ابوذيات استشهاد الزهراء ع

أنيال الحضر مجلسهه وجاهه
الاهي يكرمه ابعطفه وجاهه
علي بابك ردي ابنارة و جاهه
اوعصر روحك يحماي الحميه

ابليس أفكار اصحابك سماهه
الارض حزنانه وتواسي سماهه
فاطم طاهرة اوالله سماهه
لاذت للستر حقهه الزجيه

ريت ابيومج انه ايكون يوماي
شنسه اوانتي أمس باليل يماي
دليلي أشكثر نادة اعليج يماي
مشيتي اوعفتي زينب للاذيه

علي كل صعبه ذللهه وحلهه
علي أفعاله يقريهه. وحلهه
لجن من شاف فاطمته وحلهه
يجر حسراته ودموعه جريه

اليضدنه الله يعادي ونسه النه
شنو انكله اليناشد ونسه النه
ترة راحت الجانت ونسه النه
اوبقينه أيتام ونتنه خفية

السنين ابروحتج فكدت وسنهه
الحواري اليله يم زينب وسنهه
بعدهه اصغيرة. والدتي وسنهه
فلاعبرة ترة العشرين هيه

&&&&&&&&&&&&&&&&&&&&&&&&&
الشاعر حسين عبد الرسول الخفاجي