علقتني فيك .. رغبة نفسي الأماره
ولا انا ماني بصوبك وأنت ما انت بصوبي

قد سمحت من الزمان ومجريات اقداره
لين مالله عاضني عن شفي ومطلوبي

يفرض الواقع علينا الحب .. مانختاره
وانا ما أكذب عليك إني معك يادوبي

أخذني تفدا خطاك ، الخطوه المحتاره
معك يامعذب مشاويري وحلو دروبي

فإن تقاسمنا الغلا عشنا على تذكاره
وان تبدل ثوبك .. الله لا يبدل ثوبي

حاسب حساب الجفا منافعه وأضراره
وادري ان ماهوب يسوى توبتي بذنوبي

لاتصدق بي كلام " مدورين الشاره "
وأنت ماحبيت فيني شي كثر عيوبي

السهر يفقد بريقه .. لا فقد سماره
والليال تغير المحبوب يامحبوبي

لو تعرف القلب وش يحملك من اسراره
كان ياللي جيتني تختال ، جيت تحوبي