#shaxsiy_fikrim

"Yonmagan yondirolmas"

Bir kuni toʻrt kapalak
Duch kelibdi olovga,
Neligin bilmay halak
Tinchlik bermay toʻrtovga.

Qiziqib bordi biri,
Yaqinlab koʻrar ekan
Bildi neligin siri—
Yorugʻlik berar ekan.

Qoniqmadi bu bilan ,
Bordi ikkinchisi ham.
Yaqinroq borib dildan
Issiqlikdir unda jam.

Buni eshitib hamki,
Uchinchisi qolmadi.
Ancha yaqin borsaki,
Kuyay dedi, oʻlmadi.

Toʻrtinchisin istagi
Kuchli chiqib qoldi-ya,
U ham olov tomonga
Asta-sekin bordi-ya.

Avval yorugʻlik, keyin
Issiqlik, soʻng shaylandi,
Ana kuydimo deyin
Yondi kulga aylandi.

Olov neligin bildi,
Doʻstlarga aytolmadi.
Chunki yonib kul boʻldi,
Ortiga qaytolmadi.

Sevgi olovga oʻxshar,
Yonmagan bilolmaydi.
Ammo yongan odamlar
Ifodalay olmaydi.

Buni faqat his qilar
Shu olovda yonganlar.
Shunda neligin bilar,
Chin sevgidan tonganlar.

Lekin siz tor oʻylamang,
Gapiryapman men chini.
Bandasidan soʻylamang,
Bu HAQQA boʻlgan biri.

HAQni sevmagan holda
Bandasin rost sevolmas.
Yonmasdan chin olovda,
Boshqasin yondirolmas.

Nasibim boʻlsin desang
Tugamas ishq, haqiqiy
ALLOH uchun sev, sevil
Chunki OʻZI abadiy!

© Gulshoda

28.12.2024.

@ijodiyot_olamida