# ﺣﻜﺎﻳﺔ _ ﻓﺎﻃﻤﺔ
🌺
🌿 ﺍﻟﺤﻠﻘﻪ ﺍﻻﻭﻟﻰ 🌿
ﺑﻌﺪ ﻣﺎﻗﺎﻣﺖ ﺍﻟﺜﻮﺭﺓ ﺳﻨﻪ 69 .. ﺍﻧﻔﺘﺤﺖ ﻟﻴﺒﻴﺎ ﻋﺎﻟﻌﺎﻟﻢ ..
ﻭﺑﺪﻯ ﻓﻰ ﺣﺎﺟﻪ ﺍﺳﻤﻬﺎ ﺍﻟﻀﺒﺎﻁ ﺍﻟﻮﺣﺪﻭﻳﻴﻦ ﺍﻻﺣﺮﺍﺭ
ﻭﻃﺒﻌﺎ ﺑﺪﻭ ﻳﺼﻮﻟﻮ ﻭﻳﺠﻮﻟﻮ ﻓﺎﻟﺒﻠﺪﺍﻥ
ﻭﻳﺎﺧﺪﻭ ﻓﻰ ﺩﻭﺭﺍﺕ ﻋﺴﻜﺮﻳﺔ ﺧﺎﺭﺝ ﻟﻴﺒﻴﺎ
ﻋﻤﻚ ﻳﺤﻲ ﻛﺎﻥ ﻣﻦ ﺿﻤﻦ ﺍﻟﻀﺒﺎﻁ ﻫﺎﺩﻭ ..
ﻭﻓﻰ ﺑﺪﺍﻳﺔ ﺳﻨﻪ 70 ﺗﺰﻭﺝ ..
ﺗﺰﻭﺝ ﺳﺎﻟﻤﻪ ﺑﻨﺖ ﺧﺎﻟﻪ ﺍﻟﻠﻰ ﻛﺎﻥ ﻳﺒﻴﻬﺎ ﻣﻦ ﺯﻣﺎﻥ
ﻭﺷﺎﺀ ﺍﻟﻘﺪﺭ ﺍﻥ ﺳﺎﻟﻤﻪ ﺗﺤﻤﻞ ﻋﻠﻰ ﻃﻮﻝ ..
ﻭﻟﻤﺎ ﻛﺎﻧﺖ ﻓﻰ ﻧﻬﺎﻳﺔ ﺍﻟﺜﺎﻣﻦ ﻋﻤﻚ ﻳﺤﻲ ﺟﺎﺗﻪ ﺳﻔﺮﺓ ﻻﻣﺮﻳﻜﺎ
ﻭﺍﻟﺤﺎﻣﻞ ﻣﺘﻘﺪﺭﺵ ﺗﺴﺎﻓﺮ
ﻭﻫﻮﺍ ﻣﺎﻳﻘﺪﺭﺵ ﻋﻠﻰ ﻓﺮﺍﻗﻬﺎ
ﺑﺎﻫﻰ ﻛﻴﻒ ﻳﺪﻳﺮ
- ﺳﺎﻟﻤﻪ : ﺍﻧﺖ ﺑﺮﺓ ﻭﻟﻤﺎ ﻧﺠﻴﺐ ﻧﻠﺤﻘﻚ
- ﻳﺤﻰ : ﻫﺎﺩﻭ ﺛﻼﺛﻪ ﺳﻨﻴﻦ ﻳﺎ ﺳﺎﻟﻤﻪ .. ﻭﺍﻧﺎ ﻣﻨﻘﺪﺭﺵ ﻧﺨﻠﻴﻜﻢ ﻭﺭﺍﻯ ﻭﻧﻤﺸﻮ
- ﺳﺎﻟﻤﻪ : ﻗﻠﺘﻠﻚ ﻧﻠﺤﻘﻮﻙ ﻃﻮﻝ
- ﻳﺤﻰ : ﺷﻦ ﺗﺤﺴﺎﺑﻰ ﺭﻭﺣﻚ ﻣﺎﺷﻴﻪ ﻟﻠﺨﻤﺲ ..
ﻧﻘﻮﻟﻚ ﺍﻣﺮﻳﻜﺎ ﺗﺒﻰ ﻋﺎﻻﻗﻞ ﺛﻼﺙ ﻣﻄﺎﺭﺍﺕ
- ﺳﺎﻟﻤﻪ : ﺑﺎﻫﻰ ﻛﻴﻒ ﺑﺪﻳﺮ
- ﻳﺤﻰ : ﻫﺪﺍ ﺍﻣﺮ ﻋﺴﻜﺮﻯ ﻭﺍﻧﺎ ﻣﻨﻘﺪﺭﺵ ﻣﻨﻤﺸﻴﺶ
ﻭﺳﻜﺖ :..… ﺗﻌﺮﻓﻰ ﻛﻴﻒ ﻳﺎﺳﺎﻟﻤﻪ ..
ﺍﻧﺘﻰ ﺿﻌﻴﻔﻪ ﻭﻣﺎﺗﺒﺎﻧﻴﺶ ﺣﺎﻣﻞ ﺑﻜﻞ …
ﺍﻟﺒﺴﻰ ﺑﺎﻟﻄﻮ ﻭﻣﻔﻴﺶ ﺩﺍﻋﻰ ﻧﻘﻮﻟﻮ ﺍﻧﻚ ﺣﺎﻣﻞ
ﻓﺮﺣﺖ ﻋﻤﺘﻚ ﺳﺎﻟﻤﻪ ﻭﻗﺎﻟﺖ ﺍﻟﺤﻤﺪﻟﻠﻪ ﺍﻧﻬﺎ ﺑﺘﺮﺍﻓﻖ ﺯﻭﺟﻬﺎ ﻓﻰ ﺳﻔﺮﺗﻪ
ﻗﻮﻟﻰ ﺧﺒﺮﻭ ﺍﻫﻠﻬﻢ ﺑﺎﻟﺴﻔﺮﺓ .. ﻭﺍﻥ ﺍﻟﻤﺪﺓ ﻣﺘﻊ ﺍﻟﺒﻌﺘﻪ ﺛﻼﺛﺔ ﺳﻨﻮﺍﺕ …
ﻣﺎﻭﺗﻰ ﻳﺤﻰ ﺍﻭﺭﺍﻗﻪ ﻭﺟﻬﺰ ﻧﻔﺴﻪ ﺧﺪﻯ ﻋﺎﻻﻗﻞ ﺛﻼﺙ ﺍﺳﺎﺑﻴﻊ …
ﻛﺎﻧﺖ ﺳﺎﻟﻤﻪ ﺧﺸﺖ ﻓﻰ ﺷﻬﺮﻫﺎ
ﻭﻟﻴﻠﺔ ﺍﻟﺴﻔﺮﺓ …
ﺗﻜﻤﺖ ﻋﻤﺘﻚ ﺳﺎﻟﻤﻪ ﻭﺳﺎﻭﺕ ﺍﻟﺤﻮﺍﻳﺞ ..
ﻭﺳﺎﻓﺮﻭ .. ﻭﺩﺍﺭﺕ ﺯﻯ ﻣﺎﺗﻔﻘﻮ ..
ﻟﺒﺴﺖ ﺑﺎﻟﻄﻮ ﺑﺤﻴﺚ ﻣﺎﺗﺒﺎﻧﺶ ﺑﻜﻞ
ﻭﺻﻠﻮ ﺍﻣﺮﻳﻜﺎ ﺑﺤﻜﻤﻪ .. ﻭﺳﺎﻟﻤﻪ ﺗﻌﺒﺎﻧﻪ ﻣﻦ ﺍﻟﺴﻔﺮﺓ ﻻﻧﻬﺎ ﺗﻌﺒﺘﻬﺎ ﻫﻠﺒﺎ
ﻟﻤﺎ ﻭﺻﻠﻮ ﺍﻟﻤﻄﺎﺭ ﻓﻰ ﺍﻣﺮﻳﻜﺎ .. ﺧﻼﺹ ﺟﺘﻬﺎ ﺍﻻﻭﺟﺎﻉ
ﺭﻓﻌﻬﺎ ﻃﻮﻝ ﻻﻭﻝ ﻣﺴﺘﺸﻔﻰ ﻭﺟﺎﺑﺖ ﻓﻴﻪ
ﺟﺎﺑﺖ ﻭﻟﺪ ﺯﻯ ﺍﻟﻘﻤﺮ .. ﻭﺳﻤﺎﺗﻪ ﻣﺮﺍﺩ …
ﺑﻌﺪ ﻗﻌﺪﺕ ﺛﻼﺙ ﺍﻳﺎﻡ ﻓﺎﻟﻤﺴﺘﺸﻔﻰ ..
ﺭﻭﺣﻮ ﻟﻠﻤﻘﺴﻢ ﻣﺘﻊ ﺍﻟﻤﺒﻨﻰ ﺍﻟﻠﻰ ﻣﺨﺼﺼﺎﺗﻪ ﻟﻴﺒﻴﺎ ﻟﻼﺷﺨﺎﺹ ﻣﺘﻊ ﺍﻟﺒﻌﺜﻪ
ﻭﻓﺎﺗﻮ ﺍﻟﺜﻼﺛﻪ ﺳﻨﻴﻦ ..
ﻭﺟﻰ ﻭﻗﺖ ﺍﻟﻤﺮﻭﺍﺡ …
ﺩﺍﺭﻭ ﺷﻨﺎﻃﻴﻬﻢ ﻭﻭﻟﺪﻫﻢ ﻣﺮﺍﺩ ﻓﻰ ﺍﻳﺪﻳﻬﻢ ﻭﺭﻛﺒﻮ ﺍﻟﻄﻴﺎﺭﺓ ﻭﺭﻭﺣﻮ
_____________________
ﻭﻓﺎﺗﺖ ﺳﻨﻴﻦ .. ﺟﺎﺑﺖ ﺳﺎﻟﻤﻪ ﺑﻌﺪ ﻣﺮﺍﺩ ﺛﻼﺙ ﺑﻨﺎﺕ ﻭﻭﻟﺪ …
ﺍﻟﻬﺎﻡ ﻡ 75 ﻭﺍﻣﺎﻝ ﻡ 78 ﻭﺻﻼﺡ ﻡ 80 .. ﻭﺑﺴﻤﺔ ﻡ 81
ﻃﺒﻌﺎ ﻳﺤﻰ ﻭﺳﺎﻟﻤﻪ ﺣﺮﻳﺼﻴﻦ ﺍﻥ ﻭﻟﺪﻫﻢ ﻣﺮﺍﺩ
ﻣﺎﻳﻌﺮﻓﺶ ﺍﻧﻪ ﻳﻘﺪﺭ ﻳﺤﺼﻞ ﺍﻟﺠﻨﺴﻴﻪ ﺍﻻﻣﺮﻳﻜﻴﻪ ﺑﺎﻋﺘﺒﺎﺭﻩ ﻣﻮﻟﻮﺩ ﻏﺎﺩﻯ
ﻻﻥ ﻣﺮﺍﺩ ﺩﻳﻤﺎ ﻳﻨﻘﺮﺯ ﻋﻠﻰ ﺑﻮﻩ ﻳﺒﻪ ﻳﺴﺎﻓﺮ ﺑﻴﻬﻢ ﻻﻣﺮﻳﻜﺎ ﺯﻯ ﺯﻣﺎﻥ
ﻭﺍﻟﻨﺎﺱ ﻓﺎﻟﺜﻤﻨﻴﻨﺎﺕ ﻣﺎﺗﺰﺑﻄﺶ ﻫﻠﺒﺎ
ﻭﻣﺘﻌﺮﻓﺶ ﺍﻻﻓﻜﺎﺭ ﻫﺎﺩﻯ ﻋﻠﻰ ﺍﻣﺮﻳﻜﺎ ﺑﺎﻋﺘﺒﺎﺭ ﺍﻧﻨﺎ
ﻣﻌﺎﺩﻳﻴﻨﻬﺎ ﻭﺷﺎﺩﻳﻨﻬﺎ ﻃﺰ ﻃﺰ ﻓﻰ ﺍﻣﺮﻳﻜﺎ 😁😁😁
ﺳﻨﻪ 85 .. ﻣﺮﺍﺩ ﺑﺪﻯ ﻋﻤﺮﻩ 15 ﺳﻨﻪ …
ﻭﻣﺰﺍﻝ ﻳﺮﺍﻭﺩ ﻓﻴﻪ ﺣﻠﻤﻪ ﺍﻟﻘﺪﻳﻢ ﺍﻧﻪ ﻳﺴﺎﻓﺮ ﺍﻣﺮﻳﻜﺎ
ﺷﻮﺭﻩ ﺗﺮﺍ ﻭﻳﻦ ﻣﺘﻌﺮﻑ ﻋﻠﻰ ﻓﺮﺥ ﻓﺎﻟﺢ ..
ﻗﺎﻟﻪ ﻳﺎ ﻣﺮﺍﺩ ﺍﻧﺖ ﺗﻘﺪﺭ ﺗﺨﺶ ﺍﻣﺮﻳﻜﺎ ﺑﺎﻟﺴﺎﻫﻞ ﻻﻧﻚ ﻣﻮﻟﻮﺩ ﻓﻴﻬﺎ ..
ﻭﺗﻘﺪﺭﺗﺎﺧﺪ ﺍﻟﺠﻨﺴﻴﻪ ﻓﻰ ﺷﻬﺮ
ﻣﺮﺍﺩ ﺩﻛﻰ ﻣﺎﺑﺎﺵ ﻳﻘﻮﻝ ﺍﻟﻜﻼﻡ ﺍﻟﻠﻰ ﺳﻤﻌﻪ ﻗﺪﺍﻡ ﺑﻮﻩ ﻭﺍﻣﻪ …
ﻻﻧﻪ ﺑﺎﻟﺘﺎﻛﻴﺪ ﺡ ﻳﺸﻜﻮ ﻓﻴﻪ ﻭﺡ ﻳﺪﺳﻮ ﺍﻟﺠﻮﺍﺯ
ﻭﻣﻦ ﻳﻮﻡ ﺳﻤﻊ ﺑﻤﻮﺿﻮﻉ ﺍﻟﺠﻨﺴﻴﺔ .. ﻭﻫﻮﺍ ﺷﺎﺩﻫﺎ ﺧﺪﻣﻪ ﻓﺎﻟﻤﻴﻨﺎﺀ
ﻳﻠﻘﻂ ﻓﺎﻟﻔﻠﻮﺱ ﺑﻴﺶ ﻳﺴﺎﻓﺮ
ﻭﻓﻰ ﻟﻴﻠﻪ ﻣﺎﻓﻴﻬﺎ ﺿﻰ ﻗﻤﺮ ﻣﺮﺍﺩ ﻗﺎﻝ ﻻﻣﻪ ﻭﺑﻮﻩ ﺍﻧﻪ ﻣﺰﺭﺩ ﻣﻊ ﺻﺤﺎﺑﻪ ﻓﺎﻟﻘﺮﺍﺑﻮﻟﻰ
ﺑﻌﺪ ﻳﻮﻣﻴﻦ ﺟﺎﻫﻢ ﺗﻠﻔﻮﻥ ﻓﺎﻟﻠﻴﻞ …
ﻧﺎﺽ ﻋﻤﻚ ﻳﺤﻲ ﻳﺠﺮﻯ ﺑﻴﺮﺩ ﺣﺎﻳﺮ ﻣﻦ ﻳﺘﺼﻞ ﻋﻘﺎﺏ ﺍﻟﻠﻴﻞ
ﺗﺎﺭﻳﺘﻪ ﻓﺮﺥ ﻣﺮﺍﺩ ﺩﺍﺭﺟﻮﺍﺯﻩ ﻭﺳﺎﻓﺮ ﻻﻣﺮﻳﻜﺎ
- ﻣﺮﺍﺩ : ﺍﻧﺎ ﻧﻜﻠﻢ ﻓﻴﻚ ﻣﻦ ﺍﻣﺮﻳﻜﺎ ﻳﺎ ﺑﻮﻯ
- ﻳﺤﻰ ﻣﺎﺳﺘﻮﻋﺒﺶ ﺍﻟﻜﻠﻤﻪ : ﻣﻨﻴﻦ ﺗﻜﻠﻢ ﻓﻴﺎ
- ﻣﺮﺍﺩ : ﻣﻦ ﺍﻣﺮﻳﻜﺎ ﻳﺎ ﺑﻮﻯ … ﻣﺘﺨﺎﻓﺶ ﻋﻠﻴﺎ ﻭﺳﻠﻤﻠﻰ ﻋﻠﻰ ﺍﻣﻰ ﻭﺻﻼﺡ ﻭﺧﻮﺍﺗﻰ
ﻭﺍﻧﻔﺼﻞ ﺍﻟﺨﻂ
- ﻳﺤﻰ : ﻳﺎ ﺳﺎﻟﻤﻪ ﺗﻌﺎﻟﻰ ﻭﻟﺪﻙ ﻣﺮﺍﺩ ﺳﺎﻓﺮ ﻻﻣﺮﻳﻜﺎ
ﺟﺖ ﺳﺎﻟﻤﻪ ﻭﺑﻨﺎﺗﻬﺎ ﻣﺨﻠﻮﻋﺎﺕ ﻣﻦ ﺻﻴﺎﺡ ﺑﻮﻫﻢ
ﻭﻳﺤﻰ ﻳﻔﻜﺮ ﺍﻥ ﺍﻟﻤﺸﻜﻠﺔ ﻣﺶ ﻫﻨﺎﻳﺎ ..
ﺍﻟﻤﺸﻜﻠﺔ ﻓﻜﻼﻡ ﺍﻟﻨﺎﺱ
ﻭﺯﻣﺎﻥ ﻓﻰ ﺍﻟﺜﻤﻨﻴﻨﺎﺕ ﻣﻜﻨﺶ ﻓﻰ ﻣﻜﻴﻔﺎﺕ …
ﺍﻟﺮﺟﺎﻟﺔ ﻛﻠﻬﺎ ﺗﺘﺒﺮﺩ ﻓﺎﻟﺸﻮﺍﺭﻉ ﻣﻦ ﺍﻟﻨﻮ
ﻭﻫﺎﺗﻚ ﻳﺎ ﻗﺮﻣﻪ ﻓﻼﻥ ﺧﻨﺐ ﻓﻼﻥ ﺍﺳﺘﻐﻨﻰ
ﻭﺍﻟﻨﺴﺎﻭﻳﻦ ﺍﻟﻔﻄﻮﺭ ﻛﻞ ﻳﻮﻡ ﻋﻨﺪ ﺟﺎﺭﺓ ﻭﻣﻨﺤﻜﻴﻠﻜﻤﺶ ﻃﺮﺍﻟﻬﺎ ﻭﺟﺮﺍﻟﻬﺎ
ﻭﻳﺤﻰ ﺿﺎﺑﻂ ﻣﻬﻢ ﻭﺗﻬﻤﻪ ﺳﻤﻌﺘﻪ
ﻓﻘﺮﺭﻭ ﻳﻘﻮﻟﻮ ﻟﻠﻨﺎﺱ ﺍﻥ ﻣﺮﺍﺩ ﺟﺎﺗﻪ ﺑﻌﺘﻪ ﻻﻣﺮﻳﻜﺎ ..
ﻭﺳﺎﻓﺮ ﻓﻴﺴﻊ ﻣﻨﻐﻴﺮ ﻣﺎﻳﺴﻠﻢ ﻋﻠﻰ ﺣﺪ
ﻻﻥ ﺑﻮﻩ ﺣﺼﻠﻬﺎﻟﻬﺎ ﺑﺎﻟﻮﺍﺳﻄﻪ
“ ﺍﻳﺎﻡ ﺯﻣﺎﻥ ﺍﻟﻮﺍﺳﻄﻪ ﻭﺍﻟﻤﺤﺴﻮﺑﻴﻪ ”😁😁
____________________
ﺍﻟﺴﻨﻪ ﺍﻟﻠﻰ ﺑﻌﺪﻫﺎ ﺟﺖ ﺍﻟﻐﺎﺭﺓ ﻋﻠﻰ ﻟﻴﺒﻴﺎ
ﻭﺍﻧﻘﻄﻌﺖ ﺍﻻﺗﺼﺎﻻﺕ ﺑﺎﻣﺮﻳﻜﺎ
ﻭﺍﻟﺤﻮﺵ ﺍﻟﻠﻰ ﻳﻀﺮﺏ ﺭﻗﻢ ﺗﻠﻴﻔﻮﻥ ﻻﻣﺮﻳﻜﺎ ﻫﺪﺍ ﺣﻮﺵ ﻣﺸﺒﻮﻩ …
ﻭﺗﺠﻰ ﺍﻟﻠﺠﺎﻥ ﺍﻟﺜﻮﺭﻳﺔ ﺍﺩﻳﺮ ﻓﻴﻬﻢ ﺣﻮﺳﺔ
ﻭﻣﻨﻬﺎ …
ﻭﺍﻧﻘﻄﻌﺖ ﻛﻞ ﺍﺧﺒﺎﺭ ﻣﺮﺍﺩ …
ﺳﺎﻟﻤﻪ ﻣﺘﻘﻄﻌﻪ ﻋﻠﻰ ﻭﻟﺪﻫﺎ …
ﻭﻳﺤﻰ ﻳﺼﺒﺮ ﻓﻴﻬﺎ : ﻭﻟﺪﻧﺎ ﻋﺎﻗﻞ ﻳﺎ ﻓﺎﻃﻤﻪ ﻣﺘﺨﺎﻓﻴﺶ ﺧﻴﺮﻙ ﺍﻧﺘﻰ
___________________
ﺟﺖ ﺍﻟﻬﺎﻡ ﻻﻣﻬﺎ : ﻳﺎﺍﺍﻡ ﺑﻨﻤﺸﻰ ﻟﺤﻮﺵ ﺟﻴﺮﺍﻧﺎ ﻧﻌﺎﻭﻧﻬﻢ
- ﻳﺤﻰ : ﻣﻨﻬﻤﺎ
- ﺍﻟﻬﺎﻡ : ﺣﻮﺵ ﻓﺎﻃﻤﻪ
- ﻳﺤﻰ : ﻣﻦ ﻓﺎﻃﻤﻪ
- ﺳﺎﻟﻤﻪ : ﻫﺎﺩﻭ ﺟﻴﺮﺍﻧﺎ ﺍﻟﻠﻰ ﻣﺤﻮﻟﻴﻦ ﺟﺪﺩ
- ﻳﺤﻰ : ﻭﺭﺍﺱ ﺑﻨﻴﺘﻰ ﻓﻜﻴﻨﺎ ﻣﻨﻬﻢ .. ﺑﻮﻫﺎ ﻟﺤﻴﺘﻪ ﺗﻀﺮﺏ ﻟﺼﺪﺭﻩ ..
ﻭﺍﻧﺎ ﺗﻌﺮﻓﻴﻨﻰ ﻓﻰ ﻣﻜﺘﺐ ﻣﻘﺎﻭﻣﻪ ﺍﻟﻜﻼﺏ ﺍﻟﻀﺎﻟﺔ ..
ﻭﺭﺍﺱ ﺑﻨﻴﺎﺗﻰ ﻣﺎﺗﺤﻄﻮﻧﻰ ﻓﻰ ﻣﻮﻗﻒ ﻣﺶ ﺑﺎﻫﻰ
- ﺍﻟﻬﺎﻡ : ﺑﺎﻟﻌﻜﺲ ﻳﺎﺑﻮﻯ .. ﻭﺍﻟﻠﻪ ﻋﻤﻰ ﻣﺤﻤﻮﺩ ﻣﻦ ﻧﻌﻢ ﺍﻟﻨﺎﺱ ..
ﺳﻴﻮﺭﻙ ﺗﺘﻌﺮﻑ ﻋﻠﻴﻪ ﻭﺗﻘﻮﻝ ﺣﻖ ﻛﻼﻡ ﺍﻟﻬﺎﻡ
ﻭﻃﻠﻌﺖ ﺍﻟﻬﺎﻡ ﻣﺸﺖ ﻟﻔﺎﻃﻤﻪ ﺑﻴﺶ ﺗﻌﺎﻭﻧﻬﺎ ﻓﻰ ﺿﻤﺎﻥ ﺍﻟﺤﻮﺵ ﻭﺍﻟﺤﻮﺳﺔ
” ﺯﻣﺎﻥ ﺍﻟﻨﺎﺱ ﻃﻴﺒﻪ ﻭﺗﻌﺎﻭﻥ ﻓﻰ ﺑﻌﻀﻬﺎ ﻣﺶ ﺯﻯ ﺗﻮﺓ ﺍﻟﻠﻰ ﺗﻔﻜﺮﻯ ﺗﻌﺎﻭﻧﻴﻬﺎ ﺗﻘﻮﻝ ﻫﺎﺩﻯ ﺟﺎﻳﺔ ﺑﺘﺒﺨﺮﻟﻰ ﻣﻔﻴﺶ ﺛﻘﻪ ”😁😁
_____________________
ﻓﺎﻃﻤﻪ ﻣﻮﺍﻟﻴﺪ 75 ﺍﻟﻜﺒﻴﺮﺓ ﻓﻰ ﺧﻮﺗﻬﺎ ﻭﺧﻮﺍﺗﻬﺎ ﻛﻠﻬﻢ ﺍﺻﻐﺮ ﻣﻨﻬﺎ …
ﻭﻫﻴﺎ ﻭﺍﻟﻬﺎﻡ ﺍﻧﺪﺍﺩ .. ﺍﻋﻤﺎﺭﻫﻢ 11 ﻋﺎﻡ .. ﻳﻘﺮﻭ ﺻﻒ ﺍﻟﺨﺎﻣﺲ
ﻭﺧﺸﺖ ﻓﺎﻃﻤﻪ ﻧﻔﺲ ﻣﺪﺭﺳﻪ ﺍﻟﻬﺎﻡ .. ﻭﻗﻌﻤﺰﺕ ﻣﻌﺎﻫﺎ ﻓﻰ ﻧﻔﺲ ﺍﻟﻤﻘﻌﺪ
ﻭﺑﺎﻟﺮﻏﻢ ﻓﺎﻃﻤﻪ ﻋﻤﺮﻫﺎ ﺻﻐﻴﺮ ﻟﻜﻦ ﻛﺎﻥ ﺣ