الشاعر حاتم صبري الكاظمي

عَـ الخِدمة كِل هاي السِنين
مـمـنُـون مــنّــك يـا حُسين
-
نزلة العزاء لهذه الليلة
الرادود الحاج #باسم_الكربلائي
ليلة 24 شهر #محرم_الحرام 1441 هـ
للشاعر #حاتم_صبري_الكاظمي
احياء #ليالي_محرم (العشرة الثالثة)

#حسينية_وموكب_ام_الحسن (ع)
#البصرة | قضاء #الفاو


ــــــــــــــــــــــــــــــــــــــــــــــــــــــــــــــــ
#باسم_الكربلائي #حسينية_ام_الحسن
#ويبقى_الحسين #وفاء_للحسين
#الليالي_السجادية #محرم #محرم_1441

قصيدة في أستشهاد الامام السجاد زين العابدين عليه السلام ...
قصيدة ( رسوم الماء )


لو شاهد الماي...گــلبه ينجرح
يتذكر احسين...راسه عالرمح
بعيـونه يرســـــم أله
جرح السبي و كربله
............
أبو البــــــاقر ماي لو قَدمو إله الناس
يرسم الماي بعيـــونه صوره احساس
من الصور عالسمهرية سبعطش راس
ومرة يتخيَّل احسين وصدره ينداس

للوالد اينـوح.... گـــلبه المنكسُر
يتذكر الخيل....تسحگ عالصدُر
يذكره بمأســـــــي هَله
جرح الســــبي و كربله
............
الماي طبعه للعطش يصبح طبيبة
بس علي من يشــربه يــكثر لهيبة
من يغص يذكر جثث ظلت سليبة
ومن ينادون اعله عمته يا غـريبة

تتنفس اجـروح....روحه ابدمعته
مرسومة بالعين....غُــــربت عمته
بالصــــــبر يتــحمله
جرح السبي و كربله
...........
صورة ما زالت وسط روحه ودليلة
عمـــــــته مچتوفة عالناگه الهزيلة
بأذنه ما زالت نـــــــــدائات العقيلة
ظعن زينب ليش ما يــحضر كفيلة

يا عــــمّه ناديت....فوگ المــشرعة
ظل عمي عباس....چفوفة مگطعة
وشـــســوة بالــعايلة
جرح السبي لو كربله
............
كلشـي عنده ايذكره بالغاضرية
والمشي باللـــيل بدروب الرزية
صورة بالماي لألم ذيج المسية؟
بالخـــــــرابة يدفن بأيده رقية

من جابو الـراس...لمن حِضنته
صاح اعله زينب...أختي مَيّـته
ماتت وهي شــــــايله
جرح الســـبي و كربله
...........
بعمره اخر ليلة من دنيه المصايب
گبره راد يجــــــاور اگبور الغوالب
ينــــــدفن في كربلة گاع النـوايب
گـلبه ما يتحـــمل افراگ الحبايب

عن ذيج الاخوان.... دهره يبعده
اتمنه يدفنــــــوه....بمرقد والـده
ويشــــرحـله من يسأله
جرح الســـــّبي و كربله

الشاعر حاتم صبري الكاظمي

ابوذيات :

وره الكوفه يخويه شام اتاني
( اجاني الشام )
واحد حاچه راسك شامت اني
( الشماته )
يگلك يا بو فاضل شـام اتاني 
 ( شمنتظر)
شوف أشلون أگود اختك سبيه
_____
نـهر تنزل دمـــوعي من يراهه
( من منبعها )
زينب من سِـمعــهه من يراهه 
( منو شافهه )
الشمر بحبال اديّه مِــــن يراهه
( جراهه )
شفت راس ابو فاضل صد عليّه



حاتم صبري الكاظمي

تخميس الشاعر حاتم صبري الكاظمي لقصيدة الفرزدق المكتوبة في حق الامام زين العابدين ع ..

إنْ قُلتَ بـدرٌ لـقـد أَخفَيتَ فِـلقَتــَهُ
نُوراً حَوَتْ مِنْ رَسولِ اللهِ خِلْقَــتَهُ
هـذا الذي تعــرفُ العَـلياءُ سَجدَتَهُ

هـذا الذي تعــرفُ البطحاءُ وطأتَهُ
و البَيتُ يَعرِفُهُ و الحِـلُّ و الحَــرَمُ
_
قَدْ خابَ مَنْ في عُلـومِ اللهِ جَادَلَهُ
اللهُ فــي مَـــرتَــعِ الأنــــوارِ أنــزَلَهُ
قالَ اللئـــيمُ فَـمَنْ هذا؟ فَقــلْتُ لَهُ

هذا ابنُ فاطـــمَةٍ، إنْ كُنْتَ جاهِلَهُ
بِـــجَــدّهِ أنْبِــيَاءُ الله قَـــدْ خُتِمُوا
___
إنْ يَعطَشِ الليلُ يَسقِيهِ بنــاظِرِهِ
وَريثُ بيــتٍ تَــرَبىٰ في مَحاجِرِهِ
ذا خــيرُ تَقــوىٰ الإلهِ في شَعائِرِه

وَ لَيْـسَ قَـوْلُكَ: مَن هذا؟ بضَائرِه
العُرْبُ تَعرِفُ من أنكَرْتَ وَالعَجمُ
___
مــا سـامَرَ الليــلَ إلا فــي تَـعَبُّـدِهِ
إذْ ساجِدَاً قَدْ أتىٰ في يومِ مولدِهِ
فـ اللهُ جــاعِلـُــهُ وَريــــثَ أحمدِهِ

ما قــال: لا قــطُّ، إلاّ فــي تَشَهُّدِهِ
لَــوْلا التّــشَهّدُ كــانَـتْ لاءُهُ نَـعَمُ
___
كَـــريـمُ كَـــفٍ نَــعــمْ مــا رُدَّ ســائِلُها
ما كــانَ (فِعـْلاً) فـ للأســماءِ (فاعِلُها)
فِــيهِ صِــفـاتٌ لــقَـدْ قَــلَّتْ قَـــلائِلُها

إذا رَأتْـــــهُ قُــرَيْـــشٌ قـــالَ قـــائِلُها
إلى مَــكَـــارِمِ هـــذا يَنْــتَهِي الكَــرَمُ
___
ذا خَيـــرُ مُنْـــتَبذٍ فـي اللهِ ما انتَبَذَا
قــالَ الرزدقُ فيهِ الشـــعرَ قُــلتُ لِذا
الفضلُ في الأرضِ يا ناسُ يعودُ لِذا

مَن يَشــكُرِ اللهَ يَشــكُرْ أوّلِيّةَ ذا
فالدِّينُ مِن بَيتِ هذا نَالَهُ الأُمَمُ
__


الشاعر حاتم صبري الكاظمي

ازورك مـن على الناگه
اخت وابغربة مشتاگه
ابـ هالاحساس
سلامي ودمعه وياها
زيارة وارث اقــــراها
على الراس
-
القصيدة الرئيسية لهذه الليلة
ليلة 22 شهر #محرم_الحرام 1441 هـ
للشاعر #حاتم_صبري_الكاظمي
احياء #ليالي_محرم (العشرة الثالثة)

#حسينية_وموكب_ام_الحسن (ع)
#البصرة | قضاء #الفاو


ــــــــــــــــــــــــــــــــــــــــــــــــــــــــــــــــ
#باسم_الكربلائي #حسينية_ام_الحسن
#ويبقى_الحسين #وفاء_للحسين
#محرم #محرم_1441

كلـــشــي تغــيَّر و راح ... صوت النايبه صاح
روس اخوانها ام عون ... شالوهن عالرمـــاح
_____________
هدوء الطــف بدايــة راحَت المـوت
وخلص حچي السيوف ويه المچاتيل
و رمـاح التايــهه لكل راس تــابوت
نــحــور اســـتقبــلتـهه بلا مـقابيــل

و الـ ما ثِــبَـت جابوه ... بحلگ الرمح حفـروه
و الأكثــر يگـــولــون ... مگـطــوع و يضربوه
______________
تِـلال من العَتَـــب بيهن أثر ( ليش )
وكلمة ( رايحه ) عالمشــرعه تمــيل
صباح الخير شَـــدّو مَعـــصَم الخير
و أنــگـــاد الســـتر فــوگ المــهازيل

صارَن عُرْضَه لـ العين ... عـــلويَّـات الحسيـن
الـ ما شافـوهن شلون ... أخذوهن سبي وين
________________
و بوَضْــح النــهار استـفحَل الشــين
خذوه امچتف بـحبل الســـبي الليل
و شـالو راس عـــالي برمــح الزغير
شـدو راس غِيــره بـرُگـبــة الخـــيل

يـروولي و بـچــيـته ... شَـدّو مِـنْ لِحــيـته
وبـ أُخــرىٰ يـنقــلون ... صـار الرمـح بيـــته
________________
أهــــل العافــيه ابـلا عافـيه تــروح
أمـس بيها الحــوافر چانـــت اتشيل
امدنگه الراس زينب من المــصـــاب
و نظــرات الشــماته بزينــب اتعــيل

لـ الكوفه عله النــوگ ... طبـو بيــها لـ السوگ
مجــروحات المــتون ... برگبتهه الحبل طوگ
_________________
الچانـت بأبو فاضـــل شـايله الراس
مِشت حتـــى رمشــها فاگـــد الحيل
انتعش عمـر الدمع و العِز كَهِـل صار
واتـوفَّــه الــدلال بـ مـــعــركة ويــل

الـ تحرِسهه الميامين ... وگــفت بالدواويــن
بيــها ما يشــمـتــون ... لو موجـوده چـفيـن
_________________
دمع بجـفونهـه المــقروحـه همّــال
و عطر عباس وي دم چَفْهِن يسيل
زينب كل قــصايــدهه اعله عباس
اشفَعَل بيهه الحزن دونه مفاعـــيل

مِن ديره لَـ ديـــره ... نـــاس بلايـه غِيـره
تمر بيهم يشوفون ... بِــت حـيدر أســيره

الشاعر حاتم صبري الكاظمي

قصيدة من وزن الفائزي :
ما حدث أمام زينب ع في طريقها إلى الشام و ماذا رأت و ماذا سِمِعَتْ ؟


جَرح المشاعر بالحِزِن يم الخِـدِر صـاح
شصاير يزينب مال واحد مِـنِّ الرْمــاح
______________
نمشي و يفاجــئنَه صِيـاح ايرافـگه اوْنِيـن
مچــتوفـه ما أدري شسـوي و اتجــه ويـن
خوفي وِگَع مِنْ فوگ رُمحَه راس الحسين

وأنه اعله ناگــه و الحَـبِــل بالگوه ينــزاح
_______________
طِحتْ و رِحِـتْ لـ الرُمِــح بجروح الرزيـه
خِفْت أعله راس حســين إله مَديت أديّـه
مـصـدومــه أول مَــرّه مَـيــبـاوع عـليّـــه

حَسْيتَه اخــويه عالرمح راســـه ممــرتاح
_______________
گلت أسأل السجــاد المگيــديه بالطــوگ
يا عمّه شنهو الصــار مـو دلالي مـحروگ
گلّي تـره طاحــت رقيّـــه مِـن عله النوگ

و تاهَت علينه و الظعن ضَجْ بيه النـياح
_______________
أمشــي بما بيّــه و علىٰ صــبري أوچـي
من دورتها لْـگِـيتْـها وي حُـرمَه تحچــي
و اعرفت أمي فاطـــمه الزهــراء تبچي

واگعدت وياها و حِچَتلي الجاي والراح
_______________
وصتني اكابر لو علىٰ گلــبي الدهــر جار
واتحصني بصبرچ إذا ضــربــوهه الزغار
و حســين گالت ينضـرُب راسه بالحْجار

و راس الرضيع اگبالچ اتصبري لو طـاح
_______________
سِتْرچ رماح الروس لو بيچ الخَلَگ حـاط
و ادريها نظرات الشمــاته اتگـطـع النياط
وَيّــاچ راح اتْلگـه عَنْ أحفـــادي السْـياط

و ماريد مَتــنچ بالســياط اگبالي ينْــلاح
________________
مجلس يزيد و لو دخـلتي صيري أني
(وَ أَفْـرِغِ ) بِـ لْسان حـيـدر أو مكـــاني
يا هـذه مـا أَنْــذَل أبَــد زيــنب تــراني

ولساني ذو الفقار يخطف منكم أرواح
_________________
راس الحـسين بلــيل لو حَـلْ بـ مصابه
نِمسَح أنه وهالطِفــلَه عِنْ وجـهه تُـرابه
ما ترجـــع ويــاكم تره حَــدهه الخرابه

وتموت مشتاگه رقيّه بسيــف الجراح

الشاعر حاتم صبري الكاظمي

حــديث الروس ... صار بدمعــة العين
حچَه الــــعباس ... ويه راس الحسين
بهالـمصـاب الي جره
هواي اختنه امــغيّره
________
انجمعن الروس بخرابه مُلتـــــقاهه
وراس أبو فاضل لَخو كلمه حچاهه
هاي اختنه حسين متغيره شدهاهه
گله خويه السـبي زينـــــب غيراهه

يخويه حســين ... زينب من شفتهه
صدمني الحـال ... مو ذيــج العفتهه
عيوني ظلــت حـايره
هواي اختنه امــغيّره
________
خويه شوف اشلون تمشي شاهدتهه؟
گله مكـــــــســورَت ظهر من نايبتهه
هاي مو زينب يخَي ذيج العــــفتـهه
مصـــــيبتك حته العبايه شَـــــيبتهه

مُصـــاب الطَـف ... غيّــر كلشي بيها
الحبل والسـوط ... ورّم چَـف أديـها
والوجه مِن تــــنظره
هواي اختنه امـغيره
________
مالي حِيله بس دمع عيناي أصــبّه
لو چنت عايش فلا تشعُر ابــــغربه
من السياط المؤلمه هالحاله صعبه
متن زينب عالأقل بي ميت ضَـربه

يضــــربوهه ... ويشتمونهه الناس
إذا صــاحت ... ألحـگــــلي يعباس
ضلوع منهه مكسَـره
هواي اختنه امغيره
_______
بالسبي فــــــوگ الرمح تنظر علــيّه
واسمع تــــــحاچيني وتحـشم بديّه
تگلي خويه الدهر شوف شسوّه بيه
من بعد عينك يصيحولي السـّـــبيّه

لون موجود ... ما تحصَل شِــماته
أبد عـــباس ... يسبــــوَهه خواته
منهه ارجو المـعـذره
هواي اختنه امغيره
_______
حسين گله كفو يالچفيك ثايه
شــــــاءْ الله أَنْ يَراهُنّه سبايه
يمشي راسي عالرمح وانته ورايه
صار راسك بالسبي لنصُر رايه

علىٰ زيـنــب ... عينك كل مِسيّه
بعد چم يوم ... تلحگنه رقـــــيّه
بـحالنه المتيــــسره
هواي اختنه امغيره


الشاعر حاتم صبري الكاظمي

حجاب الله أنه ... من بيت النبــي
لــزينب يا دهر ... مَيــلوگ السـبي
أنه ويني .. أنه ويني .. وين الدواوين
_________
أعرِّف نفسي يلّي تنشِد اعـــليّه
أنه حجاب الله بهيــــــئه إنسيّه
بعد ذاك الخدِر والدهــــــر تاليّه
چاتفني الشمِر مَـــشاني مسبيّه

البي بوسَت عـلي ... چَف ما مثله چَف
وسفَه من الشمِر ... بحـبال انچـــــتَف
هذه حالي .. هذه حالي .. بعد المـــيامين
________
وِسَف صار العدو بالــــسبي يتبختر
وِسَف ناب الشماته اعله الخِدِر كشَّر
وِسفَ متن النبوّه من السياط أحـمر
يتشــــــــمتون گالو هاي بت حـيدر

سوط اعله الظهر ... عله طــول الدرُب
وبچـــَعب الرمـح ... من ابچي انضرُب
أ يروحي ... أ يروحي ... محتاجه چفـــين
________
أمشي وعيني تحچي ويه ذاك الراس
وگله بعد عينك أمشــــــي بين الناس
حسافه ويه العبيد الخدر أنْ يــنقاس
لا ميـــــصير هذه لو عَــــــدل عبـاس

كافل محـــملي ... لو بـــعده عدِل
هيهات انســبي ... واصعد عالهزِل
ولخيالي ... ولخيالي ... ما تنــظره عــين
_________
راس حسين يبچي دم يشوفونه
أذا يسمع أبويه من يشــــــتمونه
من فوگ الرماح تباوع اعــــيونه
ظهر بنــــــته رقيّه من يضربونه

يحرس طـفــلته ... من أصغر جرِح
بس من تنـضرُب ... يهــــــتَز الرمِح
عله راسه ... عله راسه ... تبچي النسواوين
________
سبيّه بمجلس ابن ازيــاد ودوني
أوگف بين ناسٍ ما يحــــشموني
چبير الگوم ناده يالتـــــسمعوني
أخت عباس ياهي بيهه دلـــوني

أَشَّـر بـصـــبِـعَه ... ونظراته سهــَــم
خل يحضر إلچ ... شيــــــــال العلَم
أنه جرحي ... أنه جرحي ... من يشتم حسين

الشاعر حاتم صبري الكاظمي

روحي ... بنوحي ... أمك وجيت بدفنتك يبني
_______
من مَـرقد الحَــسرات ... والصدر موجوع
جـــيت وجره بعيناي ... شَـلال الدمـــوع
أسأل علــــيك الـگاع ... والگلب مفـجوع
دليــــــني بابني وين ... مهــشوم الضلوع

روحي ... بنوحي ... أمك وجيت بدفنتك يبني
_______
ولكــــربله من جـيت ... مكسوره ضــلعين
بالگـــوه ادور اعليك ... جسـمك وگع وين
بگبري وســمعت بأه ... من السمَه ونـــين
فوگ الرمـح مرفوع ... ظل راس الحسين

روحي ... بنوحي ... أمك وجيت بدفنتك يبني
______
روحي اعله گاع النوح ... شـاهِدَت وضعك
متــــــــگطع و يا ريت ... أگـــــدر أجمـعك
من نحــــــرك المذبوح ... تون يمّه اسمعك
روحي بركضــتي ليك ... عَـــثّرهه اصبعك

روحي ... بنوحي ... أمك وجيت بدفنتك يبني
______
تارِس ييمـــه الـــگاع ... بالدم أنـــُـــظرَك
ويه ابنك السجـــــاد ... حَضـَرِت گبــــرك
مرّه ابــچي مرّه بأيد ... أمـــسح ابنـحرَك
لو أجــــمع من الگاع ... كل عَظُم صـدرك

روحي ... بنوحي ... أمك وجيت بدفنتك يبني
______
بمنــــــظرك يا مـذبوح ... صـــابتني حــــيره
مــــــتوســـده ويـــّاك ... كل العَـــــشــــــيره
أمشي وأشيل ضـلوع ... امهـــشمه و كسيره
ما حاسبه يحســـــين ... تشِيـــلَك حَـــصيره

روحي ... بنوحي ... أمك وجيت بدفنتك يبني
______
و بــجـمر نار الروح ... ألـطم عله الـــراس
وبگلبي حــــزني زاد ... ما ظَــــــنّه ينقاس
رحت وشفت عالماي... جــــــــثّه بلا راس
أعرفته البلا چفــين ... هذه ابني عـــباس

روحي ... بنوحي ... أمك وجيت بدفنتك يبني
______
يا جــــرح ماله ضــــماد ... يالصعبه اشلّك
ارجعت وشفت يحسين ... مدفونه أهــلك
روحــــي ادفنت ويـــاه ... بهالحاله اگــلّك
عالصــــــدر من خلـيت ... عبد الله طفلك

روحي ... بنوحي ... أمك وجيت بدفنتك يبني

الشاعر حاتم صبري الكاظمي

صباح الخير شَـــدّو مَعـــصَم الخير
و أنگـــادت الســـتر فوگ المــهازيل
و بوَضْــح النــهار استـفحَل الشــين
خذوه امچتف بـحبل الســـبي الليل
و شـالو راس عـــالي برمــح الزغير
شـدو راس غِيــره بـرُگـبــة الخـــيل
أهــــل العافــيه ابـلا عافـيه تــروح
أمـس بيها الحــوافر چانـــت اتشيل
مدنگه الراس زينب من المــصـــاب
و نظــرات الشــماته بزينــب اتعــيل
الچانـت بأبو فاضـــل شـايله الراس
مِشت حتـــى رمشــها فاگـــد الحيل
انتعش عمـر الدمع و العِز كهِـل صار
واتـوفَّــه الــدلال بـ مـــعــركة ويــل


الشاعر حاتم صبري الكاظمي

قصائد العشره الثانيه من محرم الحرام 1441

شوط كربلائي ليلة العاشر


أخر ليـله بــجـــروحــك
باچــر عالــتـرُب خَـــدَّك
مخـتنگه الخــيم ويــاك
بس عبد الله ظل عندك
____________
تتلــفت يمــين اشمـال ... حايـر بين هاي الناس
شــالــو عنــك اعــزازك ... وفرگتهم تهـبط الراس
طولك منكسر يحسين ... كــاسر طــولك العباس 

تنــخه و تتــــجه لا وين 
شــافــو دمعتــك بالعين
يضحك شامتك يحسين

صعبه الـ ما لگه ناصر ... و بگيت بكربله وحدك
_____________
نظره اعلـه الخـيم مرّه...ونظره لـ النهـر وِحده 
تگله خــويه ياعــباس...أخوك حسين ظل وحده
شيسوي الحِيليته قَلّت...صعـبه الـ ما أخـو عنده 

تحشم صفــوة الصفوه
ويــن الـ بيــهم أمــروه
و تْجُـــر النفــس گــوه

و تعاين بس نحور و دم ... محَّـد بالـ نَـعَم ردّك 
_____________
أنصـارك عــلى الغــبره ... گدامـك و اهل بيــتك 
تنـعه نفـسك بنفــــسك ... و تدري شنهو تاليتك
السمه مُطرت مشاعرهه ... من سِمعَت بواعيتك

هــاي النـــاس متــريدك
عبــد الله بقــه اوليــدك 
يخطفه السهم من إيدك

و تظل بس النسه وياك ... و أُميّه تزاحمت ضدَّك
_____________
الــله لو وصــل باچـــر ... و يبـاچر لا بزَغ صبحك
توصل لـ الخيام الناس ... حسين و ينـولد جرحك
بيــن اليسلب الخـــاتم ... وبين الگــاعد ايذبـحَـك

ما ينســمع مطــلوبـــك 
و كلها اتجمِعَت صوبك
الاصعَـب ينسِلِب ثوبك 

وكل هذه و أحس خوفك ... يكثر عالخيم بُعدك
______________
لـــكن التِشِــل الحــيل ... ذبحو كل بگايه الحيـل 
نهــار وعَجَّت ومُطرت ... دم و چنّـه صـــار الليل 
أعظامك يا أبو الأكـبر ... وصلت لـ الخيم بالخيل 

و راسك عالرمح شالوه
زينب و الحــرم شافوه 
وجسـمك وين يــندلوه 

و جروح السبي حانت ... صار الصار من بعدك


الشاعر حاتم صبري الكاظمي 

ميمر لـ علي الأكبر عليه السلام


يالكاسِر اضلوع الگاع ... يا فارِس الحـَربيّـــه
_____________
يمدوزِن الگـاع اعله ضـَربَة سيفَك
يرتــاح عــــزرائيــــل لو مَر طيفَك
الحومَه سِـبحه وانته فُرها بكيفك

رگاب الزلِم تركَـع لو ... غوجَك جِدَحْ ماضـيه
_____________
ماي الحـَميم و طُفَح بيهم روجَك
من غِيرتَك تغرَگ الحومه بموجَك
مات المُعـسكر بس تِحرَك غوجَك

و بين شَرَد بين الصار ... يحفُر گــبر راعـيّه
____________
لو أَبـرَهه و بقــــوتَه و بفـــــيلَــه
شيصير بي من سِيفَك وســجّيلَه
الرِسَـــنْ غَيمه و المـعارَه اكْحيلَه

هَجــــماتَك ابفَنْ الموت ... جـَــــويـةٍ بـــــريّه
___________
ياكوســـَجْ الطَــــر الزلِـــمْ يمـــهَنـدَمْ
والگــابلَك وَســـط المـــــعارِك ينـدَم
موسىٰ وعَصا سيفَه وفِتَح بحر الدم

كل المحــاوِر سَديت ... شَــــرقيةٍ غـــــربيّه
___________
ايهـز المــعاره من يــهز اگــرابَه
سَـيطر وخزراته أَســـد بالــغابَه
گالو علي لـ الغاضريّه شجـــابَه

طَر گَبره وبذو الفـقّار ... خلّه الرِگَب مدميّه
__________
ظـاهِر ابمنــظَر منَـــظره يا مَظهَــر
دَرعَم ابزوده وكِشخ كَشخَة حيـدر
انرَجَت الحومه من دِخَلهــــا الأكبر

يقبُض بخزره الأرواح ... ضرباته عبّاســيّه
__________
شَد واَنْشَد ابشِـــــدِته مَنـــــشود الموت
صَوَّتْ بــصوتَه وخورَس وماظل صوت
اليتــــقدَم اويا خَل يحَـــضِّر تــــــابوت

اليتحارش برمش حسين...رُگبته اتصير الـدِيّه

الشاعر حاتم صبري الكاظمي