المصحف

‏وَلَا تَخَافِي وَلَا تَحْزَنِي ۖ

س : ليه بنقرأ سورة الكهف؟

ج / إحنا كمُسلمين بنقرأ سورة الكهف لأن نبينا صل الله عليه وسلم أخبرنا إنها نور بين الجُمعتين ، و النور ده يعني هداية ، بيهديك لإختيار الصح من الغلط ، بيدُلك على العمل الصالح اللي يوصلك لـ رضا ربنا ، و دي هداية إسمها هداية إرشاد ، كل اللي محافظ ع قراية سورة الكهف عارف كلامي ده كويس ، عشان هو عاشُه و حسُه بنفسه بين و بين ربه .

و إشمعنا سورة الكهف عن باقية سور القرآن ؟

لو ركزت و انت بتقرأ فيها هتلاقي ٤ قصص ، و الـ ٤ قصص فيهم أربع فِتن ، و هي دي الفتن اللي اتحصرت فـ دُنيتنا دلوقتي ،
' قصة فتية الكهف ' = و فيها فتنة الدين .
' قصة أصحاب الجنتين ' = وفيها فتنة المال .
' قصة موسى عليه السلام و الخضر ' = وفيها فتنة العلم .
' قصة العبد الصالح ذي القرنين ' = وفيها فتنة السُلطة .
و طبعاً كل قصة فيهم فيها دروس وعِبر ومواعظ مُهمة جداً .

كمان الرسول صل الله عليه و سلم قالنا ان اللي هيحفظ منها أول عشر آيات ربنا هينجيه من أكبر فتنة هتيجي للبشرية على الإطلاق و هي فتنة المسيح الدجال .

و كمان قرايتها سُنة عن نبينا صلوات اللَّه و سلامُه عليه 💙

الصلاة علي النبي يوم الجمعة فلنبدأ 💗.

‏عَسَى اللَّهُ أَنْ يَتُوبَ عَلَيْهِمْ إِنَّ اللَّهَ غَفُورٌ رَحِيمٌ

‏أَلَمْ يَعْلَمُوا أَنَّ اللَّهَ هُوَ يَقْبَلُ التَّوْبَةَ عَنْ عِبَادِهِ

‏فَاسْتَجَابَ لَكُمْ

هتبدأ ليلة النصف من شعبان من انهارده المغرب " .
ودى 6 حاجات مُهمه لازم تعرفها ..

1 - خلى بالك إن من أول يوم فى شعبان أكتر من 7 مليار ونصف صحيفه هتترفع، والصُحف دى كلها لو صحيفه واحده فيها "صيام" هتكون سبب ف مغفرة ذنوب السنه كلها ليك ..

2- "الدعاء" من بكره مُهم جداً أدعى كل اللى نفسك فيه وكل اللى بتتمناه لأهلك أو لأولادك أو لنفسك .. الليله دى هى اللى ربنا جَبر بخاطر النبى ﷺ فيها ورضاه بتحويل القِبلة من بيت المقدس إلى البيت الحرام بمكة وهي القِبلة اللى كان بيتمناها ..

عايز تعرف إيه أسرع دعاء مستجاب .. ؟

الإمام إبن تيمية رحمه الله عليه قال أن أسرع دعاء مستجاب هو دعاء الغائب للغائب .. إنك تفتكر صاحب او حبيب فتدعيله او يدعيلك .. ساعتها الدعاء مبياخدش وقت وبيبقى من الدعوات المقبولة .. والنبىﷺ بنفسه قال لسيدنا عُمر لا تنسنا يا اخى من دعائك ..

3 - ليلة النصف من شعبان ملهاش صلاه مُعينه ولا عباده خاصه ليها .. ربنا مقالش للمؤمنين فى كتابه ولا على لسان رسوله ولا فى سنته عمل خاص نعمله فى اليوم ده فرض انك تعمله .. يعنى لو متعود تصوم صيام إتنين وخميس صوم ولو متعود تختم القرآن أختمه او لو متعود تصوم صيام سيدنا داوود يوم ويوم هتكمل زى م أنت ماشى ..

4 - لازم تعرف إن ربنا بينزل فى كل ليله فى سماء الدنيا حين يبقى ثلث الليل الآخر ويقول: من يدعوني فأستجيب له، من يسألني فأعطيه، من يستغفرني فأغفر له، حتى يطللع الفجر .. فأدعى كتير وحافظ على قيام الليل لازم تصليها ..

لو هتسأل أشمعنا ده الشهر الوحيد اللى هترفع فيه الأعمال ؟
طيب هى الأعمال مبتترفعش فى باقى الشهور والأيام؟!

5 - هقلك النبىﷺ قالنا "يتعاقبون فِيكم ملائِكَة بِاللّيلِ، وملائِكَة بِالنهَارِ .. يعنى لحظه بلحظه تقرير يومى عنك وسريع .. ويجتمِعُون في صَلاةِ الصبْحِ وصلاةِ العصرِ .. وده التقرير اليومى عنك وعن كل اللى عملته ف اليوم .. وقالنا برضو "تعرض الأعمال يوم الإثنين والخميس، فأحب أن يعرض عملى وأنا صائم .. وده بمثابة التقرير الأسبوعى عنك ..
فى شهر شعبان بقى ده بيبقى بمثابة الجوله الاخيره والفاينل بتاع السنه كلها لأن ده الختم النهائى لأعمالك والتوبه وفرصتك بتحسين كل أعمالك قبل عرضها ع ربنا ف شهر واحد بس . !

6- شهر شعبان" من أهم الأوقات فى السنه اللى فيها كنز عطاء من ربنا ومغفرته الواسعه والكبيره وبيسموها أيام "النفحات" .. النبىﷺ بيقولنا "إن لربكم فى أيام دهركم لنفحات ألا فتعرضوا لها لعل أحدكم أن تدركه نفحة فلا يشقى بعدها أبداً" .. يعنى ممكن ف اليوم ده كل أحلامك اللى عشت تحلم بيها تتحقق ف لحظه ..

وذكر فإن الذكرى تنفع المؤمنين

فَصَبْرٌ جَمِيلٌ ۖ وَاللَّهُ الْمُسْتَعَانُ عَلَىٰ مَا تَصِفُونَ

‏وَنَحْنُ أَقْرَبُ إِلَيْهِ مِنْ حَبْلِ الْوَرِيدِ

وَجَآءَتْهُ اَلْبُشْرَىٰ.

﴿وَبَشِّرِ الصّابِرينَ﴾

﴿ولا تَخَف وَلا تَحزَن إِنّا مُنَجّوكَ﴾