HADAF–Arab tili

السلام عليكم!
كيف حالكم أيها التلاميذ 😎😎

#Tafakkur

Yaqindagina 33 yoshida vafot etgan ajoyib shoir Mansur Jumayevning bir she'rini sizga ilindik!
O'qib biroz mulohaza qilib ko'ring!


* * *
Yarashmoq uchun ham nizo tug‘ilgan,
Oshiqlar ko‘nglida rizo tug‘ilgan.
Imroniy dillarda tug‘ilsa Maryam,
Maryamiy ruhlarda Iso tug‘ilgan.

Kamtarin tilaklar o‘solar – o‘sgay,
Javonmard elda gul nisolar o‘sgay.
Nihollar shaklida o‘ssa umidim,
Daraxtlar shaklida asolar o‘sgay.

Ko‘p g‘alat savdolar baso ulg‘aygan:
Goh qiyshiq kulbada raso ulg‘aygan;
Ulug‘bek ko‘shkida – Abdullatifxon,
Fir’avn qasrida Muso ulg‘aygan...

Men na shoh, na gado, na valiy zotman,
Nafsim egarlagan yayloqi otman.
Shuncha gunoh bilan hanuz qaddim tik,
Shuncha nuqsim bilan hanuz hayotman.

Kel, vahm sherini jayron qil, Xudo,
Chavandoz nafsimni vayron qil, Xudo.
Mendek bir yomondan yaxshi og‘ochlar
Undirib, meni bir hayron qil, Xudo.

Mansur Jumayev

https://t.me/hadafacadem

“Kishi ilm talabida ekan u olimdir. Ammo qachonki "men olim bo‘ldim" deb o'ylasa u johildir”.

•Abdulloh ibn Muborak

https://t.me/hadafacadem

Assalomu alaykum!
Arab tilining aziz ixlosmandlari!

Reja qilganimizdek bugun audio suhbat tashkil etamiz.
Ushbu suhbatda ishtirok etib, suhbat oxirida eng yaxshi savol bergan 3 ishtirokchi mehmonimiz Salohiddin Qurbonov tomonidan sirli sovg'alar bilan mukofotlanadilar!

🔥 Bundan tashqari o'quv markazimiz tomonidan eng yaxshi takliflar beriladi!

Suhbatga do'stlaringizni ham taklif eting!

https://t.me/hadafacadem

Til o'rganishda qilinadigan xatolar!


O'quvchi til o'rganar ekan, o'zi bilmagan holda ko'plab kamchilik va xatolarga yo'l qo'yadi. Bularni o'z vaqtida bartaraf etish bilan ko'zlagan maqsadiga yetadi.
Quyida ba'zi xatolarni keltirib o'tamiz:

1. Til o'rganishdan asl maqsadni belgilab olmaslik.
2. Vaqtini to'g'ri taqsimlamaslik.
3. Real harakatga kirishmasdan uzundan-uzoq orzular qilib yurish (to'g'ri, orzular qilish kerak. Lekin u haqiqatga mos bo'lishi shart).
4. O'ziga mos uslub asosida ta'lim olmaslik. Buni anglab yetguncha ancha vaqt va ko'plab ustozlar huzuriga borishga ham to'g'ri kelsa ham buni aniqlab olish lozim.
5. Telefon va shu kabi vositalarga chalg'ib qolish.
6. Takrorning yo'qligi.
Bunda o'rganuvchilar o'zlari ixtiyoriy ravishda o'tilgan mavzularni takrorlamaydilar. Vaholanki, bilimning sharti takrorning doimiy bo'lishidir.
7. Vazifalarni darsdan 1 kun oldin tayyorlash.
Dars tayyorlash qoidasi quyidagicha bo'ladi: vazifa berilgan kuni yozishga berilgan vazifalarni yozib, yangi so'zlarni yodlab qo'yish. Keyin shu yangi yodlangan so'zlarni doimiy, har kuni takrorlash va kimgadir yodlab berish. Tarjimaga berilgan yoki shu kabi vazifalarni har kunlik qismlarga bo'lib tarjima qilish. Vazifa daftariga doimiy yozib borishi shart.
8. Sherik tanlashda adashish.
Sherik tirishqoq, talabchan, so'zi va amali bir, o'ziga nimani ravo ko'rsa, sherigiga ham shuni ilinadigan bo'lishi kerak.
9. Bir mavzuni tushunmasa, "keyin yana o'rganib olaveraman-da" degan fikr bilan, mavzuga yengil qarash.
10. Ortiqcha va noo'rin asabiylashish, o'zini bilag'ondek ko'rsatish.
Bunda o'rganuvchi juda ko'p ma'lumotlardan bebahro qoladi. Kibr va manmanlik bilim egallashdan to'sadi. Hokisorlik esa bilim zinapoyalari kabi yuqoriga ko'taradi.

Loadri aytgandi:

"Bir o'simlik hali urug' bo'la turib tavoze bilan tuproqqa tushmaguncha hargiz unib chiqolmas. Zero, kamtar bo'lganni Allohning rahmati boyitur".

https://t.me/hadafacadem

Til o'rganishga kirishgan inson uchun o'z ona tili grammatikasini bilishi qanchalik muhim?

Arab tili klassik va zamonaviy turlariga bo'lingani ma'lum. Bu barcha jabhada umuman bir-biriga teskari, degani emas. Balki ma'lum juz'iy, kichik-kichik farqlar bor.

• Zamonaviy arab tili yo'nalishining ustun tomoni ko'plab yangi so'zlar, internatsional terminlarning kirib kelganida.

• Klassik arab tili yo'nalishi esa, o'z mukammalligi, asos kitoblarga, ilmiy adabiyotlarga asoslanganligi va barcha davrlarda ham o'z jozibasi va mavqeyini yo'qotmaydigan nasriy to'plamlarga muvofiligi bilan alohida ajralib turadi.

Endi, til o'rganishda, qaysi yo'nalishini o'rgansa ham, insonga o'z ona tili grammatikasini bilish yordam beradimi?

Bizga ma'lumki, ona tili grammatikasini bilmaganlar ham klassik yo'nalish asosida arab tilini o'rgana olyaptilar. Ona tili grammatikasini bilganlar esa mukammalroq o'rganishga muvaffaq bo'ladi. Sababi, o'zbek va arab tillari bir guruhdagi tillar oilasiga mansub. Tabiiyki, grammatikalari ham deyarli bir xil. O'zbek tili grammatikasini tushungan o'quvchi arab tilini solishtirib, qiyoslab o'rgana oladi. Va nisbatan tezroq natijaga erishadi.

Lekin ayni damda klassik va zamonaviy yo'nalishlari omuxtalashtirilib, til ustozlari tomonidan umumiy grammatika qoidalari va yangi uslublar joriy qilinib, offline ham online shaklda o'quvchilarga o'rgatilishi sabab, ko'plab o'rtacha xotira va fahmdagi o'rganuvchilar ham qiyin tuyilgan ushbu tilni ham bemalol o'rgana olmoqdalar. Bu esa o'zlarining kelajagi uchun muhim qadam va foydali sarmoya bo'la oladi.

https://t.me/hadafacadem

Izoh:

Arab tili grammatikasi 3 ta asosiy bo'limga ajratilib o'rganiladi:
1. Lug'at (yangi so'zlar);
2. Nahv (morfologiya-ismlar, harflar, olmosh va ravish so'z turkumlari kabi);
3. Sarf (fe'l).

Ya'ni fe'llarning shaxs-sonda, jinsda tuslanishi va bular asosida o'rganiladigan maxsus sarf (fe'llarning tuslanishi) qoidalari grammatikaning asosini tashkil qiladi.

Arab tili o'rganuvchilarining bosh maqsadi va eng qiynaydigan jihati ayni shu fe'llar mavzusidir.
Lekin odam qilganni odam qiloladi, deyilganidek, fahm-farosat va diqqat-e'tibor bilan doimiy harakat qilgan o'quvchi buni ham bemalol o'zlashtira oladi.

https://t.me/hadafacadem

Sarf ilmini o'rganmay,
olim bo'lmaydi kishi.
Sarfsiz ilm o'rgansa,
rivoj olmaydi ishi.

© Ustoz