قصيدة ثقيله للعليله ع



وريت لاطر الفجر
وانه كلبي ينكسر

ابكه بلدر واون وابكه اباوع علضعن
وانه كلبي ينكسر

ابكه اباوع عل ضعن لمن يرحلون
وابكه صيحن ياهلي بلكت تريضون
وابكه اون ومدوهنه وتهل العيون

وحسين مايخذني ليش .خلافهم وشلون اعيش
وانه كلبي ينكسر


وخلافهم وشلون اضلن انه بلدار
وخلافهم شنهو اكله اليجي خطار
وخلافهم دموع عيني تضل مدرار

عليله وامابيه حيل ... وتكتل وحشت اليل
وانه كلبي ينكسر

عليله وامابيه والله اعله الفراك
عليله وعل السافرو كلبي مشتاك
عليله وخلاف الاهل امشي عله الراك

محد صد عليه ... ولاكالو خطيه
واني كلبي ينكسر

محد صد عليه وكال خل تمشي
محد نشف دموعي العله رمشي
محد كال كلمه وحجو كلشي

خلوني بغربت الدار ... ودمع العين مدرار


خلوني غريبه وموش منهم
خلوني عزلوني من ضعنهم
خلوني اون واعتب وكلهم

يهلي لريضولي .... عل فركه ماحجولي
وانه كلبي ينكسر
🍀🍀


♦️تمتتتتتت ✏️ بقلم الشاعره اسيل الزينبيه


اطلب منكم تندعولي ان الزهراء تقبل خدمتي
https://t.me/jfhfhggr