سجليني من الخدم سجليني
كرميني. ابنضرتج. كرميني
____
يباب الدكه. دليلي الحاير
مثيلج ثاني. ابد ماصاير
يخيرج يكسي. سبيل العابر
اليخدمج دومه. ملك متفاخر
ياهيبة رسول اوحكمة الباري
اوياشجرة ايمه اومنهج افكاري
من زغري اهل العينج اعباري
مجد. وود شعد. يالحنينه
كلهه عبر /بيهه صور /منهه بهر دهري
هيه هوه / هيه ضوه/تبقه امل عمري
قديسه
ياذيني ضالمج ياذيني.
سجليني من الخدم سجليني
_
يحاجة سائل. يدعوت مظطر
يحيله اوروحه. يهيبة حيدر
بعد عالغيبه. رحيلج اثر
علي بيج انتي. ابحياته اتحير
مابين العقيدة اوبين اليحبهه
بارينه ابقدرته اشلون رتبهه
اليبجي الزلم دمعاته يهملهه
حطب. لهب غضب الله عليهم
الهه سمه/ الهه حمه /كلشي خلق الهه
الهه صفه./ الله عفه/ كل الذي يجلهه
ياستري
ستريني. بدنيتي ستريني
سجليني. من الخدم سجليني
___
يطيبة امي. يهيبة خالي
عطف رباني. اوسكن دلالي
ابوي ابدمعه. نعاج اكبالي
رفع جفينه. اوصرخ يعكالي
قدسيتج شفتهه ابكلبي وبيتي
تباركلي وفائي اوهيه تربيتي
اشكد ابعد عليج اونتي داريتي

بحزن نعمه دعه يم الحسين
عمري كضه/ الله رضه/ عن اليرضيهه
والله عدم /دنيا الم/ لوانتي مابيهه
عافيتي
حضريني. بالكبر حضريني
سجليني من الخدم سجليني
____
السماء اوبابه. ترة يتانونج
الاهج كلشي. وهب لعيونج
يمن فكرتي باليخدمونج
بدليله اينادي. اشكثر ممنونج

ياعزنه اوفخرنه اوغا ية الغايه
يااية محمد يااحن ايه
يااجمل ملاذ اومانج احجايه

الهجم. نذل. يذل. بالنار تاليته
هناكه يكف /كله رجف /من هيبة الباري
لهادي حضر /بيدة صور /ليش احركت داري
ياويله
ناديني بالعبد. ناديني
سجليني من الخدم سجليني
____
ختام ابياتي. يئجمل قصه
صحيح اتئلم. لجنهه الفرصه
اليضن وياكم. يذل وتنصه
اشحلاة الكلمه اذئ بالكصه

مايرهم نجامل ندعي ونتاني
معروف الفعلهه اول اوثاني
تذل لازم تذل او انتصر اني

لنكر /الفضل. والعدل. من الوغاد

لبوه وصل /ابهه فضل/يمهه اذل روحي
هيه ضوه /هيه دوة /شافتلي اجروحي
يانعمه
لبسيني هل شرف لبسيني
سجليني من الخدم سجليني

للشاعر حسين عبدالرسول الخفاجي