Muhit nazoratdan afzal.

Ko'pchilik matematik oilasida tug'ilganimni bilganida birinchi so'raladigan savol: "Yoshlikdan undov va talab shu yo'nalishda bo'lgan ekanda?", - bo'ladi. Aslida esa menda ularning hayot tarzlarini ko'rib katta bo'lish shu yo'nalishga bo'lgan mehrni va qiziqishni shakllantirgan. Hech qachon "buni o'qi... buni qil... uni qilma..." kabi bosim bo'lmagan. Faqatgina bir marta darsimni qilmay kompyuter o'yini o'ynab o'tirganimda bo'lgan quyidagi dialog esimda:

- "O'yin o'ynayapsanmi?"
- (Uyalib) "Ha."
- "Haa, kelajakda baklajka (макулатура) yig'ib ham kun kechirsa bo'ladi..."

Bir umrga tatigulik suhbat, shundaymasmi? 😄️️️️️️

Inson doim to'g'ri, o'zi va jamiyat uchun manfaatli muhitda bo'lishi mazmunli hayot va taraqqiy etgan jamiyatning asosiy unsurlaridan biri. Bunday muhitni topish uchun noto'g'ri muhitdan qochish kifoya, shunda qachondir to'g'risiga "tutilasiz". Qanchalik tez "tutilish" jamiyatda bunday muhitlarning qanchalik ko'pligiga bog'liq, bu esa o'z navbatida bu jamiyatda ilmli va bilimli insonlarning miqdori bilan o'lchanadi.

Vaholanki, bejizga hammasi "O'qi!" bilan boshlangan emas 🙂

@lazizabdullaev