ابوذيات ونعي للزهراء ع عن لسان السيدة زينب ع




لو لاي


يدري الله بدليلي شلون. لولاي

ماتبچي بعباره الناس. لولاي

يدنيه انعي وعليه ابحزن. لولاي ( لولي)

بلكي أغفى وتمر أمي عليه


########################



وعني


عن أهلي الدهر ينشد. وعني

غفيت ولن مصايبهم وعني

حد الموت اون الهم. وعني (واعاني )

وعاني منلغفت مابين اديه


########################



امي غفت والنفس مگطوع

واصرخ وصوت الليل مسموع

وعفيه اعله عيني لهلدموع

ابّالي هين كسر الضلوع

من زغر سني الگلب مشلوع

####################



ياگلبي بطل الآه ورتاح

بعد وكت المحنه مارجع راح

راحت ايام الود والفراح

محد يشيل الحمل لو طاح

ونمشي علايم بس الرواح

###################


يشوفونه نمشي علايم

وبگلوبنه تبات الهضايم

وبلدار خلتنه يتايم

فز الحسن وحسين نايم

######################


يمه الولد لو گعد بليل

يبچي عليچ ودمعته تسيل

ترى الوالده لو رادت اتشيل

توصي على الچانو مداليل

خاف الزمان اعليهم ايميل

########################


مال الوكت بينه وردناچ

مو حلوه گعدتنه بلياچ

امهات لو شفنه ذكرناچ

يمه بچينه وعاتبيناچ

بلضيم ضلينه وراچ


##########################


بقلم شاعرةاهل البيت المله ام ريـــام دخيل الركـــابــي✍..


تجدون التكمله في ديوان الرأس المطبور والضلع المكسور
الجزء الثالث