يــــــــــــادهر محـــد بقالي والغوالي
راحو وخلوني احن
حـــــــــايره ودمـــعي يلالــي باليالي
بيتهم ماينسكن
مابقه واحد الـــي***فاركوني كــــل هلي
____________________________
يادهر كلبي بونيــــــنه يحن عليهم
لجنت ماعرف اغفه له ابين اديهم
ارسم بعيني صور واذكر حجيهم
جنهم كبالي واعاتب اضل بيهم

يهلي مو انــــــي عليله مــستحيله
اكدر احمل غربتي
ليش عفتوني المــــصابي ياعتابي
ينكتب من دمعتـــي
ماطفه جمري وعلي
___________________________
والله مــــن حمـــل ظعنهم كل اخوتي
صحت بجفاهم لحد مـــاراح صـوتي
ولاكو واحد بالمحامل كـــــال فـوتي
كعدت مهظومه وكلت ياروحي موتي

ليــــش ماحنوا عليه مو خطيه
شلــون اظل لوحدي
حايره ابقــــه واتاني يازماني
بحيرتي منين ابتدي
بعد بالدنيـــــه شلي
____________________________
كتله بويه حسين فدوه هنا يغالي
خذني مااحـــمل هظم هاي ليالي
حته عبدالله بجه بويه عالحالي
عنــــدك اني مدلله ارحم دلالي


فدوه ناديته بونيني وبحنيني
كتله اني مدلله
ليل لمجافه ملامه وشينامه
راح اظل معلعــله
ليلي ماظن ينجلي
____________________________
انظر لبيتــــــي واشــــوفه خالي منهم
واشــتم الحيطان واتذكر عطـــــرهم
عيني تشبح عالدرب وانطر خبرهم
رده مابيهم هلي ياروحي جــــنهم

عيني مشبوحه بدربهم ولاحبهم
ماوصل منهم خبر
خايف عليهم دليلي اه يويلي
خاف صارلهم قدر
صوت نوحي يعتلي ____________________________
من الصبح لليل مـــرفوعات اديه
واقراه ايات لحـــــــفظ لهم هديه
ادعي ربــي والدمع يفزع عليه
ربي رجعلي المشوا كلهم سـويه

اندعي ربي يردهم يافكدهم
طفه بعيوني الضوه
حسين بفراكه مماتي ياحياتي
اخذ وياه الهوه
كلبي بلوه مبتلي

ليث البديري