ДУОСИН ОЛ ОНАЖОНИНГНИ...

Биров шайдосидир обрў, шонингни,
Биров билмай қолсанг, олса молингни,
Сен бошқа миннатсиз меҳр топмассан,
Дуосин олиб қол онажонингни.

Ҳар сўзи минг йиллик дардингга дармон,
Неки истаги бор, англагил – фармон,
Билсанг, шу кимгадир аламли армон,
Дуосин олиб қол онажонингни.

Дунёнинг биз билмас асрори биёр,
Дўстингман деб юрган ағёри бисёр,
Садоқат билмаган дилдори бисёр,
Дуосин олиб қол онажонингни.

Беш кунлик дунёда ҳаммамиз меҳмон,
Гоҳо бир ширин сўз зўр лутфу эҳсон,
Тилагинг ижобат бўлгайдир осон,
Дуосин олиб қол онажонингни.

Тилинг бўшамасин ҳамду санодан,
Бир хабар етмишдир Ҳақ Мустафодан,
Жаннат истар бўлсанг Қодир Худодан,
Дуосин олиб қол онажонингни.


Ғайрат МАЖИД

DUOSIN OL ONAJONINGNI...

Birov shaydosidir obro', shoningni,
Birov bilmay qolsang, olsa molingni,
Sen boshqa minnatsiz mehr topmassan,
Duosin olib qol onajoningni.

Har so'zi ming yillik dardingga darmon,
Neki istagi bor, anglagil – farmon,
Bilsang, shu kimgadir alamli armon,
Duosin olib qol onajoningni.

Dunyoning biz bilmas asrori biyor,
Do'stingman deb yurgan ag'yori bisyor,
Sadoqat bilmagan dildori bisyor,
Duosin olib qol onajoningni.

Besh kunlik dunyoda hammamiz mehmon,
Goho bir shirin so'z zo'r lutfu ehson,
Tilaging ijobat bo'lgaydir oson,
Duosin olib qol onajoningni.

Tiling bo'shamasin hamdu sanodan,
Bir xabar yetmishdir Haq Mustafodan,
Jannat istar bo'lsang Qodir Xudodan,
Duosin olib qol onajoningni.

G'ayrat MAJID
@gayratmajidijodi