- عِلاقتكو إنتهت إزاي؟
= هو كان في الأول لطيف جدًا معايا، بيقول كلام حلو، بيبعت أغاني فيها جُمل تخطف القلب، بيكلمني الصُبح وفي نُص اليوم وفي أخر اليوم كمان، بحكيله حصل معايا إيه وهو كمان بيحكيلي، ومرّة واحدة كدا سكت! ما بقاش يكلمني .. بس أنا ما عملتش حاجة، هو اللي سكت وقرر يبعد.
- ما جربتيش تكلميه؟
= كُنت بتطمن عليه من بعيد فلقيته بقى يكلّم ناس جديدة وبيهزر معاهُم على السوشيال ميديا، حسيت إنّه نسيني أو جايز كدا والله أعلم إنّي كُنت بالنسبة له مُجرّد فترة!