqaman gohi,
Yo o‘zimcha tush ko‘rishning sirin o‘ylayman".
Umr ko‘rib ne amallar bajaribman men,
O‘z-o‘zimcha, samolarga dardim so'ylayman.

Bu dunyo bir qil ko'prikdir, undan, ajabo,
Inson degan ongli zotlar bir marta o'tgay.
Kimlardir bu yo‘ldan yurib bedarak ketsa,
Kimdir o'zdan buyuk nomni nishona etgay!

✍Gulsanam Bahriddinova

@gavharidil

121 0 0

Dilgavharim

24 Mar 2021, 20:39

Baxt so’zi

Jo’shib urar ko’ksimda yurak,
O’tar umrim qish, bahor, yozi.
Baxtiyorman mudroq dillarni
Uyg’otganda qalbim ovozi

Har ertamdan umidim ko’pdir,
Har maqsadim erur muallo.
Qulog’imga shirin hislarni
Shivirlaydi har tongi sabo.

Men quvonchman, shodlikman butkul,
Shu zaminga keltiray farah.
Bola ko’nglim hamrozi bo’lib,
Yuragimda gurkirar Jizzax!

Vodiy uzra samodan oftob
Yerga ishqin etar armug’on..
Yuzlarimga tabassumidan
Kulgich yasar hur-O’zbekiston!

Jo’shib urar murg’ak yuragim,
O’tar umrim qish, bahor, yozi.
Chin Baxt menga nasib aylagay,
Ona xalqim qilsam gar rozi.

✍Gulsanam Bahriddinova

@gavharidil

201 0 3

Dilgavharim

24 Mar 2021, 20:33

Ko’rsam deyman

Dilozor bu dunyosida dil sinmasin,
Sevinchingiz sezib, quvnab yursam deyman.
O’tinchimga yagona Haq, ko’ngil guvoh,
Ko’zingizda to’kis baxtni ko’rsam deyman.

Bor ekanda, hayotda ko’p qalbi siyoh,
Yuraklarning og’rig’iga ojiz giyoh,
Shum taqdirning zarbasini yemang, ey voh,
Yuzingizda to’kis baxtni ko’rsam deyman.

Oh, qaniydi, xush o’tkazsam damingizni,
Alishtirsam, kulgularga g’amingizni,
Mehrim bilan to’ldirolsam kamingizni,
Izingizda to’kis baxtni ko’rsam deyman.

Qayg’ularning ismin bilmang, qadrgulim,
Tilaklardan baxt qasrini qursam deyman.
Olam qadar shodlik berib butun umr,
O’zingizda to’kis baxtni ko’rsam deyman.

O’zim sizga o’shal baxtni bersam deyman!

✍Gulsanam Bahriddinova

@gavharidil

113 0 3

Dilgavharim

8 Mar 2021, 08:49

Aziz ayollarimiz, mehribon opa-singillarimiz bayramingiz muborak bo‘lsin 💐🌸🍀💐🌸🍀

@gavharidil

184 0 1

Dilgavharim

5 Mar 2021, 05:52

@gavharidil 🌷

373 1 3

Dilgavharim

5 Mar 2021, 05:52

Taxallus tanlashda sizda kechgan hissiyotlaringiz haqida biz bilan dillashsangiz. Shoir, yozuvchi, umuman ijod ahli, adabiyot ahli uchun taxallus qanchalik ahamiyatga ega deb o‘ylaysiz?!

✍Bahriddinova Gulsanam

@gavharidil

367 1 3

Dilgavharim

5 Mar 2021, 05:52

@gavharidil 🌷

323 1 3

Dilgavharim

5 Mar 2021, 05:52

@gavharidil🌷

301 1 3

Dilgavharim

5 Mar 2021, 05:52

#Sevimli shoiramiz_ Farida_Afro'z_ bilan_Ijodiy_ suhbatdan

Assalomu alaykum ustoz. Ijodiy to'garagimizga xush kelibsiz. Mening savolim quyidagicha:

Siz bilan bo‘lgan suhbatlarning birida: "Men she‘rlarim ichraman, ular mening qalbim surati" deya aytib o‘tgan edingiz.Taniqli Xonanda Zulayho Boyxonova tomonidan ijro qilingan "Dilimdagilar" nomli she'ringiz uchun ham mana shu fikringiz taalluqlimi? Sir bo‘lmasa, shu she'ringizning yozilish tarixi haqida biz bilan o‘rtoqlashsangiz.

✍Bahriddinova Gulsanam

@gavharidil

292 1 3

Dilgavharim

5 Mar 2021, 05:49

Dilimdagilar — Zulayho Boyhonova

💐Farida Afro'z she‘ri
💐Zulayho Boyxonova ijrosida

@gavharidil

120 0 3

Dilgavharim

5 Mar 2021, 05:47

#TABRIKLAYMIZ

5 МАРТ — ФАРИДА АФРЎЗ ТУҒИЛГАН КУН.

Фарида Бўтаева (Фарида Афрўз) 1956 йил 5 мартда Қўқон шаҳрида туғилган. Муқимий номидаги Кўқон давлат педагогика институтида таҳсил олган (1977). «Қирқ кокиллигим» (1986), «Изтироб кўйлаги» (1992), «Тунлар исёни» (1994), «Кўзим маним…» (1999), «Ўзимдан ўзимгача» (2001), «Ушшоқ» (2004), «Тасбиҳ» (2006) каби шеърий тўпламлари нашр этилган. «Қурбонжон додҳох» (2000) тарихий драмаси ҳам бор.

Ўзбекистон Ёзувчилар уюшмаси аъзоси, "Afro‘z rekords» овоз ёзиш студияси директори ва «Шуҳрат» медали (1999) билан тақдирланган.

@ikki_qalb_izdoshlari
@gavharidil

268 0 1

Dilgavharim

4 Mar 2021, 05:31

01:09

Видео недоступно для предпросмотра

Смотреть в Telegram

💐🍃💐🍃💐🍃💐🍃💐🍃💐🍃💐🍃

@gavharidil

127 0 3

Dilgavharim

4 Mar 2021, 05:19

Atrofida qora bulutlar bo‘lishiga qaramay, quyosh o‘zining zarrin ziyosi bilan olamimizni munavvar qiladi✨🌞✨

#odamlar ham oftob kabi atrofida qanchalik yomon kimsalar bo‘lishiga qaramasdan, yaxshilikka, ezgulikka intilishi, ko‘nglidagi quyoshli tuyg‘ular tafti ila o‘zgalarni baxtiyor etishi naqadar go‘zal ko‘rinar ekan...

🍃🌹🍃🌹🍃🌹🍃🌹🍃🌹🍃🌹

@gavharidil

125 0 0

Показано 20 последних публикаций.

103

подписчиков

Статистика канала