(استشهاد الإمام علي "ع" )
#مشتـركة بأنامل خدام الحسين

•• خويه اول تالي ياريحانه ••
•• نفطر ابلا ام ولا بو ويانه ••
.................

البيت أظلم خويه ياريحة هلي
راحت امي وراح مني مدللي
يلي بشوفتهم الهم ينجلي
وشوف گلبي موجره نيرانه

✍🏻#ولائـية_وافتـخر (دعاء العامري)
..............

البيت يحله ابكَعدت الام والابو
بغيرهم جا ينسر اكَليبي ابمنو
مايلذ الزاد صدّكَ يالاخو
البيت عكَب الاب تتطيح اركانه

✍🏻#الشاعر_محمد_حسن_ضيغم

.........

خويه يحسين بدموعي افطر انه
مضلمه دنياي والموت اعتنه
مات ابوي وراح كل عزه وهنه
وهاي ايتامه تضل حزنانه

✍🏻#الشاعر_باقر_جبار_الشويلي

...............

خويه من راح الابو طاح العمد
نلوذ بيمن عگبه وبسدمن بعد
للمصايب بعده من هسه استعد
الفرح غاب وحزن دنيانه

✍🏻#نور_الولاية_الفاطمية
.........

خويه ماندري الوكت ياذينه
وراس ابونه بالطبر يدمينه
ظلت ايتامك علي حاجينه
سيف غادر بالقلب خلانه

✍🏻#جبار_عبد_الزهرة_الشويلي
...........