عادي تقولي شن صارلك بعدي يا خاينّي ؟ ،ان شاء الله طحت فِـ حد دارلك زي ما درتلي طمنّي ؟ ،
ندمت والا مازلت غارق فـ أغلاطك ومش فاطنن ؟،
باهي تسهر ف الليل كله وأنتَ تبحت ف النقال وتراجي ف رنتي ؟،
باهي تشوف ف صوري كل يوم والدموع ماليات عيونك عشان خسرتني ؟،
باهي رد بعقلك شويا وراجع روحك واذكر شن وعدتني ؟ ، مازلت متذكر وعودك اللي مقدرتش توفيهن والا نذكرك ؟
باهي مازلت محتفظ بمحادثاتنا والا مليت منهن وحذفتهن ؟ ،
باهي أنتَ توا جوك سمح وتضحك والا قلبت عليك مواجع ؟،
باهي فوت أسألتي هذي كلها وطمنّي بس،
اندارلك زي ما درتلي ؟، والا بيندارلك أضعافه ؟،
باهي عادي طلب ؟،
يوم اللي يصيرلك أضعاف اللي صارلي ناديني !،
بنشوفك وأنتَ عايش اللي عشته !، وأنتَ مذلول ومكسور !،
بنكون أوّل الحاضرين !،
كنت أول من قامك ف طيحتك ومرضيتش نشوفك لوطا ،
بس هالمره بنكون أول من يشوفك وأنتَ طايح ويتفرج !،
يتفرج ع حقه وهو يوتخذ منك ، يتفرج وهو حاس بنصر وراحه ،
نوعدك نكون أوّل الشامتين ، وأنا لما نوعد نوفي مش زيك .