#على_السريع
- عارفين انو في انباء (غير مؤكدة) عن انو في خطاب للبشير يوم الجمعة .
- عارفين انو نافع قلل من مليونية ٦ ابريل وقال "كلها يومين وحنشوفها قدر شنو"؟؟
- عارفين انو بكرة الامام الصادق المهدي حيخطب في المسجد ودعا الانصار والشعب يحضر الجمعة معاهو وشجع الانصار يجوا من الولايات للخرطوم؟ "ما عارفين الانصار قدر شنو ما تتكلموا"
- عارفين انو الدقير بكرة عندو خطاب للشعب السوداني في لايف على الفيسبوك الساعة ٤؟
- عارفين انو التجمع قال لناس الولايات تعالوا الخرطوم للمليونية؟؟؟
- عارفين انو في غنجة صباحية من ناس الشجرة الحماداب؟
- عارفين انو في مواكب شغالة هسي (مواكب الخبز والكرامة) ؟ وجبرة اول المستجيبين للنداء
- عارفين انو جامعة كسلا مدورة من الصباح؟ وهسي جامعة الرباط دورت برضو؟
- عارفين انو ناس وصلوا كوتاااار وصلوا الخرطوم عشان يشاركوا في المليونية؟
- عارفين انو ما في مواكب احياء في ٦ ابريل؟ يعني الموكب حيكون مركززززي فقط ، يعني ما عايزنك تكون في حلتك يوم السبت
- لو ما عارفين الترابة في خشمكم
و اذا عارفين امشوا اعلنوا #موكب6ابريل