بينه تارك يا علي مو بس جرح
شالو امن الدنيه جن وجه الصبح
عافية دين الله طاحت من مشيت
والكتاب ابكلبه جن صابوه رمح
خسرت الدنيا وصبح مابيه خير
ياعلي بموتك خسر حته الربح
نزف راسك ينزف اوياه السلام
اشما يشح دمك علي الغيرة تشح
الهوه جنه انكطع عن الفقير
اثر جفك فوك خبزاته ملح
حاجة ماتطلب امن احد مستحيل
بس رضا الفقره عليه دومك تلح
فوك روس ايتامك اجفوفك امان
ادموعهم لو سمعو اسمك تنمسح
ذوله صحبانك علي ونشدو عليك
شلون بعدك ياهو لحبابك يصح
من كثر ما بجو ياحيدر عليك
اجو يبنلوك بمدمعهم صرح
المساجد وحشه ضلت والصلاة
تصيح مشتاكه لبو كلب السمح

حسين المحامي