Gazeta.uz — Maxsus kanal

Oʻzbekistondagi tarixiy mavzuga oid ilk multimediaviy koʻrgazmadan reportaj

Tashkent City Mallʼda “Jadidlar. Turkistonga maktublar” nomli multimediaviy koʻrgazma ochildi. Fotosuratlar, xatlar, videolar, hujjatlar, ovozli maʼlumotlardan iborat ekspozitsiya 1922-yili Germaniyaga oʻqishga yuborilgan 73 nafar turkistonlik talaba haqida hikoya qiladi.

Koʻrgazma ustida yuzlab odamlar bir yildan ziyod vaqt davomida ishlagan. Yoʻq boʻlib ketish arafasidagi hujjatlar va fotosuratlar 4 K formatda restavratsiya qilingan, bugungi kunda oʻzi emas, faqat suratlarigina mavjud ashyolar dizaynerlar tomonidan aslidagi kabi koʻrinishga keltirilgan.

Savdo markazidan alohida ajratilgan 1400 kvadrat metrdan ziyod maydonda tashkil etilgan koʻrgazma beshta zaldan iborat boʻlib, 6 mavzuli hududga ajratilgan: “Jadidlar. Turkistonga maktublar”, “Olmoniyadan maktublar”, “Turkiston. Hurlik va taraqqiyot orzusi”, “Qatagʻonlar” , “Taraqqiyot yoʻlida” va “Aks”.

Tashkilotchilar koʻrgazmani Oʻzbekistonning boshqa hududlariga ham olib borib koʻrsatish maqsadi borligi, Buxoroda ochiladigan Jadidlar muzeyida esa ushbu mavzuga oid alohida boʻlim boʻlishi koʻzda tutilayotganini aytishdi.

Quyidagi reportajimizda koʻrgazma zallari bilan batafsil tanishishingiz mumkin:

https://www.gazeta.uz/oz/2024/08/01/jadidlar/

Ziyoda Ramazonova, Murod Yusuf

@gazetauzmaxsus

Qarindoshlar o‘rtasidagi nikoh — bu nega muammo va uni qanday hal qilish mumkin?

Qarindoshlar o‘rtasidagi nikoh — insoniyat tarixining deyarli barcha davr-u davlatlariga ma’lum, hozirda kurrai zaminning kamida 10 foiz aholisi hayotiga taalluqli bir fenomen. “Gazeta.uz” chor-atrofimizda hanuz uchrab turuvchi ushbu hodisa mohiyati va oqibatlarini o‘rganishga harakat qildi.

Maqola bilan quyidagi havola orqali tanishishingiz mumkin:

https://www.gazeta.uz/oz/2024/08/01/consanguine-marriage/

Guliraʼno Musayeva

@gazetauzmaxsus

Zarqaynarda sim va quvurlar yer ostiga oʻtkazilmoqda

Iyun oyi oxirida Toshkentning qadimiy mahallalaridan biri — “Hastimom”da joylashgan Zarqaynar koʻchasida, shuningdek, unga yondosh berk koʻchalarda havodagi kommunikatsiya tarmoqlarini yer ostiga oʻtkazish boʻyicha ishlar boshlangan. Olmazor tumani hokimi mahalla ahli bilan uchrashuvda “bu koʻchadagi uylar endi buzilmasligi“ni aytgan. Aholi esa qurilish-taʼmirlash ishlari butun hududni “vaʼda qilinganidek” qamrab olmayotganidan norozi.

“Avvaliga „sizlar tarafga ham oʻtamiz“, deyishdi. Kutdik, yana soʻrasak, shu ishlarga hokimlikdan jalb qilingan odam sherigiga: „Faqat koʻrinadigan qismini qil, deb aytgandingiz-ku!“, deganini eshitib qoldim. Bizga simlarni devor ortidan oʻtkazib berisharkan. Boloxona yogʻochdan — yonib ketsa nima boʻladi? Bunisini oʻylashmayapti”, — deydi 2-berk koʻchada istiqomat qiluvchi Maʼruf Sharipov.

Ishlar avgustgacha yakunlanishi rejalashtirilgan. “Gazeta.uz” muxbirlari Zarqaynarda boʻlib, u yerdagi qurilish-taʼmirlash jarayonidan fotoreportaj tayyorladi.

Reportaj bilan quyidagi havola orqali tanishishingiz mumkin:

https://www.gazeta.uz/oz/2024/07/26/zarqaynar/

Ziyoda Ramazonova, Murod Yusuf

@gazetauzmaxsus

Sharoitidan koʻra nomi koʻproq oʻzgargan Oʻzbekiston davlat drama teatridan reportaj

Oʻzbekiston davlat drama teatrining XIX asrning oxirida hashar yoʻli bilan qurilgan binosi — aksari yoshi kattalar tarixga aylangan tramvay deposi, kalla-pochadan tayyorlangan gumma, avtobus bekati yonidagi gazli suv budkasi bilan eslaydigan Xadraning chap qanotida joylashgan. Oʻzbekistonning mazkur eng koʻhna teatr binosi spektakllardan tashqari qurultoy, miting va dafn marosimlariga ham guvoh boʻlgan.

Qizigʻi, bugungi kungacha teatrning nomi undagi sharoitdan koʻra koʻproq oʻzgargan. Soʻnggi bor 40 yil avval toʻliq taʼmirdan chiqqan tomoshagohga qahraton payti kelgan odamlar: “Bu yil toʻrtta teatrga bordik, eng zoʻr tomosha sizlarda boʻldi, lekin zalinglar sovuq ekan-da“ yoki “Bu yil ham Yangi yil tomoshasi boʻladimi? Direktorimiz oʻtgan yili shu teatrga borganidan keyin bir-ikki bola shamollab qolgandi, bu yil issiq boʻlarmikan, deb soʻrayaptilar”, deb ketadi. Yoki tomoshabinlarning oʻzi “Vafodor it” spektaklidagidek yengi kalta yaktakda sahnaga chiqqan aktyorlarni issiqroq kiyinishga chaqiradi.

“Gazeta.uz” muxbirlari 130 da­n ortiq kishi — ularning orasida rekvizitlarni muzey eksponatidek asrab, ishg­­a kelgach butun tashvishlarini unutuvchi, spektakl vaqti toʻgʻnogʻich-u ignasi bilan “karman”da shay turuvchi bamisoli “kostyumer pari” va sahnada “yashovchi” insonlar faoliyat yuritadigan teatrdan reportaj tayyorladi.

https://www.gazeta.uz/oz/2024/03/15/theatre/

Guliraʼno Musayeva, Madina Aʼzam

@gazetauzmaxsus