Min Khant Kyaw

ပဲခူးတိုင်း၊ ပန်းတောင်းမြို့နယ်အတွင်းရှိ
စစ်ကောင်စီ၏ ညောင်ကျိုး လက်နက်ကြီးအထိုင်ချစခန်းနှင့် နတ်တောင်တာဝါတိုင် စခန်းကုန်းတို့တွင် အာရက္ခတပ်တော် (AA) နှင့် တိုက်ပွဲအပြင်း အထန်ဖြစ်ပွားနေကြောင်း သိရသည်။

ညောင်ကျိုးစခန်း၏ ကာကင်းစခန်းကုန်းဖြစ်သည့် နတ်တောင်တာဝါတိုင်းစခန်းကို ယမန်နေ့ ဖေဖော်ဝါရီ ၂၃ ရက်နေ့တွင် AA က ပိတ်ဆို့ထားပြီး ညောင်ကျိုးစခန်းတွင်ပါ ထိုးစစ်ပြင်းထန်၍ တိုက်ပွဲအပြင်း အထန် ဖြစ်ပွားနေကြောင်း သိရသည်။

"ပုဂံကွဲကျပြီးတဲ့နောက် နတ်တောင်စခန်းက အပိတ်ခံ ထားရတာ။ စားနပ်ရိက္ခာလည်းမပို့နိုင်လို့ ငတ်ပြတ်နေတယ်လို့ သိထားတယ်။ ညောင်ကျိုးကနေ ရိက္ခာရော လက်နက်ခဲယမ်းရော ဘာမှ မပို့နိုင်တော့တာ။ စခန်းကုန်းထဲအကုန်ပိတ်မိနေကြတယ်" ဟု စစ်ရေးသတင်းရင်းမြစ်က ဧရာဝတီ တိုင်းမ်ကို ပြောသည်။

အင်အား ၁၀၀ ခန့်ရှိ စစ်ကောင်စီတပ်ဖွဲ့များ ပိတ်မိနေသည့် နတ်တောင်တာဝါကုန်းစခန်းသည် AA သိမ်းပိုက်ထားသည့် ပုဂံကွဲစခန်းနှင့် ထိုးစစ်ဆင်တိုက်ခိုက်နေသည့် ညောင်ကျိုးလက်နက်ကြီး အထိုင်စခန်းတို့ကြားတွင် တည်ရှိကြောင်း သိရသည်။

ယမန်နေ့က တိုက်ပွဲပြင်းထန်နေချိန် စစ်ကောင်စီက စက်တပ်လေထီးများဖြင့် ဗုံးလာကြဲရာတွင် စက်တပ်လေထီး (Paramotor) နှစ်စီးကို AA က ပစ်ချခဲ့ရာ စက်တပ်လေထီးနှင့်အတူလိုက်ပါလာသူ စစ်ကောင်စီတပ်ဖွဲ့ဝင် နှစ်ဦးလုံးသေဆုံးသွားကြောင်း သိရသည်။

ညောင်ကျိုးတိုက်ပွဲအတွင်းသို့ ညောင်ခြေထောက်ရှိ အမှတ်(၆)ကာကွယ်ရေးပစ္စည်းစက်ရုံ (ကပစ-၆ ) အတွင်းမှနေ၍ လက်နက်ကြီးများဖြင့် ပစ်ကူတိုက်ခိုက်နေပြီး ညောင်ကျိုးနှင့် ကပစ စက်ရုံများမှာ ၁၀ မိုင်ဝန်းကျင်ခန့်သာ ကွာဝေးကြောင်း သိရသည်။

AA သည် ရခိုင်ပြည်နယ်နှင့် ပဲခူးတိုင်းအစပ်ရှိ တောင်ပုံကြီးစခန်းကို သိမ်းယူပြီးနောက် မိုးထိတောင် စခန်းကို ဆက်လက်သိမ်းယူခဲ့ရာ စစ်ကောင်စီက မိုးထိတောင်စခန်း ပြန်လည်ရရှိရေးအတွက် ပုဂံကွဲ၊ ညောင်ကျိုး၊ ညောင်ခြေထောက်တို့တွင် ခံစစ်စခန်းများတည်၍ ပြန်လည်ထိုးစစ်ဆင်လာခြင်းဖြစ်သည်။

ထိုသို့ထိုးစစ်ဆင်ရန် ကြိုးပမ်းလာသော စစ်ကောင်စီတပ်များ မိုးထိတောင်စခန်းမှ ပြန်လန်ကျကာ ခံစစ်စခန်းဖြစ်သည့် ပုဂံကွဲစခန်းအသိမ်းခံရပြီး လက်ရှိတွင် ညောင်ကျိုးနှင့် ကာကင်းစခန်းဖြစ်သည့် နတ်တောင်တာဝါတိုင်စခန်းတို့တွင်ပါ အပြင်း အထန်ထိုးစစ်ဆင် တိုက်ခိုက်ခြင်းကို ခံနေရသည်။

ဓာတ်ပုံ-စစ်ကောင်စီတပ်မှ စက်တပ်လေထီးလေ့ကျင့်နေစဥ်(ပုံဟောင်း)

#ပဲခူး #ပန်းတောင်း #နတ်တောင်တာဝါတိုင်ကုန်း #ကာကင်း #ညောင်ကျိုး #တိုက်ပွဲပြင်းထန် #စက်တပ်လေထီး #ပစ်ချနိုင် #AA #Ayeyarwaddy_Times

‼️Breaking News - စက်တပ်လေထီး (Paramotor) တစ်စင်း အမောင်းသင်​နေစဥ် ပျက်ကျပြီး စစ်ခွေး နှစ်ကောင် မသေမရှင် ဆန့်ငင်ဆန့်ငင်ဖြစ်နေ‼️

■ ဖေဖော်ဝါရီလ ၇ ရက်နေ့ကလဲ လေကြောင်းတိုက်ခိုက်မှု ပြုလုပ်နေစဥ် စက်တပ်လေထီး တစ်စီး ပျက်ကျခဲ့

ဖေဖော်ဝါရီလ ၂၂ ရက်နေ့ ဒီကနေ့ မနက် ၉ နာရီခန့် အချိန်က မကွေးတိုင်း၊ ဆိပ်ဖြူမြို့နယ် အခြေစိုက် ကပစ (၂၂) မှ အ​မောင်းသင်နေတဲ့ စစ်ရှုံးကောင်စီရဲ့ စက်တပ်လေထီး (Paramotor) တစ်စင်းဟာ အမြင့်အရောက်မှာ စက်ချို့ယွင်း ပျက်ကျခဲ့တာကြောင့် စစ်ခွေး နှစ်ကောင် မသေမရှင် ဆန့်ငင်ဆန့်ငင်ဖြစ်နေကြောင်း လေကြောင်းရန် စောင့်ကြည့် သတိပေးချန်နယ် NAS ရဲ့ ကင်းထောက်တွေထံမှ သိရပါတယ်။

ဒါ့အပြင် စစ်ရှုံးကောင်စီက ကပစ (၂၂) တွင် အထိုင်ချကာ အနီးနားရှိ ပြည်သူတွေရဲ့ ကျေးရွာတွေကို စက်တပ်လေထီး အသုံးပြု၍ ဗုံးကြဲ ဖျက်ဆီးလျှက်ရှိရာ-

ဖေဖော်ဝါရီလ ၇ ရက်နေ့ ည ၁၀ နာရီခန် အချိန်က ကပစ (၂၂) မှ တက်လာတဲ့ စစ်ရှုံးကောင်စီရဲ့ စက်တပ်လေထီး နှစ်စင်းအနက် တစ်စင်းက ကင်းမရွာရှိ စာသင်ကျောင်းကို ဗုံးကြဲ တိုက်ခိုက်ခဲ့ပြီး နောက်တစ်စင်းက စိုင်ခါင်းရွာအနောက်ဘက် တောကြားထဲ ပျက်ကျသွားခဲ့ကြောင်း၊ စက်တပ်လေထီး ပျက်ကျမှုကြောင့် စစ်ခွေးတစ်ကောင် ပေါင်ကျိုးသွားခဲ့ကာ စောက်ကျိုးကောင်ကို မကွေး စစ်ဆေးရုံသို့ ပို့ဆောင် ဆေးကုသပေးနေကြောင်း၊

ယင်းနောက် ဖေဖော်ဝါရီလ ၈ ရက်နေ့မှာ စက်တပ်လေထီး ပျက်ကျခဲ့တဲ့ နေရာသို့ လေထီးစုတ် အစအနတွေ ရှင်းလင်း ကောက်ယူရန်လာတဲ့ စစ်ခွေးကား နှစ်စီးကို တော်လှန်ရေး တပ်ဖွဲ့တွေက မိုင်းဆွဲပြီး ကြားဖြတ် တိုက်ခိုက်ခဲ့ရာ စစ်ခွေး ၁၀ ကောင်ခန့် ခွေးသေဝက်သေ သေဆုံးခဲ့ကာ စစ်ခွေးကား နှစ်စီးပါ မီးလောင်ပြာကျခဲ့ပြီး လက်နက်ခဲယမ်းတချို့ သိမ်းဆည်းရမိခဲ့ကြောင်း သိရှိရပါတယ်။

#4C_TruthNews

ကျောက်ဖြူ ကင်းလှည့်စစ်ကြောင်းတစ်ခုကို AA ကြားဖြတ်တိုက်ခိုက်

(စစ်ကောင်စီ အကျအဆုံးတချို့ရှိပြီး လက်နက်ခဲယမ်းတချို့ကို သိမ်းဆည်းရမိ)

သဉ္ဇာနွယ်- နိရဉ္စရာ၊ ဖေဖော်ဝါရီ ၂၁/၂၀၂၅

ရခိုင်ပြည်၊ ကျောက်ဖြူမြို့၊ အမှတ် (၃၂) ရဲတပ်ရင်းက အင်အား ၇၀ ခန့်ပါတဲ့ ကင်းလှည့် စစ်ကြောင်း တစ်ခုကို အာရက္ခတပ်တော် (AA) ကြားဖြတ်တိုက်ခိုက်ခဲ့တဲ့အတွက် စစ်ကောင်စီဘက်က အကျအဆုံး တချို့ရှိကာ လက်နက်အချို့ကိုလည်း AA က သိမ်းဆည်းရမိသွားခဲ့တယ်လို့ သတင်းရရှိပါတယ်။

မြေပြင်စစ်ရေး သတင်းရင်းမြစ်တစ်ဦးက "ဒီစစ်ကြောင်းက ကင်းပုန်းဝပ်နေတာကြာပြီ။ ရဲတပ်ရင်းက ဆိုပေမယ့် စစ်သားအင်အား ၇၀ လောက် ပါတယ်။ AA က ထိုးစစ်ဆင်တိုက်တာ။ တိုက်ပွဲက ၁၂ နာရီကျော်ကနေဖြစ်တာ၊ ၁ နာရီလောက်မှာ ရပ်တန့်တယ်။ အမှတ် (၃၂) ရဲတပ်ရင်းဖက်က ဒရုန်းတွေနဲ့ လာပစ်တယ်" လို့ နိရဉ္စရာကို ပြောပါတယ်။

သစ်ပုတ်တောင်၊ ဇိုင်ချောင်းနှင့်‌ ကျောက်ဖြူမြို့ကို သွားတဲ့ သုံးလမ်းဆုံအနီးမှာ ကင်းပုန်းဝပ်နေတဲ့ အင်အား ၇၀ ပါစစ်ကြောင်းကို အာရက္ခတပ်တော်(AA)က မနေ့က နေ့လယ် ၁၂ နာရီကျော်အချိန်ခန့်မှာ ကြားဖြတ်တိုက်ခိုက်ခဲ့တာဖြစ်တယ်လို့ ဆိုပါတယ်။

ကုလသမဂ္ဂ လွှတ်တော်ဆိုင်ရာ ကြားနာပွဲသို့ မြန်မာ လွှတ်တော်ကိုယ်စားလှယ်အဖွဲ့ တက်ရောက်၊ CRPH ကို တရားဝင် မိတ်ဖက် နှင့် ဆွေးနွေးဖက်အဖြစ် နိုင်ငံတကာက အသိအမှတ်ပြု

ရန်ကုန်၊ ဖေဖော်ဝါရီ ၁၇

ကုလသမဂ္ဂရုံးချုပ်တွင် ကျင်းပသည့် လွှတ်တော်ဆိုင်ရာ ကြားနာပွဲသို့ မြန်မာလွှတ်တော်ကိုယ်စားလှယ်အဖွဲ့ တက်ရောက်ခဲ့ကြောင်း ပြည်ထောင်စုလွှတ်တော်ကိုယ်စားပြုကော်မတီက သတင်းထုတ်ပြန်သည်။

ဖေဖော်ဝါရီလ ၁၃ ရက်နေ့မှ ဖေဖော်ဝါရီလ ၁၄ ရက်နေ့အထိ အမေရိကန်ပြည်ထောင်စု၊ နယူးယောက်မြို့ရှိ ကုလသမဂ္ဂရုံးချုပ်၌ “ရေရှည်တည်တံ့သော ဖွံ့ဖြိုးမှုပန်းတိုင်များအတွက် အကောင်အထည်ဖော်ဆောင်ရွက်မှုများ အရှိန်မြှင့်တင်ခြင်း။ ဘဏ္ဍာရေး၊ အဖွဲ့အစည်းများနှင့် နိုင်ငံရေး” ခေါင်းစဉ်ဖြင့် ကျင်းပခဲ့သည့် လွှတ်တော်ဆိုင်ရာကြားနာပွဲသို့ ပြည်ထောင်စုလွှတ် တော်ကိုယ်စားပြုကော်မတီ ဥက္ကဋ္ဌ ဦးအောင်ကြည်ညွန့် ဦးဆောင်သည့် မြန်မာလွှတ်တော်ကိုယ်စားလှယ်အဖွဲ့သည် သွား ရောက်တက်ရောက်ခဲ့ကြောင်း သိရှိရသည်။

မြန်မာလွှတ်တော်ကိုယ်စားလှယ်အဖွဲ့က “စစ်အာဏာသိမ်းမှုနောက် မြန်မာနိုင်ငံ၏ ဖွံ့ဖြိုးမှုများ ရပ်တန့်သွားခဲ့ရမှုများ၊ လွှတ် တော်နှင့် အမျိုးသားညီညွတ်ရေးအစိုးရတို့ ယင်းအခြေအနေများကို ကျော်လွှားနိုင်ရေး ကြိုးပမ်းနေမှုများ၊ အမျိုးသားညီ ညွတ်ရေး အစိုးရနှင့် တိုင်းရင်းသားတော်လှန်ရေးအဖွဲ့အစည်းများ၏ စိုးမိုးထိန်းချုပ်နယ်မြေများတွင် ဖွံ့ဖြိုးရေးလုပ်ငန်းများ ဆက် လက် ဆောင်ရွက်နိုင်ရေးအတွက် နိုင်ငံတကာအသိုက်အဝန်းက ပံ့ပိုးကူညီပေးစေလိုမှုများ” ကို ဆွေးနွေးခဲ့ကြောင်း သိရှိရသည်။

မြန်မာလွှတ်တော်ကိုယ်စားလှယ်အဖွဲ့က ကနေဒါနိုင်ငံနှင့် မလေးရှားနိုင်ငံတို့၏ အမြဲတမ်းကိုယ်စားလှယ်များနှင့်လည်း သီးခြားစီတွေ့ဆုံ၍ မြန်မာ့အရေးအခြေအနေများကို ဆွေးနွေးခဲ့ကြောင်း၊ နိုင်ငံတကာပါလီမန်များအဖွဲ့က ၂၀၂၁ ခုနှစ်၊ စစ်တပ်က တရားမဝင်အာဏာသိမ်းယူခဲ့သည့်အချိန်မှစ၍ မြန်မာလွှတ်တော်ကိုယ်စားလှယ်များက လွှတ်တော်တာဝန်များကို ထမ်းဆောင် နေခြင်းကြောင့် မြန်မာနိုင်ငံကို အဖွဲ့ဝင်အဖြစ် ဆက်လက်ထားရှိခဲ့ပြီး ပြည်ထောင်စုလွှတ်တော်ကိုယ်စားပြုကော်မတီကို တရားဝင်မိတ်ဖက်ဆွေးနွေးဖက်အဖြစ် အသိအမှတ်ပြုခဲ့ကြောင်း သိရှိရသည်။

ယင်းအသိအမှတ်ပြုမှုကို ညီလာခံများတွင် ဆက်လက်အတည်ပြုဆုံးဖြတ်ခဲ့ပြီး မြန်မာလွှတ်တော်ကိုယ်စားလှယ်အဖွဲ့အနေ ဖြင့် နိုင်ငံတကာပါလီမန်များအဖွဲ့၏ ညီလာခံများနှင့် အစည်းအဝေးများသို့ တက်ရောက်ကာ မြန်မာ့အရေးအခြေအနေများ၊ စစ်ကောင်စီ၏ အကြမ်းဖက်မှုများ၊ မြန်မာ့တော်လှန်ရေးအဖွဲ့အစည်းများ၏ ကြိုးပမ်းဆောင်ရွက်နေမှုများ၊ နေရပ်စွန့်ခွာတိမ်းရှောင်နေရသည့် ပြည်သူများ၏ အခက်အခဲများနှင့် လိုအပ်ချက်များကို ကမ္ဘာတစ်ဝှမ်းက ကျယ်ကျယ်ပြန့်ပြန့်သိရှိစေရန် ကြိုးပမ်းဆောင်ရွက်လျက်ရှိကြောင်း သိရှိရသည်။

ထို့ပြင် မြန်မာနိုင်ငံ၌ တရားမဝင်စစ်အာဏာရှင်စနစ်ကျဆုံးရေးနှင့် အနာဂတ်နိုင်ငံတော်သစ်တည်ဆောက်နိုင်ရေးအတွက် တော်လှန်ရေးအင်အားစုများနှင့် ပူးပေါင်းဆောင်ရွက်ပေးစေလိုသည့်၊ ပံ့ပိုးကူညီပေးစေလိုသည့် ကိစ္စရပ်များကို တိုက်တွန်းလုပ်ဆောင်လျက်ရှိကြောင်း သိရှိရသည်။

ယခုလွှတ်တော်ဆိုင်ရာကြားနာပွဲသို့ ပြည်ထောင်စုလွှတ်တော်ကိုယ်စားပြုကော်မတီ ဥက္ကဋ္ဌ ဦးအောင်ကြည်ညွန့်နှင့်အတူ ပြည်ထောင်စုလွှတ်တော်ကိုယ်စားလှယ်များ ဖြစ်ကြသည့် NUG ဝန်ကြီး ဒေါက်တာဝင်းမြတ်အေး ၊ လွှတ်တော်အမတ် ဒေါ်မြတ်သီတာထွန်း (နိုင်ငံတကာဆက်ဆံရေးကော်မတီ ဥက္ကဋ္ဌ) တို့ ပါဝင်တက်ရောက်ခဲ့ကြောင်း သိရှိရသည်။

မုံရွာတောင်နယ်ဘက်မှ
မိတ်ဆွေများ အထူးသတိထားကြပါ။
နမခ ခွေးတပ်ကနေ paramotorတွေ
အတက်များနေပါတယ်။
ဘေးကင်းကြပါစေ။

ပြည်တွင်းလုံခြုံရေးကို အထူး ခြိမ်းခြောက်တဲ့နိုင်ငံအဖြစ် မြန်မာနိုင်ငံကို ကန်သတ်မှတ်

အမေရိကန်ပြည်ထောင်စုရဲ့ ပြည်တွင်းလုံခြုံရေးကို အထူး ခြိမ်းခြောက်နေတဲ့နိုင်ငံအဖြစ် မြန်မာနိုင်ငံကို သမ္မတ Donald Trump က ဆက်လက်သတ်မှတ်လိုက်ပါတယ်။

မြန်မာနိုင်ငံမှာ အာဏာသိမ်းအုပ်ချုပ်နေတဲ့စစ်တပ်ဟာ ပြည်သူအများရဲ့ဆန္ဒကိုဆန့်ကျင်ပြီး နိုင်ငံရဲ့ ဒီမိုကရေစီအသွင်ပြောင်းမှုနဲ့ တရားဥပဒေစိုးမိုးမှုတွေကို အားနည်းချည့်နဲ့အောင်လုပ်ဆောင်နေတဲ့ အတွက် အမေရိကန်ပြည်ထောင်စုရဲ့ အမျိုးသားလုံခြုံရေးနဲ့ နိုင်ငံခြားရေး မူဝါဒအပေါ် သူမတူတဲ့ ခြိမ်းခြောက်မှုဖြစ်တယ်လို့ သမ္မတ Trump က လွှတ်တော်ကို ပေးပို့တဲ့စာမှာ ဖော်ပြထားပါတယ်။

မြန်မာနိုင်ငံမှာ ဒီမိုကရေစီနည်းလမ်းကျရွေးချယ်ခံရတဲ့ အရပ်သားအစိုးရကို စစ်တပ်က ၂၀၂၁ ခုနှစ်မှာ အာဏာသိမ်းပြီးနောက် အစိုးရခေါင်းဆောင်တွေ၊ နိုင်ငံရေးသမားတွေ၊ လူ့အခွင့်အရေးလှုပ်ရှားသူတွေ၊ သတင်းထောက်တွေ၊ ဘာသာရေးခေါင်းဆောင်တွေကို ဖမ်းဆီး ထောင်ချမှုတွေကို အမေရိကန် နိုင်ငံတော်ပြန်တမ်းမှာ ထောက်ပြထားပါတယ်။ ဒီအခြေအနေတွေကြောင့် ၂၀၂၁ ခုနှစ် ဖေဖော်ဝါရီ ၁၀ ရက်မှာထုတ်ပြန်ခဲ့တဲ့ သမ္မတအမိန့်အတိုင်း မြန်မာနိုင်ငံကို အမေရိကန်အမျိုးသားလုံခြုံရေး ခြိမ်းခြောက်တဲ့နိုင်ငံအဖြစ် ‘နောက်ထပ်တနှစ်ထပ်တိုး’သတ်မှတ်တယ်လို့ သမ္မတ Trump လက်မှတ်ထိုး ထားတဲ့ နိုင်ငံတော်ပြန်တမ်းမှာ ဖော်ပြထားပါတယ်။

မြန်မာနိုင်ငံမှာစစ်တပ်အာဏာသိမ်းထားတာကြောင့် အမေရိကန်မှာ ရောက်ရှိနေကြတဲ့ မြန်မာနိုင်ငံသားတွေ နေရပ်ပြန်ဖို့ မလုံခြုံတဲ့အတွက် အမေရိကန် အမိမြေလုံခြုံရေးဌာနက ယာယီနေထိုင်ခွင့် TPS ကို ၂၀၂၁ ခုနှစ် မတ်လမှာ စတင် ခွင့်ပြုခဲ့ပါတယ်။ အဲဒီနောက် TPS သက်တမ်းကို ၁၈ လတကြိမ် တိုးပေးခဲ့တာကြောင့် လောလောဆယ် ၂၀၂၅ နိုဝင်ဘာ ၂၅ ရက်နေ့အထိ အကျုံးဝင်နေပါတယ်။

VOA Burmese

စစ်တပ်က ပြည်သူ့အိမ်တွေ မီးရှို့နေ
★★★★★★★

ကော့ကရိတ်မြို့ အာရှလမ်းမကြီးဘေး

ဆင်ကုန်းရွာရှိ ပြည်သူ့ နေအိမ်တွေကို

စစ်တပ်က ယနေ့ညပိုင်းတွင် မီးရှို့နေကြ

ကြောင်း သတင်းရရှိပါသည်။

#ဒတဆဖ