? هيئة الزهراء ع ?

فدوة لكلبج😘❤️

نعم😁❤️

باقي ١٠٠ يوم💔
ونسمع الحاج باسم الكربلائي يكَول:
يَ عباس جينه مشاية.

اهلا وسهلا بكل من انظم الى قناتنا المتواضعة💚

احب اسولفلكم ع شي 🧡

تدرون شنو احلى شعور يمر بي الإنسان؟ تدرون شنو احلى شي ممكن يحدث للشخص ؟ احلى شي واحلى شعور ممكن يحدث وياي ووياك انك تترك شي لاجل الله ..شي متمسك بي كلش وتحبه ومتعلق بي وفجأة تصحى ع نفسك وتكتشف ان هالشي بدأ يخرّب العلاقة بينك وبين ربك ،وبدون أي تردد تنهي وتخلي يمه نقطة وكأن شي ماصار،متتخيل شعور انك تترك شي انت تحبه لان الله ميحبه ،ولا تتخيل العطايا اللي الله يمن عليك بيها من تسوي هيج ، وتدري شنو الشي الحلو أكثر ؟ من يكون هذا الشي ماخذ قلبك كله ومتعلق بي تعلق شديد ، ومن تعوفه تتأذه حييييل ..تبجي تضوج تنقهر لانك عفته ، بس من باب ثاني ف انت فرحان لان هالشي لله ، هذا الالم وهاي الأذية اللي تتأذاها كفيلة أن تقلب حياتك رأسًا على عَقِب ، كفيلة أن ترفعك للملكوت ،كفيلة أن تجعلك إنسان ثاني يختلف عن قبل سنة ، كفيلة أن تنطيك كل اللي تريده .. احلى شي العبد يسويه وي ربه من يبدي يترك كلشي ميحبه ويسوي كلشي هو يحبه ..


من انتِ مثلا عندج علاقة وي ولد ..تحبي ويحبج وتحجين وياه ويحجي وياج ومتفقين ع زواج بس كل هذا قبل العقد الشرعي ..بغض النظر عن نوع العلاقة اللي بينكم ف هي علاقة ..اكو وحدة مثلا تكلي بس اني اريد اتقرب لله وياه ويكعدني لصلاة الفجر ونصلي الليل سوة و... اكلها حبيبتي اصحي من هالوهم لان لايُطاع الله من حيث يُعصى !! اذا انتِ كلامج وياه حرام ف شلون تريدين تسوين عبادة بنص الحرام!!!! هذا وهم قنعج بي إبليس لاأكثر .. العلاقة الشرعية هي اللي تبدي بعد العقد الشرعي ..وترا مو كل اللي ماعندها واحد يصحيها ع صلاة الفجر معناها متكعد تصلي بوقتها! ولاتصلي الليل ! لاياحبيبتي هيج ميصير صدكيني ...المهم نرجع لموضوعنا
من انت عندج علاقة وياه وتحبي ويحبج وبعدين عرفتي ان هالشي ميصير وغلط وميجوز ..قررتي ان تتركين هاي العلاقة لان الله ميحبها ولان انت تكولين احب الله ف اكيد ان المحب لمن احب مطيع ف اكيد حتعوفيها لاجل الله .. شكد متتعذبين وتتأذين شكد ماربج يعوضج ..شكد ماتبجين شكد ماربج يحول هالدموع فرح ..والله ثم والله ثم والله ..ماكو واحد ترك شي يبغض الله فقط لانه يحب الله وماعوضه رب العالمين بأفضل من اللي خسره .. مادام انت مسوية اللي يريده الله تتخيلين الله مراح يسوي اللي تريدي؟؟

( ولسوف يعطيك ربك فترضى ) هو مو بس راح يعطيك ..هو راح يعطيك لحد مترضى ..لحد متشبع ...لحد متوكف ع السجادة وتكول ياااااارب شهالعطاء؟ اني شمسوي وهالكد دتنطيني؟

ممكن ماينطيج زوج صالح ..بس ينطيج سُمعة صالحة وحياة ناجحة ومستقبل زاهر وعاقبة حَسِنة وحب بقلوب الناس الج .. هاي اذا اذا اذا ماانطاج الزوج الصالح ..


من اليوم حاولوا تصفون اللي بينكم وبين الله .. تركوا كلشي هو ميريده وتمسكوا بكلشي هو يريده ،الحياة وي الله فعلا حياة .. مراح تلكه واحد يتحمل يشوفك باليوم ٥ مرات وبكل حالاتك ..مرة تجي جوعان مرة تجي تعبان مرة تجي ضايج مرة تجي طالعة روحك من الدنيا ...ورغم هذا تلكاه فاتح الباب ويكلك ( من اتاني يمشي اتيته هرولة ) !!

تخيل تجي تتمشى ..يجيك هرولة ..مو لانك فلان ابن فلان .. بس لانّه يريد ينطيك ويرضيك ويكرمك ويرفع مقامك ..ومو علمود شي! بس لانك سويت اللي يريده ومشيت بأمره ...ربك سترك وغطاك وراحتك وفرحتك .. وبالاخير اكلك اسمع هالحديث وانت احكم ..

(ان الله يباهي الملائكة بالشاب التائب فيقول : انظروا لعبدي ،لقد ترك شهوته من أجلي)

حديث قُدسي ..💙

وبكيفك بعد🧡