آذادي راغلي ده

حبیبه پر امت دي خوشحالي راغلي ده
حبیبه ورکـه ورکـه خپـلواکي راغلي ده

تور تم او توره شپه ډیره اوږده وَ خو شوه تیره
حبیبه پر افغان ملت خوښي راغلي ده

خلاص شوي دي ښارونه او ټول کلي له جنګونو
حبیبه نفرت ورک شو ورور ولي راغلي ده

بیرغ د وحدانیت ده هندُ کش په سر رپیږي
حبیبه وَ هیواد ته نیکمرغي راغلي ده

له څو لسیزو ورسته راپیدا ورک استقلال شو
حبیبه شکر شکر سوکالي راغلي ده

هرخوا کي امنیت دی عمري عسکر ولاړ دې
حبیبه له خوند ډکه زندګې راغلي ده

اخســتی لـر او بـر انس چنارَ طالبانو
حبیبــــه آذادي ده آذادي راغــــلي ده

انس چنار
@hthfutAdurtk