Talabadan pora so‘ramang
Bechoradan chora so‘ramang,
Bermasa ming bora so‘ramang.
Axir o‘zi bitta bechora,
Talabadan pora so‘ramang.
💸💵💸💵💸
Qiziq emas tanish bilishi,
Qiziq bo‘lsin neni bilishi,
Ozuqasi roltin, bilishshi,
Talabadan pora so‘ramang.
💸💵💸💵💸
Izingizdan ustoz deb yurgan,
Boshini ko‘p to‘siqqa urgan,
Olti yilda o‘qishga kirgan,
Talabadan pora so‘ramang.
💸💵💸💵💸
Biror marta bir halol so‘rang,
Duo qiling, baxt iqbol so‘rang
Istagancha hol ahvol so‘rang,
Talabadan pora so‘ramang.
💸💵💸💵💸
Yo‘l ko‘rsating yo‘rig‘igacha,
Sog‘mang yetti urug‘igacha,
Narsadan to qurug‘igacha,
Talabadan pora so‘ramang.
💸💵💸💵💸
U kutganda ardog‘ingizni,
Tiqib olmang oyog‘ingizni.
Kuydirmasmi tomog‘ingizni?
Talabadan pora so‘ramang.
💸💵💸💵💸
Xarom luqma yemang kerakmas,
Baho qo‘yib bermang kerakmas,
«Menday bo‘lgin» demang kerakmas,
Talabadan pora so‘ramang.
💸💵💸💵💸
Yuvindi ham yoqqanga yoqar,
Manfaat deb kim esdan og‘ar,
Siz soqqan so‘ng shu xalqni sog‘ar,
Talabadan pora so‘ramang.
💸💵💸💵💸
Kim ketini yopib oladi,
Kim qopib, kim chopib oladi,
Gap egasin topib oladi,
Talabadan pora so‘ramang.
💸💵💸💵💸
Kimdadir soqqa bor farqi yo‘q,
Poradek shirin va talxi yo‘q,
Ilmning haqqi bor, narxi yo‘q,
Talabadan pora so‘ramang.
💸💵💸💵💸
Kerak emas turli yolg‘onlar,
Bermaganga ming bir qopqonlar,
Ongi nimjon og‘zi polvonlar,
Talaban pora so‘ramang.
💸💵💸💵💸
«Kennoyiga bosh oyoq sarpo,
Pochchamizga kastyum shim, palto»
Bolalarga yana bir balo
Nafsingizga yuz bor tasanno,
Talabadan pora so‘ramang.
💸💵💸💵💸
Qorin to‘yib ko‘zingiz to‘ymay,
Qorin qo‘yib ko‘zingiz to‘ymay,
«Qo‘ymadingda qo‘yarga qo‘ymay»
Momongizni ko‘rsatib qo‘ymay,
Talabadan pora so‘ramang.
💸💵💸💵💸
Kim maqtaydi, kimdir tahqirlar,
Banda emas Tangri taqdirlar.
Tilingizni ari chaqqirlar,
Talabadan pora so‘ramang.
💸💵💸💵💸
Bechoradan chora so‘ramang,
Ko‘ngli tilka pora so‘ramang.
Bolangizdek bitta bechora,
Talabadan pora so‘ramang.
Mirzo Ozod
34.KI.19
NamMQI talabasi...
