د ازادخېلو د ادبې جرګې اونیزه آن لاین طرحیه مشاعره
د تېرې جمعې په شپه د ازاد خېل ادبې جرګې تر سیوري لاندې اونیزه ان لاین طرحیه مشاعره د ازادخېل ادبې جرګې د ټیلي ګرام په ګروپ کې تر سره شوه چې ګڼو شاعرانو پکې ګډون درلود '
مونږ یې تاسو ته د ازاخېل ادبي جرګې نه په مننې سره ټکي په ټکي نشروو
ــــــــــــــــــــــــــــــــــــــــــــــــــــــــــــــــ
ګرانو شاعرانو ملګرو!
او د مشاعرې ټولو ګډونوالو!
دا چې د جمعې مبارکه شپه ده او د تېر په څېر د ازاد خېلو د ادبي جرګې لخوا د اونیزې آنلاین طرحیه مشاعرې وخت رارسېدلی دی
د ټولو شاعرانو ملګرو نه هیله مند یم چې د مشاعرې تر اخره به راسره خپل شیرین بیتونه شریک کړئ او د مینه والو تږي زړونه به خړوب کړئ.
ټول شاعران ملګري دا ځل د محترم ورور مهاجر زاهد ساپي صاحب د غزل په دې مطلع
•┈┈┈•❁↷❤️↶❁•┈┈┈•
شپه بوږنوونکې وه سهار داسې بدل غوندې دی
لمر دی لږ تت غوندې غبار داسې بدل غوندې دی
•┈┈┈•❁↷❤️↶❁•┈┈┈•
باندې خپل بیتونه د قافیه او ردیف سره سم راپېل کړئ ـ
په پاکستان کې میشت ملګري د وي پي این نه په استفادې سره د ټیليګرام دغه ګروپ جواین کړئ👇
@AdabiJirga2ریحان رحماني:
غازي لالیه هر خوا فریب چل او دوکه ده ګوره
دا ځل د ففت جنریشن وار داسې بدل غوندې دی
•┈•⊰⊰⊰•✦🌹◉🌹✦•⊱⊱⊱•┈•
حامد ځدراڼ:
اوس پرې ګمان د ارطغرل د ورولۍ مکوه
اوس خاین شوی دی دوندار داسې بدل غوندې دی
•┈•⊰⊰⊰•✦🌹◉🌹✦•⊱⊱⊱•┈•
حماد:
ترې غورځېدلي دي څو ستوري اوس هغسې ندی
د زلمو ستورو سپین کتار داسې بدل غوندې دی
•┈•⊰⊰⊰•✦🌹◉🌹✦•⊱⊱⊱•┈•
ریحان رحماني:
اوس یې له غېږې کوچېدلي مهاجر طالبان
زمونږ د کلي ړنګ چنار داسې بدل غوندې دی
•┈•⊰⊰⊰•✦🌹◉🌹✦•⊱⊱⊱•┈•
ݳبــڕݴݛݳݾـݩݴ:
چی پرې آباد وو غمځپلي دردېدلي زړونه
د خوشحالیو سپین بهار داسې بدل غوندې دی
•┈•⊰⊰⊰•✦🌹◉🌹✦•⊱⊱⊱•┈•
اسعد دراني:
وه چې قبوله دې په ښه ډېره خوښۍ غلامي
خیټو نن ولې دې ګفتار داسې بدل غوندې دی
احسان الله احسان ته
•┈•⊰⊰⊰•✦🌹◉🌹✦•⊱⊱⊱•┈•
حماد:
ترې د اذان په ځای راخېږي له درد ډک آهونه
په لمبو سوی دی منار داسې بدل غوندې دی
•┈•⊰⊰⊰•✦🌹◉🌹✦•⊱⊱⊱•┈•
عاطف لاروی:
صبا نوروز دی د کورونا وائرس خطر هم شته دی
مزه یې نشته ننګرهار داسې بدل غوندې دی
•┈•⊰⊰⊰•✦🌹◉🌹✦•⊱⊱⊱•┈•
خྂاྂلد ؏ُـمـرخྂېྂل:
نه څه سلام نه څه دعا نه څه پښتنه کوي
زه بدل شوې یم که یار داسې بدل غوندې دی
•┈•⊰⊰⊰•✦🌹◉🌹✦•⊱⊱⊱•┈•
ریحان رحماني:
کړي په جامه د مسلمان کې دښمني د اسلام
د دې ناپاک پوځ کردار داسې بدل غوندې دی
•┈•⊰⊰⊰•✦🌹◉🌹✦•⊱⊱⊱•┈•
حامد ځدراڼ:
بیا پاڅېدلي دي غازیان د نوي جنګ په تکل
بیا یې د سرو سترګو خمار داسې بدل غوندې دی
•┈•⊰⊰⊰•✦🌹◉🌹✦•⊱⊱⊱•┈•
اسعد دراني:
هو توجو ورته د خدای د رحمت شوې ده جوړ
زما عاصي زړه ګنهګار داسې بدل غوندې دی
•┈•⊰⊰⊰•✦🌹◉🌹✦•⊱⊱⊱•┈•
نعت خوان ابو انس حمیدی:
په غلیمانو یې یو کړې شپه او ورځ ده نن بیا
شم ترینه ځار د طالب وار داسې بدل غوندې دی
•┈•⊰⊰⊰•✦🌹◉🌹✦•⊱⊱⊱•┈•
قاري انس حمیدي:
په ماتېرېږې ورځ هفته، او هفته میاشت راباندې
وخت بدل شوی که دا ښار داسې بدل غوندې دی
•┈•⊰⊰⊰•✦🌹◉🌹✦•⊱⊱⊱•┈•
عمادالدین شرعي احمدزی:
حالات ښه شوي دي جانان مې اوس لوڅ مخ ګځېږي
تلیفون خلاص دسنګر یار داسې بدل غوندې دی
•┈•⊰⊰⊰•✦🌹◉🌹✦•⊱⊱⊱•┈•
مستغفر شرنوال:
په ټول بدن کې دزړګي په سر مې ولږېږي
د یار دمړو ســـترګو ګـــوذار داسې بدل غوندې دی
•┈•⊰⊰⊰•✦🌹◉🌹✦•⊱⊱⊱•┈•
امید رضا:
ډیره موده پس یو ځل بیا زه په دې کلي راغلم
ګودر یې ړنګ دی او چنار داسې بدل غوندې دی
•┈•⊰⊰⊰•✦🌹◉🌹✦•⊱⊱⊱•┈•
ګرانو ګډونوالو او شاعرانووروڼو!
او د شعر و ادب مينوالو!
دا چې د مشاعرې رسمي وخت پاې ته رسېدلی دی البته تر سهار (اوه بجو) پورې ګروپ ته راغلي شعرونه به د دې مشاعرې سره په ګډه نشروو
د ټولو ګډونوالو څخه د زړه له کومې مننه کوو
هر چېرې چې یاست خوښ، سوکاله او له نېکمرغۍ ډک ژوند ولرئ
الله دې ستاسو او د ټول امت مسلمه د زړه شرعي ارمانونه پوره کړي او لوې څښتن تعالی دي درنه راضي شي او الله دې اسلامي امت د مشکلاتو له ګردابه راوباسي.
اللَّهُمَّ صَل عَلٰى مُحَمَّدٍ وَّ عَلٰى آلِ مُحَمَّدٍ
والسلام علیکم ورحمةالله وبرکاته
ستاسو کشر ورور
اسعد دراني
د اونیزې آن لاین مشاعرې کوربه
جمعې مبارکې شپه
19/مارچ/2020ز
ــــــــــــــــــــــــــــــــــــــ
زمونږ سره په فیسبوک او ټیلیګرام کې ملګري شئ↙️↙️
╭•┅═══❁✿✿❁═══┅•╮
@Ghazal_Garden1 ـ غزل بڼ ـــــ
@AdabiJirga2 ـــ ا دبي جرګه ــــــ
www.fb.com/AdabiJirga ــــــ
╰•┅═══❁✿✿❁═══┅•╯
