Niqob
"Gazdan saqlovchi niqob..."
Bu dunyo menga raqib.
Senga muhtojman shu tob,
Kel, qalbga qoʻyay taqib.
Pushmon qonatmay burnim,
Tiyilay gunohlardan.
Sen uni toʻs, har turli,
Zaharli nigohlardan.
Itlarga ergashsa, qul
Boʻlar hatto boʻri ham.
Zarar erur nomaqbul,
Davralarning toʻri ham.
Nafs tashlagay qarmogʻin,
Kimga? Hovliqmalarga.
Chop, choʻzilsa barmogʻim,
Xatarli luqmalarga.
Yoʻqsa daf etgum qandoq,
Hirs otligʻ oʻlatini?
Ayt, oʻzi senga bundoq,
Ishonsa boʻladimi?
Sal kir tushsa turmas tek,
Qalb bir parcha et asli.
Bor tanimga tarqar lek,
Uning har bir Nafasi...
Koʻkdan toʻkilgan oftob,
Manglaydan oqizgay ter.
Kuyib kul boʻlmay "niqob"
Nafasimni poklab ber.
Nafasimni poklab ber.
02.05.2018.
@jaloliddinsayid
"Gazdan saqlovchi niqob..."
Bu dunyo menga raqib.
Senga muhtojman shu tob,
Kel, qalbga qoʻyay taqib.
Pushmon qonatmay burnim,
Tiyilay gunohlardan.
Sen uni toʻs, har turli,
Zaharli nigohlardan.
Itlarga ergashsa, qul
Boʻlar hatto boʻri ham.
Zarar erur nomaqbul,
Davralarning toʻri ham.
Nafs tashlagay qarmogʻin,
Kimga? Hovliqmalarga.
Chop, choʻzilsa barmogʻim,
Xatarli luqmalarga.
Yoʻqsa daf etgum qandoq,
Hirs otligʻ oʻlatini?
Ayt, oʻzi senga bundoq,
Ishonsa boʻladimi?
Sal kir tushsa turmas tek,
Qalb bir parcha et asli.
Bor tanimga tarqar lek,
Uning har bir Nafasi...
Koʻkdan toʻkilgan oftob,
Manglaydan oqizgay ter.
Kuyib kul boʻlmay "niqob"
Nafasimni poklab ber.
Nafasimni poklab ber.
02.05.2018.
@jaloliddinsayid