_ لا تزعّل امك
_ لا تعاتب حدا وأنت بتعرف إنه ردة الفعل متل قطعة تلج، تجنّب الخيبة مُسبقاً
_ دموعك وفّرها، مش ضروري عيونك تضل عم تمطر، حاول تغري الربيع ليبقى مدة أطول
_ لما تتجاوز المطب الأول بطريقك وتلاقي التاني يلي ناطرك أكبر منو غيّر وجهتك فوراً، حتماً في غلط
_ لا تزعّل امك
_ الحزن يلي ممكن يكبلك ويوقفك عن تحقيق حلمك، لا تعاندوا، حبّو، وعيشو، ورح تشوف انه رح يروح لحالو
_ لما يتغير عليك شخص ما، سواء حبيب أو رفيق، لا تحكم عليه فوراً، أعطيه وقت بس مش كتير، إذا ما رجعلك، انت تخلّى عنو
_ بعمرك ما تكره حالك لأنه قلبك طيّب، ولا تنعتوا بالغباء، قلبك مش غبي إنما الدنيا غابة
_لا تزعّل امك
_ الغصة اللي بتصيبك فجأة لا تكبتها أبداً، عيشها لكن بوقت انت حدّدوا، بعدين غمض عيونك واتنفّس بعمق، ومع الزفير رح بتلاقيها طلعت معو
_ لا تفقد أملك مهما توالت عليك الصعوبات، ولا تسمح لليأس يحاوطك، الحياة واسعة كتير، وتذكر إنه مرقت بأوقات صعبة، وتخطّيتها، أنت قوي وقادر على كل شي
_ الأشخاص اللي بيختفوا من حياتك انت ما خسرتهم، هنن بالأساس مش إلك، وانت مش إلهم، الحقيقيين ما بيبعدوا.
_ لا تزعّل امك
❄️
