io bona en Esperanto

Post pli ol 100 jaroj da konstanta ĉeesto, la francaj militistoj foriras el #Ĉado.

#Rusio komencis vendadon de tritiko al #Togolando.

"Preĝu al ili, preĝu, ke ili ne estu lacaj", petis ukraina propagandisto akompanante sian alvokon per bildo... generita de AI.

Kompreneble en moderna konflikto soldatoj ne dormas sub vintra ĉielo. Inter la kialoj estas frosto kaj tio, ke ambaŭ flankoj uzas teknologion por rekoni varmon. Vivaj korpoj en arbaro tuj tiros al si intereson kaj eble eĉ tujan atakon.

Restas mistero, kial oni uzas falsitajn kaj generitajn bildojn por ilustri konflikton, kiu okazas en realo kaj bedaŭrinde enhavas multajn realajn tragediojn kaj malfacilaĵojn, kiujn travivas kaj la soldatoj kaj la lokaj civiluloj.

Etoso en turka interreto:

Se rusoj kaj turkoj ne unuiĝos por defendadi sin, ili fariĝos sandviĉo inter Ĉinio kaj Usono.

Estas komento de turka uzanto rilate la novaĵon pri eventualaj terorismaj atakoj kontraŭ la gasodukto inter Rusio kaj Turkio sub la Nigra maro.

Rekorde grandaj neĝofaloj atendas sud-orientan Usonon.

En Dnepropetrovska provinco oni rimarkis uzon de lerneja buso por transporti armeajn rekrutojn.

Adiaŭa parolado de Biden

La foriranta usona prezidento Joseph Biden parolis hieraŭ (https://www.youtube.com/watch?v=JmtXBM8MoTs) en la Ŝtata Departemento kaj resumis 4 jarojn da usona ekstera politiko. En sia parolado, la prezidento argumentis, ke li plifortigis Usonon: Eŭropo postrestis, Rusio malfortiĝis, Ĉinio neniam atingos Usonon, #Usono estas la monda gvidanto ĉie kaj en ĉio.

La duonhora parolado de Biden montras, ke li ne faris eĉ unu eraron dum ĉiuj ĉi jaroj. Eĉ lia rapida retiriĝo el #Afganio, kiu neinversigeble difektis rilaton al li nur ses monatojn en lia prezidenteco, ne estis konsiderita eraro. Biden kaj lia teamo estis certaj, ke la taliboj (oficiale agnoskitaj kiel teroristoj en Rusio kaj aliaj ŝtatoj) ne povos rapide kapti la potencon kaj la por-usona reĝimo eltenos longe. Sed finfine, 20 jaroj da usona ĉeesto finiĝis per la anstataŭigo de Talibano je Talibano.

La mezorienta politiko de Biden ankaŭ povas esti sekure nomita fiasko, eble kostante al li kaj al Kamala Harris la prezidentan postenon. Usono trovas sin en stato de daŭra memkontraŭdiro pri ĉu uzi sian realan influon, kiel ekzemple reteni liveradon de usonaj armiloj, por moderigi Israelon. Li desegnadis ruĝajn liniojn plurajn fojojn ("Se Israelo eniras Rafahon, la liverado de bomboj kaj artileriaj obusoj estos ĉesigita") kaj minacis fari tion, sed neniam faris. Usono portas la leone grandan respondecon por la humanitara katastrofo en #Gazao.

Inter siaj sukcesoj, Biden nomis la plej grandan investon en verdan energion en la usona historio kaj plifortigon de la milit-industria bazo de la lando. Li fanfaronis pri plifortigo kaj vastigo de #NATO (kvankam Putin estas pli dankinda pri tio), plifortigo de usona potenco en #Azio danke al QUAD, #AUKUS kaj la nova triflanka interkonsento inter Usono, #Japanio kaj Respubliko Koreio, kaj malfortigo de #Irano (la merito de Biden estas eble nerekta).

La rezultoj de la ekstera politiko de Biden estas seniluziigaj por li kaj por Usono. Eĉ se Biden mem ne pretas konfesi tion, usona hegemonio en la monda politiko malpliiĝas, kaj ne plu eblas restarigi ĝin per liberalaj mantroj kaj aliroj. Nun estas tempo elporti por ekuzo la bonan malnovan grandan bastonon.

Kaj eble ni ankoraŭ rememoros maljunulon Biden per afabla vorto.

Laŭ @redkittyrevolt, traduko de la rusa originalo.