اليوم زيــــــــــــــنب وين يتلكونهه
الجايه دور تريد ظعــــــــــــــــونهه

طرت الهيمه وجــــــــــــت ملجومه
تصــــيح اخوي حسين شنهو علومه
عفــــــــته مرمي عله التراب بيومه
ماتفــــــــــــارك جفني ساعه رسومه

وكون كــــــــــــعدو ماظن يعرفونهه

تغيرت حــــــــــتئ الگلب مو بشكل
شافت الظــــــــــــيم الابد ما ينحمل
اليـــــــــمشي وياهه الكثر ونهه يمل
شلون حاله التــــــكضي خوانه جتل

وعــــــــــــمد عن عباس ويسئلونهه

جايه وكل خــــــــطوه بيهه حجايه
وياهه جابت وصــــــــــله من الرايه
تكله سلــــــــــمت بلحرب بس هايه
وبيهه الف راسي منــــــــطب ولايه

ورايت العــــــــــــــباس ويهابونهه

عدهه حيره اليــــــــوم تكصد ياكبر
تكول يم عبــــــــاس لو بحسين امر
خايفه ابجي ويــــــــمه افارك هلعمر
من اكله خلافك ســــــــــــوه الشمر

وزركه اكله مــــــــنل سياط متونهه

يمن اشكي تكــــــــول وشرح حالي
الجان مايرظه يبــــــــــــــين خيالي
اليوم غــــــــــــــــطاه التراب الغالي
خلافه بس هم وحــــــــــزن يبرالي

توصي يمــــــــــهم كون ويدفنونهه


ابو سلام الجابري