?أشــ?ــواك ناعمـ?ـــه?

#كلش__________اوووف
#بس______يا___اوووف
عشگناهم عشگ لا مر ولا #مشيوف
چان الليل يگضي بحسرة #الملهوف
ألف #ياحيف ...
لا مره حسبنه احساب #للفرگه
ولا دغدغ گلبنه #الخوف💔😔

، 🏹♥️



ارأئڪمـم وتـوقععاتڪـم ققـَمـٰرياتي 😻


@Snow9_9_bot✨🌿♥️

بيومها ماما انتظرت بابا حامد وهم مأجه ونامت ودمعتها بعينها

جنه : دخلنا للفندق واني ارجف رغم كل الفرح الي اني بيه بدا الخوف يسيطر عليه
مازن : تعالي اكعدي شبيج خايفه
جنه : هااا لا مابيه
مازن : تعالي ارتاحي ماالمسج هسه
جنه : دمعت عيوني كلت هذا ميريدني
مازن : شبيج جنه
جنه : كامت عيووني تنزل شلال دموع
مازن : ولج شجاج شحجيت
تقربت منها واخذتها من ايدها تعالي اكعدي وفهميني شبيج
جنه : انه اعرفن انت متحبني وتحبها
مازن : شنو احب منو شكعد تحجين
جنه : تحب بت عمي
مازن : منيلج هذا الحجي (صدمتني بكلامها وتبجي بحرگه )
جنه : من زمان جنت ادري وسمعتكم گبل الحنه گلشي سمعت
اذا تعرفين بيه احبها ليش قبلتي بيه
جنه : احجي واشهك لان احبنك وروحي معلكه بيك

مازن : استغفر الله كمت من يمها وجبت كلينكس وانطيتها الها وجريتها وكعدتها كبالي
اسمعي جنه انتي هسه مرتي والي سمعتيه تنسي انتي بت عمي وغاليه عندي والي اريده منج هذا الموضوع مينفتح ابد من اليوم انتي زوجتي وكل الي راح ماله وجود بحياتي انتي مو تحبيني
جنه : اهز براسي وامسح دموعي
مازن : تحبيني لو لا
جنه : والله احبنك
مازن : ماطول تحبيني تنسين كولشي دموعج مااريدها تنزل بعد وبس ضحكتج اشوفها ويله اني متت جوع مناكل اليوم
جنه : ابتسمت اي ناكل
مازن : جنه مثل مجنتي جنه حامد اريدج تصيرين جنه مالتي اني تعبان ودواي عندج
جنه : حضنته حيل والله ماازعلك مني
مازن : ههههههه مبين الست مستعجله
جنه : هاااا على شنوو
مازن : تعالي انه اكولج على شنو
جنه : تقرب مني وجان حنون ويايه وحيل حباب وصرت مرته وعدت نفسي اله اعيشه احلى ايام بقيت نايمه بحضنه وممصدكه مازن بين حضني ربي لاتحرمني منه

أيه : كعدنا الصبح وسمعنا طلقات اجت جنه ومازن والذبايح جوه رجلهم الكل طاير وفرحان رحنا اني وماما نبارك الهم ودق مقبلت تجي عفناها براحتها
اول مدخلنا ماما ادور على بابا حامد وهو ماكو احس گلبها راح يطگ عليه ركضت جنه لحضني وفرحانه وشاورتني عندي كومه حجي الج بس بعدين
أيه : هههههههه اكيد اشكال والوان حجي
واحنا نسولف ونسمع صياح عمه فضيله ويه بابا حامد تكوله ضيعت وليدي يحامد هاي تاليها

يتبع ....🧡

نزلت ركض حتى الحك من دااطلع صار منير بوجهي وين
أيه: شنو وين

منير : مطلعين ماكو روحه للعرس
أيه : شكعد تكول لازم اروح
منير : اني كتلج مترحين شون البارحه تتجاوزين اذا مااربيج
أيه : مو بكيفك شو اروح وغصب عنك
وجان يدفعني حيل جوه البيت وسد الباب ونار كلي
منير : اذا طلعتي اكسر رجلج واني زوجج والي حكم عليج
أيه : كمت ابجي وجان تنزل ودق من فوك
ودق : خير ياطير شو صوتك طالع وتهدد
منير : انتي مالج دخل مره ورجال شكو حاشره روحج بنصهم
أيه : عوفي ودق فدوه جان توصل يمي سحبتني وفتحت الباب يله روحي
منير : لج شنو تكسر كلامي
ودق : اسمع منير تره لعبالك تهديدك خوفني اني سكتت لخاطر هاي الفقيره متتأذه ومنريد مشاكل بس اذا طخت بعقلي احرك الاخضر واليابس وعليه وعلى اعدائي

منير : لج انتي شنو ماكو احد يوكفلج لتشوفين نفسج واكفه وتهددين هسه انزع الحزام واكطعه عليج
ودق : حتى اكسرها لأيدك وانتي ليش واكفه امشي روحي للعرس وخلي نشوف استاذ منير شيسوي
منير : ودق جفي شري تره بعدج مشايفه شى مني
ودق : والله الي مثلك كولشي اتوقع منهم تهددني بلكليه طز مااريد كليه ابطل واكعد
منير : هيج صايره قويه
ودق : اني من زمان تره بس مشايف مواهبي
جوز من أيه ولتأذيها
منير : بابا وانتي شدخلج هاي مرتي
ودق : افتهمنا مرتك بس بعدها مصارت بيتك ويجوز متصير الله اعلم بس هسه مالك حكم عليها هسه اكدر اروح لعمو حامد واكوله ميريدها تحظر العرس ويزفك زفه زينه تسوه عمرك لهذا احترم نفسك واليوم عرس اخوك وروح اركص وافرح وعوف البنيه تروح لصديقتها جنه تفرح وياها
يله ليش واكفه
أيه : ارجف واباوع على ودق شون واكفه كدامه بكل قوه وتحجي وبرود دمرته وهو نار اروح
منير : روحي
أيه : واني ركض خفت تعلك ويمنعني
منير : وانتي متجين
ودق : لا ومالك دخل بيه
منير : اخاف زعلانه لان اخويه اتزوج غيرج
ودق : احسن شى سواه وبالخير عليه وحباب روح ليعوفوك وحدك وتظل تبجي مثل الجهال
منير : رايح بس الي سويتيه يجي يوم وارده الج
ودق : شسوي سوي واكو اربع حياطين الحايط الي يعجبك اركع راسك بيه ايه خط احمر اياك تأذيها لا وداعت امي وخواتي الي عندي اغلى شى بالدنيا ادمرك يامنير
منير : ماشي نشوف ياغزاله
ودق : طلع وركع الباب من راحت روحك اي والله

بقيت وحدي بلبيت مكدرت احظر العرس مردت احرج مازن واخلي يشوفني واخرب يوم عرسه ومردت جنه تضيع فرحتها بقيت افتر بلبيت وحدي وصافنه حياتي وين راح تصفه وتذكرت كلام مازن وبقيت اتذكر كلمه كلمه منه رادت دموعي تنزل بس كلام بيبي بعده بأذني اني قويه ولازم ماانقهر واعيش حياتي
رحت اخذت حبايه فاليوم وتمددت ومن التعب نمت اريد انام وماافكر بأي شى وهذا جان انسب شى اليه

جنه : گلبي يدك ويه كل خطوه يخطيها مازن وصل يمي ورفع البركع باسني من راسي واني جسمي كله رجف ممصدكه صدوك هو يمي واني عروسته دخل ابويه وبيده سلاح ذهب (قلاده كبيره ) ولبسه اليه وبتوت ٦ وملاوي ترسني ذهب وباس راسي وكلي امانتج مازن هذا وليدي
بست ايده بعيني يابه

حامد : تقربت من مازن وباركت اله وهمست باذنه اذا بيوم جنه شگت منك واذيتها انسى انت ابني واحاسبك كنسيب هاي جنتي يمازن جنه حامد عينك عليها
مازن : بست راسه وايده بعيوني يابه لايضل بالك
يله يابه توكلو

يمامه : اباوع على حامد كوه كاتم دموعه صدوك الضنه عزيز واحنا بحاله قهر وكلها تبجي جان احلام تهوس
فرحه اجت لعيالها وطير السعد يبرالها
ياااا والغسل عساها ماردت تولي فرحه بس الطلايب وراها
جنه اجت لعيالها وطير السعد يبرالها
حامد : هههههههه والله سوالف عليج
يمامه : الكل ضحك على سوالفها اخذها حامد وباس راسها وكلها هاي بنيتج اليوم عروس افرحي ولاتفكرين بشى
احلام : چا شنهي يبن عمي اليوم انه فرحانه وطايره وماافكرن بشى
حامد : عساج دوم
احلام : عساك دايم فوك راسنا يبعد بيتي
يمامه : جان يباوع عليه وشاف الكل تباوع نسوان عمومتهم وخوالهم كام وجرني كدامهم وكال وام علاوي الغاليه يوم مانفرح بعلاوي وباس راسي دمعت حسيته رفع راسي كدام كل النسوان لان الكل جانو واكفين وفاتحين حلكهم يترقبون شيصير
كتله بوجودك ياتاج راسي ابتسم وكال يله بويه توكلو
يمامه : اوف ضحكته ميته عليها شوكت يحن گلبك وترجع لطيرتك

وجان نشوف عمتي تهوس بلباب ومبقت لاشكر ولا تمن مذبته فوك راسهم الحصه التموينيه كلها وتتعوذ وتقرا ايات
صعدنا بالسيارات حامد بقى مراح لان العروس بنته صاحني وصعدني بسيارته يسوقها حسان وكعدت ليوره لان الحجيه دكت رجل اله تروح للزفه يابه تعبانه ماكو اروحن واني واحلام وايه ليوره لان جلبت بينا مقبلت تروح ويه منير وحامد من شافها ترجف كال لمنير تروح ويه حسان ومنير وسكت اخذ عمته فضيله وبشرى وهمسه
أيه : مشفنا ابراهيم محظر الزفه افترو بالمركز (داخل العماره) واخذولهم صور وزفوهم للفندق ورجعنا اول مدخلنا رحت لغرفه ودق شفتها غاطه بالنوم اعرف نومج هروب من الواقع ياودق طلعت من غرفتها من التعب الكل نام

انخلعت افرج بزندي واحجي هسه انت صحتني حتى ترزلني
حامد : كضي بتج
يمامه : منو
حامد : ايه شفتها ويه ابراهيم بره ولو شايفها رجلها چان صارت دمايه بين الولد انه مراح احجي وياها بس مره ثانيه اذا طلعت عيبه منها ماارحمها
يمامه : انت تعرف ايه فقيره ومتسوي شى غلط
حامد : بنتج مامقتنعه هسه هيه على ذمه رجال ومايصير توكف ويه اي واحد اذا شافتها الوادم شتكول شنهي نست نفسها واذا نست انتي امها ذكريها لو هم هذا حامد وماتهتمين اله

يمامه : تقربت منه واني ميته عليه واشوفه شون عصبي وكتله بهدوء شعندي غير حامد غير هو نظر عيني باوع صفح عليه
حامد : ميلي مني اريدن اروح للوادم
يمامه : تقربت اكثر عليه وبيني وبينه اصابع معدوده وحسيته بلع ريكه وكوه يباوع ويدير ًوجهه
حامد : يمامه ميلي مني واسمعي الچلمه
يمامه : مااوخر بس احجي وياك دقيقه والله مااخرك
حامد : خير فضيني
يمامه : رفعت ايدي وحطيتهم داير مداير رگبته وهو ضل يبلعم جسمه اتشنچ واحجي بهدوء كتله مشتاقيت ليمامتك شون تغمض عينك بلياها
حامد : يمامتي ماتحترم وماتجر عدل وانه بعد مااريدنها
يمامه : انت تاج راسي وحبيبي ولو تعرف شكد تعبانه بلياك حامد ارجع لحضني الليل مداانامه كافي قسوتك دمرتني والله مااعرف شون اراضيك ولا توقعت هيج تسوي بيه
حامد : هااا شتوقعتي احضنج واكلج عااشت يدج ماقصرتي

يمامه : شون اكفر عن ذنبي وروح ابويه وداعت علاوي مااضم شى عليك بعد انت متعرف شكد احبك وشكد متأذيه لان زعلان مني فدوه بداعت طيرتك سامحني نسيت اني منو حبيبتك طيرتك يمامه
حامد : گلشي سويته بجفه وهاي بجفه انه اعطيتچ عذر قبل عبن ماتحبيني هسه شعطيج ياعذر وانتي مريتي وتحبيني وام ابني
يمامه : شفت يعني تعرف بيه احبك حامد سامحني وبديت ابوس بخده وهو ساح
حامد : حمرتج راح تصير بخدي امسحيها
يمامه : مرتك وباستك شكو بيها
حامد : چا خوش والوادم تضحك علي
يمامه : ينكص لسانه الي يضحك على شيخ حامد وشيخ گلبي هم
حامد : انتي ملاحظه لسانج صاير تغزل
يمامه : اذا بحبيبي ونظر عيني مااتغزل بيمن اتغزل
حامد : انه گلبي ماصافي منج مااكدر
يمامه : انطيني فرصه فدوه
حامد : چا كضيت عمري كله انطيج فرصه لو مدرسه چا هسه خرجت ٢٠ جيل
يمامه : ههههههههه
حامد : حسج ضحكتج عاليه
يمامه : تغار عليه مو
حامد : طركاعه على راسج لاتدلعين ولي مني
يمامه : همست باذنه مشتاقتلك موت ياروح يمامه وحسيته رخه بس الحظ اندك الباب جان يوخرني منه وعدل ملابسه
حامد : ادخل
ودق : عمو يصيحون عليك
حامد : اي يبعد عمج طالع
وجان يطلع ركض
ودق : بيج شى ماما
يمامه : اوف تعبت شون اراضي عمج
ودق : يرضى يوم هو يحبج كله مده ويرجع لعشه لتخافين
يمامه : اخوج وين
ودق : يكمز ويلم چكليت وبيبي كل شويه تعيط عليه تريده يروح للديوان ويه الرياجيل كوه تريد تسوي شيخ وهو طفل

يمامه : عادي ماما خطيه تحبه وتنتظر دقيقه دقيقه يكبر يله امشي نطلع وصيحي اختج ايه وكوليلها لتطلع عمها زعلان عليها
ودق : ماشي
أيه : خلص اليوم جان طويل ومتعب بس مفرح اني القلق اكلني وبابا حامد ضاج مني وماما رزلتني طلعت الحفله من خشمي بس من اصفن واتذكر شكل ابراهيم ابتسم وگلبي يدك سريع ويروح الزعل كله مني
الي عرفته عمه فضيله كتلت روحها حتى تشوف ابراهيم وهو مقبل يشوفها وطول الحفله تباوع عليه تريد تكطعني فوك ماهي الي اذتني توسلت جنه ابات يمها مقبلت لان خفت من منير لان جاي اخاف يسوي شى كولشي اتوقع منه

نمنا والتعب اكلنا اكل وصبح اليوم الي تنتظره جنه من سنين والفرحه تنط من عيونها واجتي جوارينهم تزينها بدت بالمكياج جنت واكفه كتلها عفيه لاهوايه شو هاي كالت هو اكو احلى من المكياج الهواي للعروس چا ليش سموها عروس
جنه : مثل مكالت ايه ام جاسم فدوه لا مكياج هوايه
ام جاسم : چا شون وانتي عروس
أيه : ليش هيه العروس لازم كيلوات مكياج وتطلع قرقوز يله تعجب
ام جاسم : شنهي هذا قرقريز
أيه : اسمه قرقوز يعني مهرج واحد كله الوان هيج شى
جنه : ام جاسم اسمعي كلام ايه اريد مكياج قليل
ام جاسم : انه مالي شغل اذا حبوبتج صرخت
جنه : جده عليه ولا همج
أيه : وبدت تخلي وكل متحط اكولها اقل او مسحي لحد مكملت بقت شويه وتكمشني ام جاسم وبلعوده تكطعني بس شنو طلعت جنه تخبل كولش نازكه
ام جاسم : طلعتي حليوه بس لو حمره بعد تطلع گمر
أيه : لا كافي شنو شبع هيج احلى
جنه : شوني
أيه : العيد وهلاله تخبلين
جنه : صكد لو تقشمرين عليه يعني راح اعجب مازن
أيه : ولج اكو واحد يتشاقه بهيج يوم والنبي تخبلين شون متعجبي كل هذا الجمال وميعجبه
جنه : فدوه لگلبج يوم ماازفج بيدي
أيه : الله كريم يله اروح اكمل تبديل تأخرت من وراج ركضت للبيت ولبست بنطرون وستره طويله ولبست حجاب اخذته من ماما رهمته ويه الملابس باوعت والله الحجاب يخبل عليه بشمرته الجديده لبسته بطريقة مرتبه ولاشعرايه طالعه تمنيت يشوفني هيج اوووف استغفر الله لازم ماافكر هيج حرام عليه بس والله مو بيدي نزلت

ابراهيم : تبقين بعيوني احلاهن وصايره الكمر يخجل يشبه بيج اووووف يانار گلبي چا انتي تحلوين حتى تأذيني
أيه : بيدي ياابراهيم مكعد تشوف كدامك
ابراهيم : انه صحتج حتى بس اسألج ليش منير راد يضربج
أيه : لان مقبلت يلمسني
ابراهيم : كليلي شون شسوي اخذج وانهبچ الوادم تاكل وجوه ابوي حامد گليلي شون انه تعبان وبيه صرخه تصعد لربج
أيه : نزلت دمعتي اني هم تعبانه والله
ابراهيم : ايه انه مااكدر اعيش وانتي بحضن غيري اموت وحگ الحسين
أيه : اسم الله عليك
ابراهيم : شكد حاولت ابتعد مااكدر انه مااريدن اخون الخوه بس انتي مالتي حقي ومااكدر امنع نفسي عنج

أيه : روح ابراهيم تره اذا شافنا احد هيج تنگلب القيامه
ابراهيم : مستعد اصيح كدام كله الديره واكولن هاي بنيتي مالتي ثمرتي حگ تعب السنين الله مايقبل بالظلم ليش انه انظلم

أيه : كلشي بيد رب العالمين روح هسه فدوه ليجي احد
ابراهيم : ايه انتبهي على نفسج وادرسي زين اريدن اشوفج ناجحه وشاطره
أيه : لتخاف عليه دااقرا وشاطره صفن عليه وكال
اريدن منج تلبسين الحجاب وماتنزعي
أيه : اني من اطلع للمدرسه او مكان ويه احد البس بابا حامد ميقبل بدون ربطه

ابراهيم : بس بلبيت وهنا بيت جدي وكدام الكل مفرعه وتمشين
أيه : لان ممحجبه رسمي البسه لان ميقبلون وحده مفرعه وشفت ودق كم مشكله سوت علمود هيج ولحد الان بس اني مااحب المشاكل كمت اشمر الشال على راسي حتى لحد يحجي
ابراهيم : انه اريدنه رسمي هذا شعرج حرام الوادم تشوفه اريدن ولا شعره منج تطلع ماتحمل بشر يشوف ظلج
أيه : اوووف مااشي بس واذا تزوجت شون
ابراهيم : اسكتي تره بس تطلع من حلگج احسها چيله (طلقه) وتزرف گلبي
أيه : اسم الله
ابراهيم : ايه
لو شمايصير خلي شى بالج انه احبنج لحد كطع النفس
واذا ربج اخذ امانته بيوم حتى وانه عنده احبنچ
أيه : فدوه لتكول هيج وجان نسمع صوت بابا حامد
حامد : ابراهيم شعندك هنا
اني ركضت جوه والخوف اكل گلبي
ابراهيم : هاا يابه
حامد : هاي المرجيه منك وليدي چا نسيت نفسك ونسيت هاي البت مرت ابن خالك
ابراهيم : يابه انه
حامد : شنهي لك انت العيبه ماتطلع منك تسودنت
ابراهيم : موبيدي وحگ أبو فاضل موبيدي من شفتها اعضاي كلها تختض واريدن اوكف مااكدر بويه انه مسودن بيها شفتها ويه منير وعقل ماظل براسي

حامد : لا انت موعاقل شنهي الجرالك جن السجن بدل اخلاقك وصارت العيبه عندك حلال چا هاي الاصول ياوليدي انه كتلك البت تحرمت عليك وتوقعت عقلت
ابراهيم : ليش هو العاشگ عاقل يايابه ليش الي يشوف حبيبته ويه غيره يصبر يركز يكدر مايرجف يشوف تعب السنين راح بسهوله منه لحضن غيره يكدر يصبر انه اي مو عاقل تسودنت

حامد : لا اله الا الله تعال وليدي وياي انه اعرفنك سبع وماتغلط انه جنت واكف ويه الوادم واجه ابن عمك سأل عليك ومالكاك عرفت دخلت البيت وانه موصي الكل محد يدخل عبن النسوان ماخذه راحتها عرفت دخلت عليها ليش هيچ تكسر چلمتي
ابراهيم : وروح ابوي مو قصدي انه عيني على منير وشفته دخل ظليت احومي تأخر ماتحملت عرفت دخل عليها ودخلت وشفته لازمها من شعرها وانه تسودنت ولوما عمه يمامه تدخل واله جان دميته
حامد : ولك بياحگ ادميه هذا زلمتها
ابراهيم : مايمد ايده عليها يابه ماتحمل
حامد : لك شون بيك گلي
ابراهيم : مااعرف اكتلني واخلص والله يبرد راسك

حامد :چا شون اكتل وليدي
ابراهيم : يابه انه اريدن اطوع لان اذا اضل هنا اتسودن وحگ هو علي اكتلها گلها ويصير بحر دم ماتحمل هو جارها
حامد : وامك
ابراهيم : ماعليها شى هيه يمك وانه مأمن عليها واليوم ولد عمي راد بشرى اختي بعد اذنك يابه نزوجها اله خوش زلمه حوك واخو خيته وطيب وهاي انه امنت على اختي وامي جارك وجار حبوبه وعايشه بخيركم
حامد : امشي نروح للوادم كلها چايه ونسولف بعدين
هااا روح گبلي وانه جاي وراك
ابراهيم : يابه بروح جدي لاتسويلها شى انه ندهت عليها
حامد : انتم يرادلكم حشك روسكم حش هاي اخر مره اسمح بيها لاتجاوز على حرمه ولد خالك تره اغضب عليك ابراهيم انه ماارضى بالحال الاعوج
ابراهيم : حاظر يابه اخر مره بس لاتحجي وياها
حامد : يله ولي منا ولاتدخل بعد للبيت

يمامه : اجت بشرى وتكول عمو حامد يريدج عمه بغرفه عمه فضيله واني انتهيت صار اسبوعين مشايفته صح هجرني اكثر من شهر بس اخر شى شفته قبل اسبوعين وميته شوق عليه رحت امشي سريع ودخلت شفته يحرك بلسبحه والنار تطلع من عيونه ياستار وكفت كدامه شو هذا فتح عينه وكصني كص من فوك ليجوه وجان حيل يلزمني من ايدي من فوك وجرني بقوه ويحجي بأعصاب
حامد : هاي هيج طلعتي چدام منير وابراهيم
يمامه : اي بس والله حاطه شال على جتفي وعلى راسي
حامد : لا كلفتي نفسچ جان طلعتي هيج
يمامه : حامد ايدي راح تنخلع بيدك على كيفك عوفني فدوه
حامد : اسمعي لچ وحگ من سماچ يمامه ادفنچ بمجانچ اذا اشوفنچ هيچ طالعه چدام احد حتى لو ولدنا افتهمتي
يمامه : اي افتهمت والله بس عوفني جان يهد ايدي حيل لو باقيه دقيقه ثانيه جان

الحجية جميله: تعالي ابوسنج ولي ليهن ولا تحجين كدامهن
ودق : باستني بيبي مااعرف ليش كمت حيل احبها مره تركيبتها عجيبه مره قويه مره ظالمه مره حقانيه مره حبابه وطيبه بس الي عرفته وتأكدت منه هي كولش تحبنا وهذا اهم شى

أيه : اليوم حنه مازن وجنه الكل يركص ويهلهل وفرحانه بره بلحديقة وبلبستان الدنيا مكلوبه حنه الولد العماره يمكن كلها حاظره والطلق موكف وداخل البيت مليان نسوان وجهال تكمز وبنات يركصون واباوع على جنه بدلتها النفخ الماروني جانت طالعه كولش حلوه وشعرها مفتوح على طوله ومشسوري الها وبس مفتوح مسوت تسريحه وهاي جانت اول مره جنه تشسوره دوم كصيبتها وتفتر ثخين وتمري لون مصبغته عبالك عبايه ماشاء الله زادها جمال
احسها گلبها راح يطلع من الفرحه

اني جنت لابسه فستان لونه فضي ربع ردن مقسم على جسمي لان الحفله بس نسوان محد يطب وشعري فتحته جان سرح وطويل واصل لنهايه ظهري وحطيت بس كحله ومسكارا ماما متقبل مكياج هوايه تكول تخرب معاني وجهج لان وجهي طفولي ونازك الكحله ويه لون عيوني خلت الكل صافن عليه امشي وبيبي جميله تقرا المعوذات واني اضحك واكولها بيبي مو لهاي الدرجه طالعه حلوه
الحجية جميله: ياا يمه غير فلعه الگمر عين إٱللـِْﷻـِْﮭﮧ عليج
بديت اقدم ويه البنات الحفله حلوه وفرحانه لجنه دخلت ودق جانت لابسه قاط رسمي ستره قصيره وبنطرون لونهم اسود والقميص وردي مطفي جانت راقيه حيل ومبينه دكتوره تمشي ومامهتمه لأي احد والابتسامه على وجهه
اما ماما جانت عريفة الحفل فدوه لگلبها طالعه كيكه رغم عمرها ٣٨ سنه بس الي يشوفها يكول ٢٨ سنه لابسه فستان طويل كيبور لونه زيتوني بلون عيونها وحاطه مكياج برونزي طالعه احلى وحده وتمشي بهيبه صدوك مرت الشيخ وهواي ناس مشايفتها اليوم الكل يسأل وين مرت الشيخ حامد الثانيه ومن يعرفون يضلون فاكين حلكهم
رغم كل االفرح بس بعيونها تعب وحزن ادور على حبيبها الي طال بعده عنها مجانت متوقعه هيج گلبه قاسي ويكدر يكون بعيد عنها ويتحمل طيرته وينام بلياها ويعيش شهر كامل بدون حتى ميباوع بوجهه جانت اقسى عقوبه ماما تتعرض الها

قدمت الحلويات اجتني عمه احلام
احلام : يمه ايه اركضي جيبي شربت لبيت ام جبار هسه اجوي
أيه : حاظر عمه رحت اجيب ولكيت منير بالمطبخ
منير : هَــْـِْـْْـِلاّ بمرتي هاي شنو ولج شطالعه
أيه : ارتبكت مردت يشوفني هيج هلو منير من رخصتك وجان يلزمني من ايدي
منير : اوكفي اوكفي وين انهزمتي هذا الحسن والجمال كله اليه
أيه : عوفني منير رجاءاً
منير : من يوم العقد مشفتج واكو وحده صار شهر مشايفه رجلها ومن تشوفه تتهزم منه
أيه : كتلك عوفني كعد يصيحوني
منير : انتي ليش تكرهيني
أيه : مااكرهك بس عوفني وجان يسحبني حيل اله واني رجفت
منير : انتي مرتي وحلالي واكدر حتى اتقرب منج بس عايفج على هواج مااريد اجبرج على شى
أيه : دفعته حيل وكتله اياك تلزمني
منير : لج شبيج تخبلتي نسيتي اني رجلج
أيه : لا اكو واحد ينسى نكبه حياته
منير : طايحه الحظ هاي منو النكبه انتي مبينه مو مال احترام اله واحد يطيح حظج يله تجرين عدل وجان يجرني من شعري ااااخ عوفني وجان يطب ابراهيم هو شافنه هيج لو صار نار
ابراهيم : عوفها شبيك تخبلت
منير : وانت شعليك
ابراهيم : غير بت خالي
منير : وهيه زوجتي لو نسيت
أيه : احس ابراهيم لو بيده سلاح يمكن يفرغ الطلقات كلها براس منير ويباوع عليه واني بعيوني اشر يعني اسكت دخيلك
يمامه : خير شصاير هنا
عافني منير ركضت على ماما
منير : لاعمه ماكو شى سلامتج
يمامه : شونك منير الْحٍمَدٍ للـّہ على سلامتك
منير : هلو عمه شونج
يمامه : الْحٍمَدٍ للـّہ شونك ابراهيم عاش من شافك
ابراهيم : وانتي العايشه عمه
يمامه : شبيج ماما وليش تأخرتي عمتج مو دزتج على الشربت
أيه : هاااا مو جنت اسلم على الولد
يمامه : يله كدامي كعد يسألون عليج من رخصتكم
ابراهيم : ومنير تفضلي عمه مرخوصه
أيه : طلعت اركض وبعيوني الدمعه ماما اشرت اليه يعني لتحسسين احد جان وضعي صعب صار شكد مشايفه ابراهيم ومنا ازعاجات منير
جان تجي همسه تركض
هاا ولج شبيج شاورتني ابراهيم يريدج بالممر الوره
أيه : بطني مغصتني وخفت بس ردت اعرف شبيه اخذت شال جان محطوط على الدرج سحبته وحطيته على ايدي وطلعت لكيته يروح ويجي من وره موقف التعبان الي صار مركزت بيه بس هسه شفته زين جان لابس دشداشه ورابط العگال مثل الخليج شون الزي الخليجي ومزين اللحيه خفيفه والسبحه بيده وساعه ومحبس شذرته لونها غريب وعطره هادئ طالع يخبل ضليت صافنه باوع عليه بقينا ساكتين وكأن كل واحد بينا يريد يحفظ شكل الثاني

ابراهيم : تدرين جنت موجر واريدن احرك الدنيا على راس منير لو ما امج دخلت
أيه : دنجت والدمعه بعيني
ابراهيم : تدرين من يوم طلعتي وانه ماركزت بشكلچ جانت دوم المواقف تجمعنا سوده مصخمه
أيه : وهسه
ابراهيم : من جنتي صغيره وانه اكول بطتي دومج بعيني احلى البنات لان انتي اصلاً احلى البنات
أيه : بس هسه ضعفت وتغيرت

أيه : ههههههه يله گلبي وامسحي عيونج يااحلى عروسه

أيه : جان الكل يركص وفرحان واني هم حاولت انسى شويه من كل الي مريت بيه وبيومها البيت كله انكلب حفافه وتجهيز العروس وشكو وحده موجوده اتندرن يردن يصير مثلها وحدتهن صارلهن سنه مامنظفات نفسهن وهسه اتذكرن ويه جنه البيت يخرب ضحك كلها بنات ونسوان ناس تنظف لناس وياه الردح وماتخلى عمه احلام من هوساتها وهلاهلها وتمشي وتهوس وتصفك وتكول
عمامه وانطوه مره والشامت يرجع ليوره
والكل يهلهل جانت فرحه جبيره للكل عدا وحده كاعده على صفحه وساكته وهي اختي ودق الي لحد الان مستغربه تصرفها ندمانه حايره تعبانه اكيد مشاعرها مضطربه مرات من نفقد الشى يله نعرف قيمته واعتقد ودق اليوم عرفت قيمه مازن بس مع الاسف متأخر

الحجية جميله: دهر صابچن نسوان كلهن وصخ
احلام : تعاي عمه احفلچ وجهج
الحجية جميله: چا انه مثلچن جنچن صخول وحدتها مليانه شعر غدي
أيه : عوفو بيبيتي تخبل احلى منكم كلكم
الحجية جميله: يبعد رويحتي چا انه ليش احبنچ عبن لسانچ هذا العسل موش مثل ناس گل همهم مسعده
ودق : انتبهت البسمار اليه وتباوع عليه وتحجي شكد جنت ضايجه ضحكت
هيه وينها مسعده حبيبتج جيبيها خلي يسولها شيره يحفولها تطلع عروس
الحجية جميله: انتي عوفي مسعده بحالها وحيري برويحتچ صايره چنچ عتوي منتول بتيل كهربا منكع ماي

ودق : ههههههههه والله وصف بشده بيبي ليش شوفيني وكمت افتر اخبل هو اكو احلى من الرشاقه
الحجية جميله: چا هاي موش رشاقه هاي عوده مال مطيرجيه لو عبيس هنا چا اخذج يهش بيج الحلال (الحيوانات) تفيديه طويله ومعصعصه
أيه : ههههههههه اتخيل عباس المخبل لازمج ويهش بيج والله شكلج يخبل
ودق : ولج ايه اني الج تضحكين عليه
أيه : ههههههههه بيبي والله عااشت ايدج دومج تنطيها بالوجه
يمامه : ولجن عيب منا النسوان شبيجن
الحجية جميله: عوفيهن چا غير يتسامرن ويه حبوبتهن
يمامه : بس صوتهن عالي عمه
الحجية جميله: عيفيهن ولي لشغيلاتج تعالن ليه
أيه : وكعدنا وحده يمنه والثانيه يسره وجان تكول بيبي
أگلجن
ودق : كولي بيبي
الحجية جميله: وجهي يحتاجله خيط
أيه : والله تخبلين بيبي احلى حتى من جنه
جنه : هااا ولج
الحجية جميله: يلغمه انه احلى منچ هم الج حس ويطلع
جنه : لا بيبي والله احلى مني عزه شراح يخلصني
الحجية جميله: انه الشيخ راضي چان يكول الديره گلها تروح فدوه لحجولچ عبن اخبل وجني فلعه الكمر بس عيوني من احطلهن ديرم تسواچن گلجن
ودق : يجوز جدو عنده ضعف بعينه هههههه متشوفين مطول ومات من وكت
الحجية جميله: انهجم راسچ يم لسان الطويل وجرت شعرها حيل

ودق : ااااخ بيبي واالله تخبلين بس عوفي شعري
أيه : حيل بيبي والله بس انتي دواها هههههه
الحجية جميله: انه ليها هاي العكربه يمه ايه كومي جيبيلي ماي ولا وحده من المسودنات نشدتني على دواي اريدن اشربه
ودق : اني اكوم اجيبلج
الحجية جميله: انتي كعدي احد صخم وجهج ودزاج
ودق : هههههههه كعدت

كامت ايه وبيبي شاورتني تعالي ورايه رحت للغرفه وياها ياترى شتريد مني كعدتني بصفها وسدت الباب خير بيبي خوفتيني
الحجية جميله: شوفي يمه انه اعرفن خلچ ضاك وتفكرين
ودق : على شنو مفهمت
الحجية جميله: يمه ان فاتك الزاد كول هني وكلشي بالقسمه
ودق : قصدج على مازن لا بيبي غلطانه مضايجه ولا اي شى بالعكس الله يسعدهم
الحجية جميله: باعي ليه حطي عيونج بعيوني
ودق : اني هيج كالت لو دموعي من وحدهن نزلن جان تحضني حيل
الحجية جميله: انه اعرفنج من عيونج لاتنقهرين يمه الوليد رادچ وانتي تسودنتي وماردتيه
ودق : اعرف والله بس مااعرف شبيه ليش ابجي ومقهوره
الحجية جميله: هاي احنا النسوان مدوهنات نريد گلشي واي شى يروح منا مانرضى حتى لو مانريده بس كون چدامنه وانتي يبعد بيتي تريدين الوليد جارج ومايتقربلج مايصير مازن مو من قسمتج وربج يكتبلچ الخير يمه بس حطي عينج بعينه وتمني لخيتج جنه الخير حتى ربج يبارك بزواجهم
ودق : كمت ابجي بقوه قابل بشنو راح اضرهم
الحجية جميله: يمه النفس وماتميل والنفس مرات اماره بالسوء انه اريدن نفسج طيبه ولاتضل وره البت والوليد حتى يتهنون ودوم كولي انه الردت هيج يصير ومستعده گلشي اسوي حتى لااخسر اريدنج كويه مثل ماجنتي بكد فصمه التمره وتوكفين بوجهي وادافعين عن امج البومه اريدن بنيتي حزام ظهر لخياتها واخوها وجنه اخيتج افرحيلها يمه وكولشي قسمه
ودق : مسحت دموعي هذا هو بيبي لتخافين مابيه شى بست ايدها وكتلها شون عرفتي
الحجية جميله: انه جميله الطير الطاير ارعفنه چا هذا الشيب منين يمه غير من الضيم ومن الي شفته بحياتي

ودق : بست راسها والله يابيبي الي ميعرفج ميثمنچ
الحجية جميله: اعرفن انتي تكرهيني عبن كل الصار بس يايمه بعدج حديثه من تكبير راح تعرفين الام شسوي لوليداتها
ودق : هاااا حديثه لعد مو تكولين معنسه
الحجية جميله: هههههه يمه يمه منچ ماتنكدرين
ودق : جميله الصغيره وعندج الحساب