Ta’lim tizimimiz va Qadimgi Misrni nima bogʻlab turadi?

Qadimgi Misrda rivojlanishida nuqsoni boʻlgan har qanday bolani tubsizlikka (jarlikkka) tashlash odati ota-ona majburiyati boʻlgan madaniy me’yor sifatida qabul qilingan.

Bizdagi ta’lim tizimi xuddi shu “me’yor”larga “taqlid” qiladi. Maktabda oʻzlashtirishi sust oʻquvchilar aksar hollarda ustozlar tomonidan doimiy kamsitilib, sinfdoshlari tomonidan kalaka qilib kelinadi. Doimiy bosim ostidagi insonlar…

Bizda ham ta’limga layoqati pastroq bolalarga bunday munosabat qadimgi Misr “madaniy me’roslari” bilan bir xil majoziy oʻxshashlikka ega. Ikkala holatda ham odam oʻldiriladi, birida jismonan, birida ruhan.

Bizda yoshlarning qadriyatlarini, kayfiyatini, qobiliyat va qarashlarini oʻrganadigan ijtimoiy tadqiqot institutlari yetishmaydi. Agar shu institutlar ishlaganda va tadqiqotlar oʻtkazliganda edi, biz ta’limga uning oʻzbek modelini olib kirgan boʻlardik.

Shundagina, haqiqiy oʻzgarishlarga birinchi qadam boʻlardi biz uchun. Bizga shunday institutlar yetishmaydi. Fin ta’lim modeli emas oʻzbek ta’limi modeli koʻproq foydaliroq, aslida.

Afsus hech kim buni tushunmayapti yoki tushunishni istamayapti.

Hurmat ila,
@matbuotraisi