((خطاب زينب عليها السلام مع زوجها عبدالله ابن جعفر ))
زوجي العزيز.. أرجو القَبول..هذا الامر رَباني
من ابقه اموت.ارخصني اروح.الكربله ويه اخواني
………………………………………
آية الله العظمى زينب بنت ابو اتراب الفحل
ماتعدت بابه شعره الا عبدالله قبل
تعرف الدين واصوله حاشا ماتخطى بعمل
گلها مرخوصه بسلامه يرد ضعن كل الاهل
بنت الاصول..بنت الرسول..زينب تره مربايه
زينب مثل..امها وشَبَه..من امها عدها هوايه
………………………………………
شافها امن ابعيد اخوها يابو فاضل گله شوف
شوف ابن عمك يزتها زلمه ويساوي الألوف
زينب اويانه تسافر عاندت كل الضروف
گله خويه اختي برگبتي واعله ناگتها آنه اطوف
وجها ابتسم..لمن اجت..هَم هيه اجت فرحانه
گلبه انشرح..كلش فرح..گال امي احسها ويانه
………………………………………
وصلت ابين الهواشم حضنت اخوتها حَضن
وجانت الفرحه شكبرها وانكسر ظهر الحزن
گالت شلون ابقه وانتم ماكو يعني آنه بسجن
گلها زينب انتي عيني ابلا وجودج مو فطن
دمع الفرح..جاس الارض..خَضر ورد بالديره
جَمعت أهل..ضَعن اكتمل..عباس هوه يديره
………………………………………
وصه ابن عمه ويگله انته عيني هنا بقيت
يابو عون انته بمكاني يـاوفي ويانه وفيت
گله ناوي وياك اسافر گله لاتبقه نويت
تكفي بس حچايه منك والوفه بعينك قريت
كلك وفه..وارث ورث..من عمي جعفر زودك
اهلي اهل..كل الوفه..والنعم نسخة عودك
………………………………………
وانطلق موكب محمد والفواطم والحسين
وابو فاضل طَش اخوته عاليسار وعاليمين
والشمس غَضت بصرها عن رحال الاكرمين
والهوه اليعله يذبحه گدها ولد ام البنين
من كلن ركن..واحد فطن..اربع جهات اخذوها
كلمن تمر..رجله الضعن..لليعبر يكسروها
………………………………………
محرم 1444هـ
محرم 2022م
محمود الساعدي
رابط القناة 👇👇
t.me/mamoodAlabdalah
