- صُـداع

شوفو حثبت القصه حتى الي يريد يقراها يلكاها مثبته فـ ما يدور ويدوخ لان القناة كُلش هوسه و الي يريد يقرة قصتي يدخل على الرسائل المثبته يلكاها كلها

نــكـَد:
طبعاً شي اكيد حزنو بس بعد فترة رجعو لحياتهم الطبيعية ونسو حزنهم بس اهل بابا شي اكيد عتبو على ماما وحجو عليها لان مات الطفل ببطنها زين هنا اني عندي سؤال هيَ شنو ذنبها اريد افهم يلا اذا رب العالمين كاتب لهذا الطفل انو يموت هيَ شنو ذنبها زين هيَ مو ام هاا مو شالته ببطنها وتعبت بي 6 شهور لو لا؟ المهم مرت فترة سنه ونص او اكثر وهم ماما طلعت حامل وهم فرحو بس ماما هالمرة حاولت بكل جهدها انو تحافظ على هالطفل وهَم مرت 4 شهور او 5 وسوت سونار علمود يعرفون جنس الجنين وطلع بيها بنيه شي اكيد فرحو وهم انتظروها على أحر من الجمر واجه اليوم الي ولدت بي ماما والي هوَ يوم 2004/5/20 هنا اجت اول حفيده لعائلة اهل ماما واجت اول طفلة الأهلي بهذا اليوم اجت للدنيا اختي الجبيرة الي اموت عليها احلى يوم بالدنيا طبعاً ماما وبيبي الي هيَ امها جانو اثنينهم حوامل بس بيبي مات الطفل خطيه اي المهم فـ بالفترة الي اجت بيها زهراء للدنيا سببتلهم فرحة كلش جبيرة زهراء كلش حلوة ونازكة ولطيفة خاصة من جانت صغيرة على گولتهم تضحك للهوا اي فـ بوكت ولادة زهراء جان اكو حرب طائفيه بالنجف فـ هنا ماما واهلها اضطرو انو يروحون لغير محافظة وراحو لبغداد لبيت اخت جدو ابو ماما وصارت ولادة زهراء ببغداد كلها حبتها وتعلقت بيها وجانو حتى ميخلوها بالكاع ويلزمون عليها سره حتى يشيلوها ومرت الايام بسرعه وهدأت الاوضاع بالنجف ورجعو لمحافظتهم طبعاً ماما بذيج الفترة جانت كاعده بالنجف هيَ وبابا اي فـ اجت ايام وراحت ايام وكبرت زهراء وكبر حبها بگلوب عائلتها ومرت السنين بسرعه لحد ما صار عمر زهراء سنتين وماما هم طلعت حامل بس هالمرة هالحمل هذا راح يخرب حياتها وراح يدمر طفولة هالطفلة البريئة زهراء ........

12:00

11:11🤍

نــكـَد:
مرت فتره ما ادري اذا قصيرة او طويلة المهم بعد فتره ماما سوت تحليل وطلعت حامل وطبعاً هنا شي اكيد يطيرون من الفَرح بالأخَص ماما وحتى بابا جان كلش فرحان ومرت 4 شهور وراحت ماما سوت سونار وطلع بيها ولد وهنا الفرحه عدهم صارت اضعاف اهل ماما واهل بابا وبابا وماما هم جانو كُلش فرحانين ومنتظرين ولادة هذا الولد على أحر من الجمر بسس للأسف ما دامت هاي الفرحه ومات هذا الطفل جان عمره 6 اشهر ببطن ماما ومات ما جان مكتوبله يعيش فـ طبعاً اهل ماما عدهم فد عادة واعتقد اغلب الناس يسووها من يموت طفل قبل الولاده يسمو محسن على اسم ابن فاطمة الزهراء (ع) الي كتلو الكفار وهوَ ببطنها هاي اذا جان الطفل ولد اما اذا جان بنيه فـ يسموها حسناء لنفس السبب
شايفين لو جاي هذا الطفل وما ميت شكد جان متغيرة شغلات بحياتي وبحياة عائلتي كلها؟
مرات اضوج وابجي واكول يعني اني جان المفروض هسه عندي اخ جبير اخ يصيرلي سند بس الحمدلله والشكر على كُل حال ورب العالمين ميسوي شي يضر عبده فـ اكيد موت هذا الطفل بي صالح النه

اليوم هوَ اول يوم من شهر ديسمبر 🤍

-

طبعاً بابا هم اشگر حنطاوي وعيونه خضر 💚

نــكـَد:
ماما جانت وما زالت طبعاً كُلش حلوة شگره وبيضه كُلش وبشرتها جانت كلش صافيه وشعرها طويل يعني تخبل بإختصار 🌚

فـ خوالها بالحله همَ عرب يعني يعيشون بالبستان وعدهم بساتين وهاي وهمَ جانو كل فتره يروحون يمهم ماما تكول خالي جان كل ما يشوفني يكول ليش حاطه.مكياج واني احلف ما حاطه ويبقه يمسح بوجهي ميصدك 😂

اي فـ مرت الايامم وكبرت ماما واجه خالها وخطبها الإبنه

وطبعاً اهلها ما وافقو لان من عرب وماما متكدر على عيشتهم بس بنفس الوقت ما كدرو يحجون

بنفس الوقت ابن بنتها لخاله بيبي ام ماما هم خطبت ماما لابنها ميثم هيَ عدها 6 ولد وبنات إثنين

فـ بعدين طلع بابا يحبها لماما كُلش من الطفولة ولحد ما كبرو

فـ بعدين مدري شلون وافقو اهل ماما على ميثم

بس صارت مشاكل من خالها عرف انو همَ رفضوهم ووافقو على ميثم وحتى هددو يقتلو اذا تزوجها

فـ هنا اضطرو يسوون العرس بدون ميعزمون هواي ناس حتى خال ماما وابنه الي رايدها ميعرفون

المهم تزوجو وعاشو عيشة سعيده وحزينه بنفس الوقت وماما اكيد تحملت الشي الحلو والمر منهم وصانت بابا وعائلته وتحملتهم وساندت بابا بكلشيي

اسولفلكم عن زواجهم

بس مع ذلك ما حافظه تاريخ زواج اهلي 🌚

طبعاً اني انسانه كُلش احب احفظ التواريخ وكذا

ايي خلي اسولفلكم شوية

تدرون شنو اني مرات احس روحي ما اعرف اسولف لو ما اعرف ارتبلي سالفه واحجيها مثل الاوادم وهواي اجفص 😂

فـ كلت افتح قناة واحجي بيها قصتي من الطفولة وشلون بقيت وحدي ومن كبرت والسبب الي خلاني اترك كلشي بمحافظتي وانقل لغير محافظه

مرات احس الحجي الي كاتمته بداخلي يخنكني اريد احجي واسولف بس ما الكه احد يمي او اني ما اريد احجي الي بداخلي لشخص يعرفني

صَباحُ الخَير لـ تلك القلوب المُنهَكة 🤌🏻🤍

11:11