"ፍቅር ማነው⁉

❤ሼር ሳታድርጉ አትለፍ💝
...................
እስኪ አንድ ታሪክ ልንገራችሁ።
አንድ የዋህ አባት ባንድ ሀገር ይኖሩ ነበር። የዋህነታቸውን የተመለከቱ አስራ ሶስት ሽፍቶች ጩቤ፤ሳንጃ፣ጎራዴ በልብሳቸው ውስጥ ደብቀው የኛን የዋህ ሰው ቤት አንኳኩ።
እኛም የዋህ አባት የዘመኑ አብረሃም ይባሉ ነበርና እንግዶቹን በደስታ ተቀብለው ወደ ቤት አስገቧቸው። እንግዶቹን ሲቆጥሯቸው አስራ ሶስት ናቸው ውይ ጌታ ከአስራ ሁለቱ ሐዋርያት ጋር ወደ ቤቴ መጣልኝ ብለው ደስ አላቸው።
ከዚያም ጌታ የቱ ነው፤ ጴጥሮስ የቱ ነው፤ ዮሐንስ የቱ ነው እያሉ መጠየቅ ጀመሩና እግራቸውን አጥበው፤ ምግብ አቅርበው፤ በታላቅ ፍቅር አስተናገዷቸው። ሽፍቶቹ ይህን ሁሉ ደግነት አዩና ልባቸው እራራ ሊገድሏቸው መተው በፍቅራቸው ተማረኩ፤በእግራቸው ሰር ተንበረከኩ፤ ሀያላን ጉልበተኛ ቢሆንም በፍቅር ተሸነፈ። በሽፍትነት የዋኙባትን ይችን አለም ንቀው በቅድስና ህይወት መኖር ጀመሩ።

"ፍቅር ማነው"?

#ፍቅር ሀያል ነው ጉልበተኛውን ያንበረክካል።
#ፍቅር ጉልበተኛ ነው ትዕቢተኛውን ትሁት ያደርጋል።
#ፍቅር ጠቢበኛ ነው በጥላቻ አይኑ የታወረውን ያበራልና።
#ፍቅር ታጋሽ ነው እልኸኛውን ያረጋጋል።
#ፍቅር ታጋሽ ነው የበደለን ያጽናናል።
#ፍቅር ጥበበኛ ነው ተሳዳቢው ይምራል።
#ፍቅር መካሪ ነው ስሜታውዩን ይገስጻል።
#ፍቅር እሩህሩህ ነው የካደውን ደግሞ ይወዳል።
#ፍቅር ጤና ነው የህሊና ሰላም ይሰጣል።
#ፍቅር ቸር ነው የበደሉትን አይበድልም።
#ፍቅር እርግብ ነው ቂም አይዝም።
#ፍቅር መልካም ነው አይመቀኝም።
#ፍቅር የተረጋጋ ነው በቶሎ አይቆጣም።
#ፍቅር የዋህ ነው በደልን አይቆጥርም።

"ታዲያ ፍቅር ማነው"!!!
ፍቅርማ! እንደ እረጅም ፈትል ከዙፋኑ የወረደው፤ዝቅ ዝቅ ብሎ የፈጠረውን የፍጡሩን እግር ያጠበው ነው።
ፍቅርማ! እንደሚታረዱ በጎች አንገቱን ለሸላቾች የሰጠው ነው።
ፍቅርማ! በመስቀል ላይ እጁን የዘረጋው የድንግል ማርያም ልጅ ነው ኢየሱስ ክርስቶስ ነው። ፍቅርማ! መራራ ሀሞት እየጠጣ ጣፋጭ ደሙን የሰጠን አምላካችን ክርስቶስ ነው።
ፍቅርማ! ወደ ድቅድቅ ጨለማ ወርዶ ወደ ሚደነቅ ብርሃን ያወጣን አምላካችን ነው።
በእውነት ክርስቶስ ፍቅር ነው!!!

እግዚአብሔር ። ፍቅር አብዝቶ ይስጠን።