معادش نحبه ، معادش لما نشوف صورته نفرح و قلبي يفز و فمي يضحك ، معادش نتكلم عليه و نقلد فيه ، معادش نجبد في سيرته زي زمان اللي كل يومي معبي بكلامي عليه لين اللي يسمعولي ملوا و اني عُمري ما مليت ، معادش عيوني يلمعوا لما يسألوني عليه ، بديت نتضايق لما يذكروني بيه ، بديت ننسى فيه ، نسيت ذكرياتنا بحلوها و مُرها ، قدرت نتخطاه اللي زمان نقول يا هو يا الموت ، و اهو توا لا هو لا الموت اني عايشة عادي زي ما كنت عايشة قبله ، حياتي من غيره عادية و بيه هو زايد و توا رجعت عادية ، وجوده عادي و غيابه بدي عادي و ما يتعبنيش زي زمان ، عشت من غيره و مازال بنعيش .