د رسول اللهﷺ عبادت او له الله تعالی څخه وېره:

د پیغمبرﷺ زړه د الله تعالی له وېري مالامال وو، تل يې د هغه څارنه احساسوله، خپل زيات وخت يې په عبادت تېراوه، د شپو زياته برخه به خپل رب ته په رکوع او سجده وو، آن چي پښې مبارکي به يې وپړسيدې. عايشې بي بي به ورته ويل: ولي دومره کړاو باسې، په داسي حال کي چي الله درته مخکني او وروستني ټول ګناهونه معاف کړي دي؟ هغه به ځواب ورکاوه:(آيا د الله شکر ايستونکی بنده ونه اوسم؟) د الله ذکر به یې ډېر زيات کاوه، ټول کارونه یې د الله جل جلاله په نامه پيل او د هغه په ستاينه پای ته رسول، له الله سره له راز او نياز څخه هيڅ نه ستړی کېدی او تل به هغه ته لاس په دعاء وو.

فداك امي وأبي يارسول اللهﷺ❣️❤️