Men tentib o'tmagan yo'llarni sana,
Meni tanimagan g'urbatni ko'rsat.
Borsam yuragimni yamab ber ona
Garchi dil deganda yamoqlar qat qat.

Dunyo boy berilgan imkonlarga lim,
Balki shuning uchun bag'ri ulkanda.
Men har bir imkonni yashab o'tdim jim
Chunki qo'l yo'q edi mening yelkamda.

Ayt bu she'rparasting kimga o'xshaydi,
Kimdan olib berding menga g'amlarni?
Ona ko'zlarimda tonglar yashaydi
Men esa yashayman qorashomlarni.

Majnuna