مهما توجعت او تضايقت ، رد بالك تسمح لأي حد أنه يتصدق عليك بمشاعر مزيفه ، ماتخليش حد يعيشك في مشاعر وهمية فقط باش يراضيك هالشوية !
لأن الوجع مهما طال حيجيه يوم ويتم ، حيجي يوم وينتهي ، ولأن جروحك سيورها حتطيب وحتبرأ وحتقدر انت تتجاوزها !
ما تخليش حد يوهمك لفترة لأنه صدقني لما تفيق وتصحى حيقطعك الندم ع نظرات الشفقه ياللي حتشوفها وع الكلام ياللي حتسمعهم يقولوه من وراك !
ما تخليش حد يسخف عليك لأن انت اقوى بهلبا من هكي !
لانك تقدر تطيح وتنوض بروحك ! 🙂♥️
لأنك مش محتاج لمساعدة اليوم و شفقه غدوة ،
يلعنها المشاعر والالام ياللي تخليك ضعيف في نظر الناس ، توجع بروحك وابكي بروحك ، عيط خبط ، انحرق بس ما تبينش لحد انك في حاجه ليه ! ما تبينش انك محتاج سند وظهر !
خليك الانسان ياللي يتمنو يكونوا جنبه ، بس عارفينه مش محتاج حد ! 👌🔥♥️