٭٭ لهفة لقئ||』

-‏راهنوا على النهايّات ,
البدايات دائماً مُبهرة️🤍.

-‏أيها العوض الذي جاء من دعوةٍ لحوحة، من صرخةٍ مبحوحة، أيها المُشرق كالشمس ، المضيء كالقمر ..أحبك جدًا...️🤍.

‏〔 ياحبًا لم أستطِع إفلاته و لا تخطِيه🍭🦋.•〕

-‏قد بثّك الله في قلبي🍭🦋.•

القصه وجععت لي قلبي والله
ربي يجبر خواطرهم ويصبر قلوبهم ولايعيش أحد نفس اللي مروا فيه ...
يعنني ليش اهلنا مايتفهموا قرارانا ليش يحبوا يفرضوا كلامهم علينا احنا بشر ونحس +إنو ذا الشيء مايصير بالإجبار ماتنجبر روح على روح بس للاسف احنا عايشين بمجتمع يحب يفرق كل اثنين💔💔💔💔💔

#قصه_مجهوله

السلام عليكمم..

ياشباب بحكي لكم اليوم قصة ابن أخي عشان ذا الموضوع ذا حارق قلبي ولا بيدنا نفعل شي وإعذروني لو طولت

إحنا كنا معانا بيت للعائله بعناه وإشترينا بمكان ثاني إبن أخي كبر ودخل جامعه بالصدفه هناك حصل بنت كانت جارتنا بالبيت القديم قلبه إنطرح لها وحبها ياناس حب يشهد الله ماقد شفت حبه لها عند أي مخلوق والبنت الصدق محترمه ومعروفه بإخلاقها ... المهم وهي كمان بادلته نفس للشعور حبته وغيرت فيه حاجات عجزنا إحنا أهله نغيرها فيه خلته يتغير للأفضل الكل لاحظ إن فلان تغير وحسينا إن بحياته بنت مع ذالك ما سألنا ولا تدخلنا قلنا بيجي بنفسه يتكلم ... ليوم من الأيام حصلت الفاجعه وإحنا جالسين مع بعض كان هو وامه وانا وخواته يجي له إتصال ومن نبرته عرفنا إنها مزه بس ماتكلمنا 😂 المهم نبرته تغيرت رجعت حزينه وكان يصايح كيف وليش والله ماتكوني لغيري (نسي نفسه انه جنبنا ) وإحنا فهمنا من الموضوع انه البنت بتنخطب المهم قفل من عندها ولفت لعند امه جلس قبالها ومسك يدها وقلها يمه تعرفي بنت فلان الفلاني اللي كانت جارتنا بالبيت القديم قالت أمه أيوه باس يدها وقال يممه أبوس إيدك تخطبوها لي جو ناس يخطبوها أكثر من مره وهي ترفض عشاني وبدأو أهلها يضغطوا عليها يمه الله يخليك والله إنها حياتي وأنفاسي ومابقدر واتحمل تروح لغيري .. أمه طبعاً تعرف البنات وأخلاقها فرحت قوي وقالت تمام بتصل لأبوك واكلمه ..

إتصلت للأب لأنه كان مغترب قلها تمام بس إصبروا أسبوعين وبجي اليمن ونروح نخطب .. الولد طاار من الفرحه وإتصلها قلها إصبري أسبوعين بس أبي جاي وبنخطب والله مافلتك .. من فرحته سار يشتري الدبله وأغراض الخطوبه عشان يوصل أبوه ع طول يخطب ما يتأخرو ع حبيبته إللي تنتظره .. وصل أبوه فعلا وحصلت الصدمه ..

الأب : هيا يابني نسير نخطبلك
الولد : زغللت عيونه وطار فرح هيا يا ابا كل شي تمام
الأب : يابني ماعليك من بنت فلان إحنا رايحين نخطب لك بنت فلان صاحبي هي دكتوره مثلك
الولد : مشتيش دكتوره أشتيها هييي أحبها هي يابا لاتكسر بخاطري ماحب غيرها
الأب : حرام وطلاق من أمك ما تخطب غير الدكتوره فلانه بنت صاحبي الفلاني ..
الولد : طيب وحبيبتي اللي متحمله العذاب عشاني يا ابا حرام عليك لاتمسكني بيدي اللي توجعني لاتدخل أمي بالموضوع
الأب : أنا حلفت حرام وطلاق بالثلاث ويمني مابرجع عنه وبعدين هي مش دكتوره انا بخطبلك بنت فلان دكتوره مثلك ( كسر قلب ابنه عشان المستويات )

إحنا واقفين متحسرين عليه وع حالته وع صدمته حصلت أحدااث كثيره بختصرها لكم ...

في الأخير الأب شل أخوال الولد وسارو يخطبوا له وهو مش راضي ولا راح معاهم ..كان يقلنا أنا ايش بقلها اقلها انا وعدتك أسبوعين واجي وابي فرك بي وخطبلي غيرك يشتي يتجمل مع صاحبه بيحصل بها ملاحظه (أبوالبنت اللي ابوه يشتي يخطبها كان يتصله يقنعه بالخطوبه ) .. أقنعناه انه يكلم حبيبته أحسن ماتعرف من غيره كلمها ودخلو في حالة حزن يرثى لها حالهم تغير تماما وابن اخي إنقلب وتغير تماما رجع إنطوائي وحزين وكل يوم يحاول ومشاكل مع ابوه عشان يفسخ الخطوبه ..

بعد كم شهر الأب يشتي عرس .. الأبن رافض .. الأب بكل سهوله سوا نفس الحركه خلا ابنه يسافر عرس واحد من اصحابه شل أخواله وسارو يعقدو ابني مسافر وانا الوكيل حقه .. رجع من السفر وعرف اللي حصل وجنن لانه كان ناوي يفعل أي شي يخرب الخطوبه ويروح يأخذ زهرة قلبه وللأسف النصيب والقدر ماكتب لهم .. حبيبته عرفت بالعقد مرضت وكل يوم مستشفيات وهو من قهره عليها نفس الشي مرض ووجع وتعب وكل يوم هم وحزن وماعد نسمع له صوت من كثر الضغط والهم قلبه وجعه وفقد وعيه وبسبب الهم جاله تضيق بالشرايين وللأسف حبيبته جالها نفس المرض .. يجي يقلي ياعمه طز إن شاءالله أموت بس هي لا كيف افعل والله مابتحمل يحصلها شي .. عرسه الان قريب ولا كأنه عريس ماسمح لأي حد ينشر له تهنئه عشان حبيبته ماتشوف وتقتهر أكثر وخلاص قررو يقطعو تواصل ويرضو بالنصيب .. بس والله والله والذي رفع السماء انه حزين حزن لايعلم به الا الله .. عرسه بعد كم يوم إدعوا إن ربي يجبر خاطره هو وحبيبته ويزرع بقلوبهم القناعه .. (أحداث القصه كثيره بس إختصرتها وماتكلمت عن كمية المشاكل اللي حصلت)

بالأخير حابه أقول لكل أب مافي داعي تجبر بنتك او ابنك ع زواج مايشتيه .. اللي هي او هو مكتوب له بيتقبلها ولو بعد حين بيتقبلها وهو مقتنع انها نصيبه لكن مش حالي انك تجبر بنتك او ابنك ع زواج يكون مقتنع فيه انك خربت حياته من خلال ذا الزواج .. ورساله لكل اب بطلوا استخدام يمين الطلاق كسلاح ضد عيالكم ..

والعفو لو طولت🥺🥺🥺💔

‏- اختاروا صح
‏حتى لما يروح "المال والجمال " يضل الاصل والسند️🤍.

-ولانه حباً حقيقياً
لن يموت بسهوله ️🤍∞.

-الحب الحقيقي، لا يمكنك أن تغادره حتى بعد أن تقول وداعًا️🤍.

-صباحُ الخير ،
ومن ثمّ اللهمّ هُوَ️🤍.

- ‏لـ أيامي المقبله:
‏"تجمّلي بي ترى كلهم اوجعوني️🤍.

-نسأل الله عندما يأتي النصيب أن يكون رفيقاً حنوناً لينا صادقاً يُراعي الله في حُبه ووعده وقلب احبه، لا نهون عليه ولا يخون ولا يرحل ولا نحزن معه إلى آخر العمر 🤍🤍🦋.