?منبر خدام الزهراء(ع)?

🌲🌷🌲قصيدة ذاكه شعبان 🌲🌷🌲
🍀🍀🍀🍀🍀🍀🍀🍀🍀🍀🍀🍀🍀
خلگ عاشگ وانه شايل جرحي غار…
الطيف لمن يوگع بعينك نهار***
بذاكه شعبان الزرع بعيوني خير…
هسه أزورن بالصور مثل المزار***
أمس چنهم ورد وشموع وبخور…
وسالفت شيخ وگليط أوگلبه حار***
أبمولد حسين شكثر شالو حياة…
وأله راحور ما يحبون أنتظار***
هسه مولدهم دمع بس مايطيح…
الحرز من يوگع يبچي البي خظار***
هسه همه شيوخ گعدو يم حبيب…
وعابس وجون السماره الظل وقار***
واحنه نذكرهم لحد مابينه وين…
لحد ما وجهّ الحچي أيشيب صفار *
سافرو چان الختم فتوة جهاد…
وصرنه فوگ أصدورنه أنحطهم شعار*
أشمايمرنه اليل نذكرهم نعيش…
والكرامه التنولد تبني القرار***
°^°^°^°^°^°^°^°^°^°^°^°^°^°^°^°^°^°^°^°^°^°^
خادم أهل البيت.. ع..
أبوحسين السرگودي…🕊🕊🕊

لمن نورك بزغ أشرق وهلت
الزجيه بمولدك فرحت وهلت
دموع من الفرح صبت وهلت
لأنك من نسل حامي الحميه
.........
فرح طه النبي بجيتك هلاهل
وسمعنه بدار فاطمته هلاهل
عطر من الحسن هله هلاهل
انفتح باب الكرم باب العطيه
........
كـرم طه النبي بمولد حفيده
اخذ جبريل مـن ايده حفيده
الـكرم هليله للطـالب حفيده
من جيس الحسن يأخذ هديه
........

سيئة الدنية بس حبك حسنها
الجنان ابتشرت وبين حسنها
الزجية تلألأت ولدت حسنها
وخصه بهل اسم رب البرية
........
مصدر كـل كرم جفك والإحسان
حسنك ما اضن مثله والإحسان
نحن الشوفتك تدري والإحسان
زحف مولاي نمشي عله ألمنيه
..........
إلـف طير أبمحبتك حط والفطار
ثواب الصوم إلك اهدي والفطار
وعلى فراكك تره بكلبي والفطار
يبو محـمد ملكت الروح بيه
..........
الحشد شارة محـمد من حشدها
واسأل عن حـشدها من حشدها
المهدي الراية بيده من حشدها
ويـريـد يعـجـل الطلـعة البهيـة
........
الحـيـاة أبغيـره مـا لازم نعشها
أبو صالح دوه جروحي نعشها
وحـك الـزهرة والشايل نعشها
إلك منـذور كـل عمري هديه
.......
وحق خيرات ربنه ولقسمها
تهني الجنة فاطم ولقسمها
لبو محمد فرحنه ولقسمها
ونهني زينب بهاي المسيه
.........
برق نور بسمه الباري ونرجس
ورد جـوري إلك اهـدي ونرجس
البتـول اللـيلة فـرحانة ونرجس
عـليك بنرجس أمك حـن عليه
.........
وحشة الدنيا من غيرك وفلها
وتغيب إحزاني أبنورك وفلها
عكـدت أبرايتـك روحي وفلها
واخذ روحي إلك مني هديه
........
حبيب حسين يالاكبر وجداه
شبيها وشبه والدته وجداه
أدور بالعـشك كلبي وجداه
شجاعة عاطفة كلك حميه
.........
يوارث علم جدك من جمالك
جمال الجنة تأخذ من جمالك
كنوز الدنية كلها من جمالك
تصدق سيدي بنضرة عليه
.........
دموعي عليك تجري من شفتها
جـروحي بغير ايدك من شفتها
شحـالك عمتك انته من شفتها
تلـوذ بلا خـدر بنت الزجـيه
.........
وحشة الـدنية من غيرك وغيبه
حملنهه الهضم بفراكـك وغيبه
عليك شكد حجي سمعنه وغيبه
شوكت تظهر يبن سيد البريه
...........
أبغيابك تدري بروحي شمسها
أمس واليوم لو باجر شمسها
ليالي أجفاك منتضرة شمسها
تظهر والـنهار أنشوف ضيه
.........
اذا دهرك شفـت ضرك والكساء
ابذنـوبك لا غـسل ينفع والكساء
الزيارة الجامعة اقراها والكساء
خمس انوار تشفعلك سويه
.........
ألك بحر العلم يسجد والأكبر
وإلك نور الله الأكبر والأكبر
وإلك سجاد عبد الله والأكبر
بجماله ماخـلق رب البريه
.........
فجر نورك بزغ كون فجرها
وينابيع الـشهد حبـك فجرها
إلك محتاج أمد أيدي فجرها
كريم انته وإلك مديت أديه
........
منو مثـلك يخـو زينـب وفلها
أوف عـليك من تـوفي وفلها
عـكـدت برايتـك حاجة وفلها
عـليك أبزينـب اكضيها إليه
.........
خـلـكي بمـولـدك ضايج وسفـها
جـربتك نحتـت بروحـي وسفها
يعبـاس ألمـسل بـيـدك وسفـها
ابجـفـوفك اكضي الحاجة إليه
........
انه غـلامك إمامي من عبيدك
فقري بجاه زيـنب من عبيدك
منو الكطع جفوفك من عبيدك
يبو فاضل بجت ليك الزجيه
.......
جيوش الكفر تسكت بس بستها
بسم زينـب شفـاهك بس بستها
وروت منك سكـينه بس بستها
وبسمك تروه من تعطش رقيه
........
نهـني أم الـولـد ولـدت ولدها
الزجية الطـاهرة وطه ولدها
شفيـعة بالحـشر باجر ولدها
الـيأذيهـا يـأذي الله ونبـيه
......
ثغر يزهر ورد ويفوح بسماك
حاء وسين ياء ونون بسماك
يتيه الكـون كله يحير بسماك
أنولد نورك يبن سيد البريه
.........
بحروف اسمـك بشر الله حياها
وتطـوف بمرقـدك جـدك حياها
صلاة أنت فرض واجب حياها
يبو السجـاد يـا والـد رقيه
.......
خبر نورك بزغ يزهر وردها
فـرح عم الأرض لمن وردها
وروحي طلـعت بحبك وردها
تموت وذكـرك اليحيها إليه
........
اللهي أحفظ لساني بيوم زلته
عسل ذكـرك زلال شطعم زلته
وحـزني بـمولد الـسجاد زلته
الفرح كبله ابد ما مر عليه
...........
بذكر المحـب مني الكلب فرحان
الجـنان بمـولـد العـباس فرحان
أبيوم الفرح حتى الحزن فرحان
وجهـنم عطلـت هـاي الـمـسيه
.........
هلا بشعبان إلف وإلف هل هل
بـي أعـظم ولادة الكـمر هل هل
لسـاني بسمه بالأفـراح هل هل
صلى على النبي وبنته الزجيه
.........
بزغ نور الكمر من هل وشعبان
وفرح رمضان بقدومه وشعبان
افتخر شعبه أبو طالب وشعبان
وعطر منها الملائك نور ضيه
...........
الارض حنت محاسنها وجفها
وعـليها الفـرح نازلها وجفها
الإله برحمته اغمرها وجفها
أنولد بيها الإمام أعظم هديه
............
علي بسوح الوغى فارس بطلها
الوصي حيدر عـلي غيـرة بطلها
الدسائس والشرك بالحق بطلها
عـلي حـيدر يضل حامي الحمية
.........
يروحي ابتشري للزهرة وفرحي
علينه الغـوث من ينزل وفر حي
السعادة الليلة تغـمرني وفر حي
عـلى حب النبي وأمه الزجيه
...........
الشاعر
اياد الفرح التميمي

شنهو الكمر بالنسبة إلك مولانة
أنت شمس لا مو شمس بسمانة
أنت محمد أنت محمد
..........
بس الله يعـلم بـيـك وبمـقـدورك
منـور سمانه والأرض أبنـورك
وجـبريـل يـومية يجـيك يزورك
كلها الجـنان أتعطرت بعـطورك
تتـنـفـسك تشتم عبـير زهـورك
أنت محمد أنت محمد
........
محد يعرفك بس علي والخالق
انته كلام الباري وانته الناطق
انته الكريم العـفو انته الرازق
انته العـزيز القادر انته الفالق
انته العـشق لله وأنته العـاشق
أنت محمد أنت محمد
.........
انته النـبي المصطفى والخاتم
وانته العـليم أبو العلم والعـالم
انته الرؤوف وبالخلائق حاكم
انته الرحـيم وبيـك ربـك راحم
وانته محـمـد أوعـلي والـقـائم
أنت محمد أنت محمد
........
يا قـدرة الله ورحمته ألمعروفه
الكعـبة صلت عالنبي وتطـوفه
الحروف كلها سبحـت بحروفه
وجم عين تتمنه وتريد تشـوفه
سهـرانه ليله ما غفت بطيوفه
أنت محمد أنت محمد
.......
البـاري رتـل بالـعـرش قـرانه
أبمولـدك جـن وانس فرحـانه
جبريل رفت بالعـشق جنحانه
الحـزن لجـلك تبتـشر إحـزانه
اسمك يرسمه الـنجـم بسمانه
أنت محمد أنت محمد
..........
الشاعر
أياد الفرح التميمي